Elimizde bilikti ushqyshtar tapshy

Ulttyq keńes otyrysynda mundaı syndy Air Astana kom­­pa­nııasynyń ókili Evgenııa Nı jet­kizdi. Onyń aıtýynsha, Qa­zaq­standa ushqyshtardyń ká­si­bı biliktiligin arttyratyn oqy­tý ortalyqtary joqtyń qa­sy. Bar ortalyqtardyń deń­ge­ıi Eýropalyq avıasııalyq qaýipsizdik agenttiginiń standarttaryna saı kelmeıdi. Sondyqtan áýe kompanııalary qarjylaı salmaq túsirse de avıasııa kadrlaryn syrtta daıyndap júr. О́ıtkeni naryq­ta­ǵy ornynan aıyrylýdy eshkim qalamaıtyny anyq.

– Búginde Air Astana bar­lyq qajetti mamandardy óz ese­bi­nen daıyndaıdy. Olardyń qatarynda ushqysh, ınjener, bortserik jáne basqa da mamandar bar. О́ki­nishke qaraı, Azamattyq avıa­sııa akademııasynyń túlek­te­­ri bizdiń talaptarymyzǵa saı kelmeıdi. Sebebi bizdiń kompanııa Eýropalyq avıa­sııa­lyq qaýipsizdik agenttiginiń standar­tymen jumys isteıdi. Sáıke­sinshe osy standart negi­zin­de qajetti mamandardy ózi­miz­ge daıyndaýǵa týra keldi. Osy­laısha avıa­sııa­lyq oqytý orta­lyǵyn ashtyq. Qazir onda basqa áýe kom­panııalarynyń ushqysh­ta­ry da bilimderin jetildirip júr. Osy rette memlekettik jáne jekemenshik bilim berý meke­me­leriniń aıyrmashylyǵyna toqtal­ǵym keledi. Máselen, jekele­gen oqytý ortalyqtary búgingi zamannyń suranysyna saı ıkemdele biledi. Al memlekettik bilim berý uıymdary jaıly aıtý qıyn. Azamattyq avıasııa ushqyshy ataný úshin jo­ǵa­ry bilimdi kýálandyratyn qujattyń keregi shamaly. Qazir barlyǵy lısenzııamen jumys isteıdi. Sondyqtan kompanııa óz qarajatyna ushqyshtardy Eýropanyń oqý oryndaryna jiberýge májbúr. Buǵan qomaq­ty aqsha jumsalady, – deıdi Air Astana kompanııasynyń personaldy basqarý jáne ákim­shi­lik suraqtar jónindegi vıse-prezıdenti E.Nı.

Ol bir ushqyshty daıyndaýǵa shamamen 80-100 myń AQSh dollary jumsalatynyn aıtyp, bolashaq avıatorlardy daıyndaýda biryńǵaı standarttar engizilse degen usynysyn jetkizdi. Áýe uıymynyń ókili elimizdegi 450 ushqyshtyń 350-i qazaqstandyq maman ekenin aıtty.

Sonymen Azamattyq avıasııa akademııasy bola tura ne­lik­ten ushqyshtar basqa elde bilimin shyńdaýǵa májbúr? Bul suraqty Úkimet basshysynyń orynbasary Berdibek Saparbaev atalǵan bilim ordasynyń jýyrda taǵaıyndalǵan rektory Beken Seıdahmetovke tótesinen qoıdy.

– Ol úshin eýropalyq talap­tar­ǵa sáıkes oqytý ortalyǵyn qurýymyz qajet. Sol sekildi bilikti nusqaýshylar men ush­qysh­­tardy osy iske tartyp, oqý-jattyǵý bazasyn jolǵa qoıý kerek. Áýe kemelerin aldyq. Aerodromdy retteý jumystary aıaqtalýǵa jaqyn. Endi eń bas­ty­sy, kadr máselesin sheshý qajet. О́ıtkeni sertıfıkattalǵan nus­qaý­­shylar jáne ushqyshtar tap­­shylyǵy baıqalyp otyr. Eýropalyq standarttarǵa saı bolmaýymyzdyń sebebi osynda jatyr, – dedi B.Seıdahmetov.