О́z Joldaýda Prezıdent negizgi basymdyqtardy belgilep, álemdik ekonomıkalyq, saıası jáne rýhanı daǵdarys jaǵdaıyndaǵy el taǵdyryn tyǵyryqtan alyp shyǵýdyń naqty joldaryn usynyp otyr. Joldaýda el ekonomıkasynyń órkendeýi ǵana emes, áleýmettik jaǵdaıdy jaqsartý, halyqpen etene aralasý arqyly memlekettik qyzmettiń sapasyn arttyrý, bilim men ǵylymdy damytý, rýhanııatty jańǵyrtý, t.b. kóptegen máseleniń qamtylǵany barshamyzdy qýantýda.
Prezıdentimiz bilim jáne ǵylym salasyna erekshe kóńil aýdarýda. Osy Joldaýda bul baǵytqa erekshe kóńil bólinip, basty basymdyqqa aınalýda. «Eń aldymen, bilim berý júıesiniń róli ózgerýge tıis. Bizdiń mindetimiz – oqýshylardyń qabiletin aıqyndap, kásibı baǵyt-baǵdar berý saıasatyna kóshýimiz qajet. Oqytý baǵdarlamalaryn synı oılaý qabiletin jáne óz betimen izdený daǵdylaryn damytýǵa baǵyttaý qajet. Sonymen birge IT-bilimdi, qarjylyq saýattylyqty qalyptastyrýǵa, ultjandylyqty damytýǵa basa kóńil bólý kerek. Qala men aýyl mektepteri arasyndaǵy bilim berý sapasynyń alshaqtyǵyn azaıtý qajet», dep atap kórsetýi – biz úshin qýanarlyq jaıt.
Prezıdenttiń «Dıplommen – aýylǵa!» baǵdarlamasynyń aıasyn keńeıtip, qarjylandyrýdy arttyryp, onyń jańa deńgeıge kóterilýine múmkindik jasaýy – bilim salasyn jańǵyrtýǵa jańasha jol salynyp jatqandyǵynyń belgisi. Atalǵan baǵdarlama aýylda turatyn azamattardy qoldaýda, qoǵamnyń orta áleýmettik tobyn odan ári qalyptastyrýǵa, qala men aýyl mektepteri arasyndaǵy bilim berýdegi alshaqtyqty azaıtýǵa barynsha yqpal etetini anyq. Bir sózben aıtqanda, qazirgi qoǵamǵa jan-jaqty paıda ákeletin joba bolatyny sózsiz.
Elimizde jyl saıyn 20 myńnan astam mektep bitirýshi joǵary oqý ornyna túse almaı qalady. Sondyqtan olar kásibı mashyqsyz ýaqytsha jumyssyzdar qataryn toltyrýǵa májbúr bolýda. Memleket basshysynyń aldaǵy ýaqytta oqýshylardyń qabiletin aıqyndap, kásibı baǵyt-baǵdar berý saıasatyna kóshýimiz qajet, elimizde eńbek resýrstarynyń balansyn esepke alýdyń tıimdi ádistemesi jasalýy tıis degen bastamasy, talaı jastyń úmitin oıatatyny daýsyz. Osy rette, Jastar jylynda atalǵan máseleniń elimiz úshin de, jastar úshin de mańyzy zor dep bilemiz.
Álemdik daǵdarys tek ekonomıka salasyna ǵana emes, rýhanı, mádenı, bilim berý baǵytyna da salmaq salatyny belgili. Sol sebepti Memleket basshysynyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýy – bul memleketimizdiń jańa ýaqyt talabyna saı ósýi men álemniń eń damyǵan 30 memleketiniń qataryna qarqyndy enýine bastaıtyn senimdi kópir. Sondyqtan bul Joldaý otandyq bilim men ǵylymnyń damýyna jańa serpin beredi deýge bolady.
Joldaý – elimizdiń jarqyn bolashaǵynyń shamshyraǵy ispetti. Irgesi bekigen elimizdiń jańa belesterge jetýi jolynda jaýapkershilik júgin jumyla kótersek, jumys nátıjeli bolatyny anyq. Joldaýda kózdelgen zor jáne tyń mindetterdi júzege asyrý halqymyzdyń ortaq isi bolýy tıis.
Nurlan SEIDIN,
«Ǵylym ordasy» RMK bas dırektorynyń orynbasary, tarıh ǵylymdarynyń kandıdaty
