Aımaqtar • 05 Qyrkúıek, 2019

Qurlyq áskerleriniń Áskerı ınstıtýtynda jana oqý jyly bastaldy

71 ret kórsetildi

Qurlyq áskerleriniń Áskerı ınstıtýtyna bıylǵy oqý jylynda 800 talapkerden 280-i ozyq shyǵyp,  jas kýrsanttar oqýǵa kirisip ketti. Instıtýttyń Baspasóz qyzmetiniń mamany Aıda Bekturovanyń aıtýynsha, qurlyq áskerleriniń joǵary mamandandyrylǵan ofıserlerin daıyndaýǵa mamandanǵan oqý ornynda joǵary áskerı kásipqoı bilim berý baǵdarlamasy boıynsha 11 mamandyq boıynsha ofıserler daıyndalady.

Instıtýt tarıhyna az-kem toqtalyp óter bolsaq, ınstıtýttyń Baspasóz qyzmetiniń derekteri boıynsha Kollektıvti qaýipsizdik kelisimi uıymy Qorǵanys Mınıstrleri Keńesiniń 2005 jyldyń 30 qarashasy sheshimine sáıkes Qurlyq áskerleriniń Áskerı ınstıtýty  Kollektıvti qaýipsizdik kelisimi uıymy múshe-memleketteriniń Qarýly Kúshterine áskerı kadrlardy birigin daıyndaıtyn oqý oryndardyń Tizimine qosylǵan ári ákerı joǵary oqý orynynda professorlyq-oqytýshylar men  joǵary bilikti mamandardan quralǵan ujym jumys jasaıdy. Bilim oshaǵynda zamanaýı oqý-materıaldyq baza, ártúrli tehnıkalyq oqytý quraldary bar. Instıtýttiń leksııalyq aýdıtorııalary, kabınetteri jáne klasstary ǵylym men tehnıkanyń zamanaýı damý deńgeıinde áskerı mamandardy daıyndaýǵa kerektiniń barlyǵymen jabdyqtalǵan. Oqý údirisinde oqytýdyń zamanaýı tehnıkalyq quraldary kompıýterlik jáne esepteý apparattaryn paıdalanýmen keńinen qoldanylady.     

Instıtýtta fızıkalyq tárbıege úlken kóńil bólinedi. Fızıkalyq daıyndyq – áskerı oqytý jáne tárbıeniń mańyzdy bóligi. Ol áskerı qyzmetshilerdiń qarý-jaraqpen jáne jaýyngerlik tehnıkamen ıemdenýge, olardy urysta sapaly qoldanýǵa, fızıkalyq aýyrlyqtardy ońtaıly kóterýge, jaýyngerlik istiń júıke-psıhıkalyq qysymdary men ıkemsiz jaǵymsyz faktorlaryna fızıkalyq daıyndyǵyn qamtamasyz etedi. Bul maqsatta baı materıaldyq baza qarastyrylǵan: arnaıylanǵan zaldarymen ádemi sporttyq kompleksi (gımnastıka, aýyr atletıka, qoıanqoltyq urys, sport oıyndary, júzý basseıni jáne t.b.), stadıon jáne basqa da sporttyq qural-jabdyqtar. Sporttyń ár-túrli túrlerinen árdaıym sporttyq seksııalar qyzmet isteıdi.  Kásibı tásilderdi jaqsartýmen qatar ınstıtýtta kýrsanttardyń demalysyn uıymdastyrý qarastyrylýda – kórkem-óner isi, bos ýaqytta qatysý bólimderi (horeografııalyq bıleý, ulttyq aspaptar, vokaldy-aspaptyq ansambl) jumys isteıdi. 

Instıtýt basshylyǵy kýrsanttardyń mádenı deńgeıine erekshe kóńil bóledi. Kýrsanttardyń durys ómiri men oqýy úshin jaqsy áleýmettik-turmystyq jaǵdaı jasalǵan.

Áskerı oqý ornynyń paıda bolýynan bastap ómirge jolyn 17 myń shamasynda mamandar bastaýyn aldy, olardyń 400-den astam túlekteri óziniń áskerı mindetin Afganıstanda jáne basqa da ystyq aımaqtarda atqarǵan, Tájikstan men Iraktaǵy beıbitshilik operasııalaryna qatysqan, sol úshin joǵary úkimettik nagradtarǵa ıe bolǵan.  Kórsetken jigerlikteri men batyr sapasy úshin úsh ofıserler: A.E. Shahvorostov (qaıtys bolǵannan keıin), N.M Akramov. jáne S.N. Gýshın Keńes odaǵynyń Batyry shenine ıe bolsa, leıtenant Oleg Chıvılevtyń atymen Kógershin juldyz toryndaǵy ǵalymdarmen ashylǵan juldyz ataldy. 2008 jyly ınstıtýt túlegi, general-leıtenant B.E.Ertaevqa «Halyq qaharmany» ataǵy berildi. Instıtýttyń qazirgi kýrsanttary, komandırler men oqytýshylardyń shegi zańdy túrde ózderiniń aldaǵy úlgili ofıserleriniń salttary men ereń eńbekterin maqtan tutady.

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar