«Elimizdegi barlyq qalalar men aýdandarda Elbasynyń atyna kóshe berý týraly usynystar tústi. Bul estafetany bizdiń óńir de qabyldap aldy. Oblystaǵy iri kásiporyndardyń, aýyl sharýashylyǵy qurylymdaryń basshylary, avtomobıl joldary kolledjiniń ujymy jáne jeke adamdar Qostanaı qalasynda Elbasynyń atyna kóshe berý týraly usynyspen shyqty. Qoǵamdyq tańdaýǵa 250 adam qatysty» dedi oblystyq tilderdi damytý basqarmasynyń basshysy Gúljan Meńdekenova. Gagarın atyndaǵy kósheni Nursultan Nazarbaevtyń atyna ózgertý týraly oblys ákimdiginiń usynysy respýblıkalyq onomastıka komıssııasynda qaralyp, maquldandy. Komıssııasyń sol otyrysynda «Aeroport» shaǵyn aýdanyndaǵy bir kóshege dáriger Dmıtrıı Gerasımovtyń atyn berý týraly usynys ta qaralyp, qoldaý tapty.
Gúljan Meńdekenova oblys ortalyǵyndaǵy Gvardeıskaıa kóshesi endi Gagarın atalatynyn jáne taqtaıshalardy ózgertýge bıýdjet qarjysy jumsalmaıtynyn, jumystar demeýshiler esebinen atqarylatynyn aıtty.
Qostanaı
