Onyń aıtýynsha, nan baǵasy turaqty bolyp qalady, baǵanyń aıtarlyqtaı aýytqý jaǵdaılary kútilmeıdi.
«Jyl basynda men nan baǵasynyń ósýin tejeý týraly aıttym. Azyq-túlik korporasııasy arzandatylǵan astyqty naýbaıhanalarǵa 100-den 150 myń tonnaǵa deıin satady. Biz 100 myń tonna astyq sattyq. Sodan beri nan baǵasy turaqty», — dedi S. Omarov.
Sonymen birge, aýyl sharýashylyǵy mınıstri aýa-raıy jaǵdaılaryna baılanysty bıyl 1-1,5 tonnaǵa az ónim jınaý boljalǵanyn atap ótti. Bul jaǵdaı ishki naryqqa áser etpeıdi.
«Eger biz 19 mln tonna astyq jınasaq, onyń 9 mıllıony ishki naryqta qalady, biz 7-8 mıllıon tonnasyn eksporttaımyz, 2 mıllıon tonna astyq qalady. Sonymen qatar, bizde byltyrǵydan qalǵan astyq bar. Onyń kólemi – 1,5 mıllıon tonnany quraıdy. Jalpy, bizde ishki naryqty qamtamasyz etý úshin astyq jetkilikti», — dedi mınıstr.
Sonymen qatar, S. Omarov atap ótkendeı, Azyq-túlik kelisimshart korporasııasy satyp alatyn 1 mıllıon tonna astyqtyń ishinde nan óndirýshiler úshin 150 myń tonna kóleminde, qus fabrıkalarv úshin 100 myń tonna kóleminde rezerv bar.
