«Qazaqstannyń táýelsizdigi kezeńinde álemniń 120-dan astam elinen 330 mlrd AQSh dollar ınvestısııa tartyldy. Investısııalardyń negizgi bóliginiń 50%-dan astamy Eýropalyq Odaq elderine tıesili, onyń ishinde: Shveısarııa – 25,8 mlrd, Fransııa – 16,1 mlrd, Italııa – 8,7 mlrd, Nıderland – 90,4 mlrd, Belgııa – 7,6 mlrd, Germanııa – 5,2 mlrd, Amerıka Qurama Shtattaryna tikeleı sheteldik ınvestısııalardyń 15%-y nemese 48,4 mlrd dollardan keledi. Shamamen 5%-y – Ulybrıtanııa men QHR ınvestısııalarynan turady», dedi Jeńis Qasymbek.
1 tamyzdaǵy jaǵdaı boıynsha, Qazaqstanda sheteldikterdiń qatysýmen 19 myń zańdy tulǵa jáne bólimshe jumys isteıdi, olardyń ishinde kásiporyndardyń 35,3%-y reseılik, 9,5%-y – túrik, 5,7%-y – ózbek, 5,6%-y – qytaı, 3,1% – nemis kapıtalynyń qatysýymen.
2010 jyldan beri sheteldik ınvestısııalar boıynsha qazaqstandyq ókiletti organdar 650-ge jýyq jobany qarastyrdy. Onyń ishinde Eýropalyq odaq elderiniń ınvestorlary usynǵan joba sany – 185, Reseı Federasııasy – 111, Túrkııa – 80 jáne QHR 55 joba jáne taǵy basqalar bar. Zamanaýı tehnologııalardyń transfertin qamtamasyz etetin, barynsha kóp jumys oryndary qurylatyn joǵary tehnologııaly jobalarǵa berildi. Osy kezeńde 16,2 mlrd dollarǵa 235 joba iske asyryldy. Onyń 133-in Eýropalyq Odaq pen RF elderi júzege asyrǵan.
«Álemdegi turaqsyzdyq pen sanksııalyq qarsylyq kezinde ınvestorlar ınvestısııalyq ahýaly turaqty elderdi tańdaıdy. Árbir el óziniń ınvestısııalyq reıtıngin kóterýge tyrysady, sebebi elge kapıtal ǵana emes, jańa zamanaýı tehnologııalar da keledi», dedi Premer-Mınıstrdiń orynbasary.
Jeńis Qasymbek jýrnalısterdiń suraǵyna jaýap berdi.
Onyń aıtýynsha, Qazaqstan men Qytaı arasyndaǵy 55 ınvestısııalyq jobanyń bireýine ǵana memlekettik kepildik berilgen. Ol – astanadaǵy jeńil relsti tramvaı salý isi (LRT). Basqalarynyń barlyǵy jekemenshik jobalar. Máselen, «Saryarqa avtoprom» jobasy kompanııalardyń ózara kelisimine sáıkes júzege asyrylýda.Bul joba kólik shyǵaryp, ony kórshiles Reseıge jáne basqa da elderge eksporttaýǵa arnalǵan.
Premer-Mınıstrdiń orynbasary Qazaqstan men Qytaı jumysshylarynyń arasyndaǵy jalaqy aıyrmashylyǵy týraly saýalǵa da jaýap berdi.– Mundaı problema bar. Munda negizgi másele jumysshylardyń biliktiligine baılanysty. Biraq bul problema tek Qytaı ǵana emes, basqa da sheteldik kompanııalarmen de arada bar. Úkimet osyǵan sáıkes elimizdiń mamandaryn, jumysshylaryn belgili bir jobalarǵa baılanysty daıyndaý jáne qaıta daıyndaý máselesine kóńil bólýde, dedi ol. Iаǵnı, otandyq jumysshylar men mamandardy oqytyp biliktiligin kótergen jón.
