«Ahańnyń týǵan kúni osylaı jyl saıyn ótkizilip, atalyp otyrsa quba-qup. Oblystyq kitaphananyń bastamasyn dástúrge aınaldyrsa dep oılaımyn. Men Ahmet týǵan topyraqtan, jerden, sol rýdan bolǵandyqtan, osyndaı uly adamnyń ómirin zertteýge qatysyp kelemin. Onyń urpaqtarynyń, aýyldyń aqsaqaldarynyń kózin kórdik, solardan estigenimniń ózi Ahańnyń ómirbaıan tarıhyna qosylǵan úles boldy dep bilemin. Al ony zerttegen ǵalymdar jetkilikti.Alaıda Ahańnyń zerttelmegen tusy, eńbekteri áli de bar, olardy jetkinshekter áli zertteı jatar» dedi Ibragım aǵaı.
Munan keıin aqyn Naǵashybaı Muqatov Ahańa arnaǵan óleńin oqyp berdi. Fılosofııa ǵylymdarynyń kandıdaty, ólketanýshy Qalqaman Jaqyp ýnıversıtetke Ahmet Baıtursynov esiminiń qalaı berilgendigi týraly tarıhı málimetti jastardyń esine saldy. Stýdent jastar keshti ánmen jáne Ahmet Baıtursynov óleńderin mánerlep oqýmen kórkemdeı tústi. I.Omarov atyndaǵy oblystyq qazaq drama teatrynyń akteri Qabdylmajıt Imanov Ahań keıpinde kelip, «Mirjaqyp» spektaklinen Ahmettiń monologyn aıtyp berdi.
Kitaphana ujymy ult ustazyna arnalǵan keshti endi jyl saıyn Ahańnyń týǵan kúninde osy eskertkish aldynda ótkizetindikterin aıtty.
Qostanaı
