“BOLAShAQ” STIPENDIIаSY BО́LINDI

Keshe Aqordada Memlekettik hatshy – Syrtqy ister mınıstri Qanat Saýdabaevtyń tóraǵalyq etýimen Shetelderde kadrlar daıyndaý jónindegi respýblıkalyq komıssııanyń kezekti otyrysy boldy. Elbasy Nursultan Nazarbaev­tyń bastamasymen jasalǵan shet­elderde mamandar daıyndaý jó­nindegi “Bolashaq” baǵdarlamasy qazirdiń ózinde óziniń ómirsheńdigin kórsete bastady. Osy baǵdar­la­ma­men shetelde oqyp, maman bolyp kelip jatqan jastar el ekonomı­kasyn álemniń barynsha damyǵan, básekelestikke tótep bere alatyn elderiniń qataryna shyǵarý jo­lyn­da jemisti eńbek etip júr. Qa­zaqstan ekonomıkasynyń joǵary deńgeıde damýy jáne elimizdiń gúldenýi naq osy mamandardyń bilimi men biligine tikeleı baı­lanysty, dedi komıssııa jumysyn júrgizip otyrǵan  Q.Saýdabaev. “Bolashaq” stıpendııasyna úmitkerlerdi konkýrstyq tásilmen tańdaý 2010 jyldyń 13-26 aqpany aralyǵynda júrgizilgen bolatyn. Onyń eki týrynan ótken 196 úmit­kerdiń jeke isteri Respýblıkalyq komıssııanyń qaraýyna usynyl­dy. Sonyń ishinde 135 úmitker sheteldik joǵary oqý oryndaryna ózdiginen túskender, al 61-i jalpy konkýrs boıynsha qatysqandar bolyp shyqty. Úmitkerlerdiń 22-si bakalavr, 41-i magıstratýra, 133-i ǵylymı tájirıbeden ótýge barmaqshy eken. Úmitkerlerdiń eń kóbi Uly­brı­tanııa joo-laryna barýdy qalaǵan kórinedi. Olardyń sany 55 adam, al Reseıge  – 50 jáne AQSh-qa 31 úmitker barýdy kózdep otyr. Sondaı-aq Polsha, Ispanııa, Slovakııa, Shveısarııa, Germanııa, Fransııa, Kanada, Italııa, Belgııa, Malaızııa, Sıngapýr jáne t.b. elderdi qalaǵandar da bar. “Bolashaqtyqtar” tańdaǵan basymdy mamandyqtar arasynda “Kásibı bilimniń teorııasy men metodıkasy”, “Pedagogıkalyq dıa­gnostıka, bilim sapasyn baǵa­laý men basqarý”, “Shyǵystaný”, “Aqparattyq tehnologııa”, “Eko­logııa”, “Quqyq”, “Ekonomıka”, “Bıotehnologııa”, “Memlekettik saıasat”, “Qoǵamdyq densaýlyq saqtaý”, “Menedjment” jáne basqalar bar. Otyrys qorytyndysy boıyn­sha Respýblıkalyq komıssııa “Bolashaq” stıpendııasyn 139 úmitkerge beretindigi jóninde sheshim qabyldady. Onyń úlken bóligin, joǵaryda aıtqanymyzdaı, ǵylymı tájirıbeden ótýge baratyn úmitkerler ıelendi. Jaqsybaı SAMRAT.