Qazaqstan • 06 Qyrkúıek, 2019

Energetıkalyq agenttik: Qazaqstan álemde eń kóp energııa tutynatyn elderdiń biri

45 ret kórsetildi

Halyqaralyq energetıkalyq agenttiktiń málimeti boıynsha, Qazaqstan ekonomıkasy álemdegi eń kóp energııany qajetsinetin elderdiń biri bolyp qalýda. Búgingi tańda bizdiń elimiz 147 eldiń ishinde 119-orynda tur jáne EYDU elderiniń ortasha deńgeıinen 3,5 ese joǵary (2010 jylǵy baǵamen myń dollarǵa 0,12 tonna munaı balamasy). Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Negizgi ónerkásiptik kásiporyndarda júrgizilgen energııa aýdıtiniń nátıjeleri boıynsha eldegi energııa únemdeýdiń ortasha áleýeti 10% deńgeıinde anyqtaldy, energııany únemdeý bıýdjettik sektorda 40%-ǵa jetýi múmkin. Osy áleýetti iske asyrý úshin Indýstrııa jáne ınfraqurylymdyq damý mınıstrligi energııa tıimdiligi salasyndaǵy negizgi qujat boıynsha jumysty aıaqtady.

Energııa únemdeý jáne energııa tıimdiligin arttyrý máseleleri boıynsha zańnamaǵa engiziletin ózgerister jobasynyń tujyrymdamasy bekitilgen jáne tıisti zań jobasynyń negizine alyndy. Memlekettik energetıkalyq tizilimdi, energııa aýdıti júıesin jetildirý, ónerkásiptik jabdyqtar men turmystyq quraldardyń energııa tıimdiligi jónindegi talaptardy engizý jáne basqa da sharalar sııaqty zańnamalyq ózgerister el ekonomıkasynyń energııa syıymdylyǵyn aıtarlyqtaı tómendetýge múmkindik beredi.

BUUDB málimetteri boıynsha Qazaqstanda elektr energııasynyń negizgi tutynýshysy elektr qozǵaltqyshtar men transformatorlar, al turmysta – tońazytqyshtar men kondısıonerler bolyp tabylady. 2015 jyly Qazaqstanda tońazytqyshtar men salqyndatqyshtardy, qozǵaltqyshtar men transformatorlardy paıdalaný kezinde elektr energııasyn tutyný shamamen 40 TVtch qurady.

Energııa únemdeýdi yntalandyrý boıynsha sharalar sheńberinde 2019 jylǵy qyrkúıekte Nur-Sultan, Almaty, Qaraǵandy, Pavlodar jáne Aqtóbe qalalarynda dıskonttyq baǵdarlama iske qosyldy. Ol eski turmystyq tehnıkany ári qaraı kádege jaratý úshin arnaıy qyzmetke tegin tapsyrýǵa jáne arnaıy sertıfıkat alýǵa múmkindik beredi. Tehnodom jáne Mechta dúkender jelisinde jańa energotıimdi tońazytqyshty satyp alarda arnaıy jeńildikti paıdalana alady.

Osylaısha, baǵdarlamany tabysty iske asyrý energııalyq tıimdi tehnıka men jabdyqtarǵa jeńildikter tájirıbesin jalǵastyrý úshin korporatıvtik kapıtaldy (Bosch, LG) tartýǵa múmkindik berdi. Baǵdarlamanyń ekinshi fazasy aıasynda (2019 jyldyń 1 qyrkúıeginen 1 qarashasyna deıin) qazaqstandyqtar 16 500 teńge nomınalymen 2 500 sertıfıkatty paıdalana alady, sondaı-aq iri elektrondyq jáne elektr jabdyqtaryn óndirýshilerden qosymsha jeńildik ala alady.

Sońǵy jańalyqtar

"Rýhanı qazyna – 2020" baıqaýy bastaldy

Rýhanııat • Búgin, 21:12

Atyraý oblysynda 25 adam sýǵa ketti

Aımaqtar • Búgin, 17:50

Rýbl baǵamy quldyrady

Ekonomıka • Búgin, 17:20

Almatyda jylý berý maýsymy bastaldy

Qoǵam • Búgin, 15:37

Pavlodarda jekemenshik úıden órt shyqty

Aımaqtar • Búgin, 15:23

Káriz aýystyrýdyń tyń tásili

Aımaqtar • Búgin, 13:37

Elbasy Túrkistan qalasyna bardy

Elbasy • Búgin, 12:23

Uqsas jańalyqtar