Kezdesý barysynda beıbitshilik pen qaýipsizdik, terrorızmge qarsy kúres, sý-energetıkalyq problematıkasy, preventıvti dıplomatııany nyǵaıtý salalaryndaǵy óńirlik yntymaqtastyq máseleleri talqylandy.
SIM basshysy Qazaqstannyń BUU О́ńirlik ortalyǵynyń qyzmetin tolyǵymen qoldaıtynyn atap ótti. Ornyqty damý, beıbitshilik jáne qaýipsizdikti qamtamasyz etý salalaryndaǵy Qazaqstannyń bastamalarymen tanystyrdy.
N. German terrorızmge qarsy kúreske Qazaqstannyń úlesi, atap aıtqanda, Sırııa aýmaǵynan qazaqstandyq azamattardy shyǵarý jónindegi «Jýsan» gýmanıtarlyq operasııasynyń nátıjelerin joǵary baǵalady. Operasııa nátıjesi boıynsha áskerı qaqtyǵys bolyp jatqan aýmaqtarynan 600-ge jýyq azamat shyǵarylǵan. Ortalyq basshysynyń aıtýynsha, uqsas operasııany ótkizý boıynsha tájirıbeni qabyldaýǵa qyzyǵýshylyq bildirip, Ortalyq Azııanyń basqa elderi de iske asyrdy.
BUU ókili qaqtyǵystardy aldyn alý men sheshý, beıbitshilik qurý, bitimgershilik prosesterine áıelder men jastardy qatystyrýǵa baǵyttalǵan О́ńirlik ortalyǵynyń jańa bastamalarymen tanystyrdy.
Taraptar transshekaralyq sýdy paıdalaný jáne qorǵaý máselelerine erekshe kóńil bólip, sý yntymaqtastyǵy boıynsha Ortalyq Azııa elderimen birlesken Kópjyldyq tujyrymdamasyn daıyndaý qajettigin atap ótti.
BUU Ortalyq Azııadaǵy preventıvti dıplomatııa jónindegi óńirlik ortalyǵy qaqtyǵystardy aldyn alý salasyndaǵy óńirlik elderiniń áleýetin nyǵaıtý úshin 2007 jylǵy 10 jeltoqsanda Ashhabad qalasynda Ortalyq Azııa elderiniń bastamasymen ashylǵan.
