Jańa saıası baǵyttyń maqsaty aıqyn
Sársenbi, 27 naýryz 2013 2:17
Elbasy Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýy – bolashaqtyń berik negizin qalaǵan, naqty maqsat pen mejeni aıqyndaǵan tarıhı mańyzdy qujat. Memleket basshysy óziniń halyqqa arnaǵan dástúrli Joldaýlarynda aımaqtardyń damýyna baılanysty óńirlerdi damytýdyń basym mindetterin tujyrymdap, bul máselege baılanysty negizgi baǵyttardy belgilep berdi.
Sársenbi, 27 naýryz 2013 2:17
Elbasy Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýy – bolashaqtyń berik negizin qalaǵan, naqty maqsat pen mejeni aıqyndaǵan tarıhı mańyzdy qujat. Memleket basshysy óziniń halyqqa arnaǵan dástúrli Joldaýlarynda aımaqtardyń damýyna baılanysty óńirlerdi damytýdyń basym mindetterin tujyrymdap, bul máselege baılanysty negizgi baǵyttardy belgilep berdi.
Prezıdent «Qazaqstan-2050» Strategııasynyń da negizgi qaǵıdalaryn atap kórsetip, ony sheshýdiń joldaryn aıqyndady. Elbasy «Biz ákimshil‑ámirshil júıeni basqarý dástúrlerinen túbegeıli bas tartyp, basqarýshylardyń zamanaýı ári tıimdi korpýsyn qurýǵa tıispiz.Kadrlardy irikteý men joǵarylatýdyń barlyq azamattar teń quqyqtar men múmkindikterge ıe bolatyn biz jasaǵan júıesi memlekettik apparat qyzmetiniń kásibıligi men ashyqtyǵynyń barynsha joǵary deńgeıin qamtamasyz etedi», dep atap aıtty.
Strategııadaǵy basym baǵyttyń biri – ákimshilik reformalardy iske asyrý arqyly ozyq basqarý sheshimderin qabyldaý. Munda kózdelgen basty maqsat – memlekettik qyzmet kórsetý sapasynyń qoljetimdiligin arttyrý jáne azamattardyń memlekettik bılik ınstıtýttaryna senimin odan ári nyǵaıtý. Sonyń nátıjesinde elimizde 26 naýryzdan bastap tıisti Zańǵa engizilgen ózgerister men tolyqtyrýlar kúshine endi. Endigi ýaqytta memlekettik qyzmetshiler sanatyna buryn memlekettik basqarý júıesinde bolmaǵan «A» korpýsy qosylady. Bul sanattaǵylar memlekettik tilde test tapsyrady, Kadr saıasaty jónindegi ulttyq komıssııanyń aldynda áńgimelesýden ótedi.
Bizdiń aldymyzda qazir jaýapty mindet tur. Memlekettik tildi jetik meńgerýmen qatar, zańdardy tereń túsiný, turǵyndar aldynda Elbasy tapsyrmasyn oryndaý jónindegi mindetterdi jetkizý de iskerlik pen ilkimdilikke baılanysty ekeni belgili jáıt. Osyndaı jaýapkershilik júgin arqalaǵanda ǵana memlekettik qyzmetkerlerdiń biliktiligi arttyrylyp, sol arqyly qyzmet sapasy kúsheıtiledi. Kadrlarǵa qatań talap qoıý, alda turǵan maqsatty oryndaýdaǵy belsendilik pen beıimdilikti talap etý de qajet.
Zaısan aýdanynda Elbasy Joldaýyn oryndaý jolynda aýqymdy da baǵdarly jumystar júrip jatyr. Bul óńirde qazba baılyqtarynyń kóp túri bar. Kómirdi ıgere bastaǵanymyzǵa 20 jyl. Bıyldan bastap aýdan turǵyndary jergilikti jerdiń «kógildir otynyn» tutyna bastamaq. Munaıdyń da mol qory bar, ony halyq ıgiligine jaratý jumystary jalǵasýda. 19 eldi meken gazdyń ıgiligin kórmek.Elimizde bıyl iske asyrylatyn basty jańalyqtyń biri – jergilikti ózin-ózi basqarýda aýyl ákimderiniń saılanýy. Aldaǵy ýaqytta aýyl ákimderiniń apparatyn keńeıtý máselesi iske asyrylyp, olarǵa jańa mindetter júkteledi. «Memlekettik qyzmet týraly» Zańdaǵy ózgerister nátıjesinde osy saladaǵy reformalar elimizde memlekettik qyzmettiń álem boıynsha eń ozyq júıesin qalyptastyrady, ákimshilik basqarýdyń, memlekettik qyzmettiń jańasha úlgisi iske asyrylady.
Serik ZAINÝLDIN,
Shyǵys Qazaqstan oblysyndaǵy
Zaısan aýdanynyń ákimi.
