Avıabılettiń ózindik quny mynadaı kórsetkishterden quralady. Baǵanyń edáýir bóligi avıasııalyq otynnyń qunyn quraıdy - bul shamamen 32%, sondaı-aq áýe tehnıkasyn paıdalaný, áýe kemelerin jalǵa alǵany úshin tólemder jáne t.b. eleýli shyǵyndardy alady.
Avıasııalyq otynǵa qatysty. Qazaqstanda barlyq úsh MО́Z aıaqtalǵannan keıin, bizdiń elimiz syrttan tasymaldanatyn kerosınniń ımportyna táýeldiligin alyp tastaı aldy. Bul otyn baǵasynyń 95 dollarǵa deıin tómendeýine birden áser etti. Budan ári Qazaqstan baǵany tómendetý, onyń ishinde sheteldik tasymaldaýshylar úshin QQS azaıtý joldaryn izdestirýdi jalǵastyrýdy josparlap otyr.
Komıtetke Eýropa ishindegi ushýdy mysalǵa keltire otyryp, ishki reısterge avıabıletterdiń joǵary quny týraly suraqtar jıi kelip túsýde. Alaıda Qazaqstannyń ishki naryǵyn EO-nan aıtarlyqtaı erekshelenetin birqatar faktorlar bar. Atap aıtqanda, bul naryqtyń tyǵyzdyǵy, áýekompanııa oıynshylarynyń sany, Eýropada bizdiń elge qaraǵanda loýkosterler sanynyń edáýir artyq ekendigi, bul faktorlar básekelestikke jáne avıabıletter qunynyń tómendeýine yqpal etedi.
Aıta ketý kerek, Qazaqstannyń qalalary arasynda úlken aýmaqtar men qashyqtyqtar bar jáne Eýropaǵa qaraǵanda halyqtyń tyǵyzdyǵy tómen. Sondyqtan, kılometraj boıynsha uqsas avıamarshrýttardy taldaý kezinde kelesi qorytyndy jasaýǵa bolady. Mysaly, Nur-Sultan-Almaty baǵyty boıynsha bılet quny 22 myń teńgeden bastalady. Parıj-Rım Eýropadaǵy qashyqtyq boıynsha uqsas baǵyt, dollarlyq balamadaǵy bılet quny eki ese asady. Árıne, EO-da ushý kezinde 30-40 mınýttan aspaıtyn qysqa baǵyttar kóp, bul soǵan sáıkes bılet baǵasyna da áser etedi.
Osyǵan qaramastan, kóptegen kórsetkishter boıynsha, búginde Qazaqstanda avıaushýlar basqa eldermen, atap aıtqanda Eýropa elderimen salystyrǵanda baǵa boıynsha básekege qabiletti.
