Aımaqtar • 06 Qyrkúıek, 2019

Nur-Sultanda «Bızneske arnalǵan úkimet» alańy ashylady

49 ret kórsetildi

Elorda ákimi A. Kólginov óńirlik Kásipkerler palatasy alańynda bıznesmendermen kezdesip, jeke qabyldaý ótkizdi. Bul týraly qala ákimdiginiń resmı saıty habarlady.

Kezdesý barysynda problemalyq máseleler, olardy sheshý joldary aıtyldy jáne «iQala» qalalyq qyzmet kórsetý ortalyǵynyń bazasynda «bızneske arnalǵan úkimet» alańynyń ashylýy talqylandy. Kásipkerler «bir tereze» qaǵıdaty boıynsha barlyq qajetti qyzmetterdi ala alady.

Elbasynyń aıtýynsha, kásipkerler-ekonomıkanyń qozǵaýshy kúshi. QR Prezıdenti ShOB preferensııalar men jeńildikter berý qajettigin atap ótti.

Jumys jaǵdaıyn jasaý úshin barlyq sharalar qabyldanýda. Shyǵarylatyn ónimniń sapasyna asa kóńil bólý kerek, adal eńbek isteý shart. Elimizde otandyq taýar óndirýshilerdi qoldaýǵa baǵyttalǵan «qarapaıym zattar ekonomıkasy» baǵdarlamasy jumys isteıdi. Qazir onda 49 kásiporyn jumys isteýde,biz ekinshi ındýstrııalyq park qurýǵa kiristik. Kásipkerlerdiń yńǵaıly jumys isteýi úshin «bızneske arnalǵan úkimet» alańyn ashamyz, bıznesmender «bir tereze» qaǵıdaty boıynsha barlyq qyzmetterdi ala alady", - dedi A. Kólginov.

Sondaı-aq, kásipkerler palatasy alańynda qala ákimi shaǵyn jáne orta bıznesti damytý máseleleri boıynsha jeke qabyldaý ótkizdi. Kásipkerlermen kezdesý jáne olardy jeke qabyldaý júıeli túrde ótip turatyn bolady.

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar