Eki vedomstvonyń basshylary birlesken is-sharalar josparyn talqylap, yntymaqtastyq sheńberindegi damý perspektıvalaryn belgiledi. "Barys" hokkeı klýby ForteBank-ti negizgi bank retinde tańdap, tolyǵymen qyzmet kórsetýge kóshti.
"Bizdiń qyzmetimizdiń mańyzdy bóligi áleýmettik jobalardy qoldaýǵa baǵyttalatyny belgili. Sonyń ishinde balalar men jastar sportyn damytýǵa kúsh salamyz. Hokkeı – komandalyq rýhpen, tájirıbemen jáne sheberlikpen ushtastyra, kúsh pen tózimdilikti talap etetin eń jyldam jáne tehnıkalyq sport túrleriniń biri. Biz elordalyq komandanyń ár qadamyn qadaǵalaımyz, órkendegenin tileımiz. Biz jańa maýsymnyń jarqyn jáne qyzyqty bolatynyna, al ForteBank qarjylyq qoldaýy oıynshylarǵa muzdaǵy jeńisterde kómektesetinine senimdimiz", - dep túsindirdi ForteBank basqarma tóraǵasy Gýram Andronıkashvılı.
2019 jyldyń 3 qyrkúıeginde "Barys" QHL (Qurlyqtyq hokkeı lıgasynda) on ekinshi maýsymynda óner kórsetedi jáne dástúrli chempıonatta 62 match ótkizedi. Klýbtyń bas jattyqtyrýshysy – belorýstyq maman Andreı Skabelka. Eń qýanyshtysy, bıylǵy hokkeı maýsymynda "Barys" 20 jyldyq mereıtoıyn atap ótedi.
"Barys" hokkeı klýby bizdiń ujymnyń jańa seriktesi – ForteBank-ti zor iltıpatpen qarsy alady! Biz, barystyqtyr, hokkeı, sport jáne salaýatty ómir salty brendin ilgeriletý turǵysynan qarjy uıymymen múddelerimiz sáıkes keletinine qýanyshtymyz. Búgingi tańda ForteBank Qazaqstandaǵy senimdi bankterdiń biri retinde tanyldy. Bul bank ujymy ýaqyt talabyna saı óz klıentterine de súıispenshilikpen jáne yqylaspen qaraıdy! Biz birlesip, jankúıerler úshin kóptegen qyzyqty jobalar men aksııalar jasaı alamyz dep úmittenemin",- dep atap ótti "Barys" hokkeı klýbynyń prezıdenti Borıs Ivanıshev.
"Barys" – QHL-da Qazaqstannyń namysyn qorǵaıtyn jalǵyz hokkeı top-klýby. QHL-da oınaǵan on bir maýsymda "Barys" pleı-offqa toǵyz ret shyǵyp, Shyǵys konferensııasynyń shırek fınalyna úsh ret kelip, Chernyshev dıvızıonynyń jeńimpazy atandy (2013-2014, 2018-2019 maýsymdary). Budan b-lek, "Barys" hokkeı ujymy shaıbaly hokkeıden Qazaqstan quramasynyń negizgi klýby bolyp tabylady.
2018 jyldyń qorytyndysy boıynsha ForteBank aktıvter kólemi boıynsha Qazaqstannyń iri bankteriniń úshtigine kirdi jáne kapıtaldandyrý jáne ótimdilik deńgeıi boıynsha jetekshi orynda tur. ForteBank mobıldi qosymshasy Qazaqstanda №1 jáne reseılik Marksweb taldaý agenttiginiń nusqasy boıynsha TMD-da eń úzdik 10 joba dep tanyldy. Ekinshi jyl qatarynan ForteBank The Banker jáne Global Finance nusqasy boıynsha "Qazaqstandaǵy jyl banki" dep atandy.
