Prezıdent • 06 Qyrkúıek, 2019

Memleket basshysy Ulttyq qoǵamdyq senim keńesiniń alǵashqy otyrysynyń jumysyna qatysty

104 retkórsetildi

 
Qasym-Jomart Toqaev óz sózinde elimizdi damytýǵa jáne jańǵyrtýǵa baǵyttalǵan bastamalar men usynystardy pysyqtaý isindegi Ulttyq qoǵamdyq senim keńesiniń rólin atap ótti.

– Ulttyq keńestiń árbir múshesiniń ózindik pikiri men ustanymy bar. Bul damyǵan azamattyq qoǵam úshin qalypty jaǵdaı. Biz bárimiz meniń ulyqtaý rásiminde «Ártúrli pikir – biryńǵaı ult. Shyn máninde, balamasyz, bastamasyz jáne belsendiliksiz damý bolmaıdy. Osy úsh kıt ilgerileýdi qamtamasyz etedi» dep aıtqan sózimdi negizge alýymyz qajet, – dedi Memleket basshysy.

Qasym-Jomart Toqaev Qazaqstannyń saıası reformalarynyń alǵa birden júgirip ketpeı, aqylǵa salyp, birtindep júzege asyrylatynyn, damýǵa jáne jemisti jumysqa baǵyttalatynyn aıtty.

– Keıde keıbir urandar men úndeýler óte tartymdy kórinedi, biraq olardyń avtorlary memleket aldynda jaýap bermeıdi. Reforma reforma úshin – bul daǵdarysa bastaıtyn jol ári memlekettiń basqarýyn joǵaltýǵa alyp keledi. Eshqaısymyzdyń muny qalamaıtyndyǵymyzǵa senimdimin. Damý dáıekti ári údemeli bolýy tıis. Sonda ǵana biz ózimizdiń memlekettilikti saqtaýǵa jáne nyǵaıtýǵa baǵyttalǵan azamattyq ári saıası boryshymyzdy oryndaımyz, – dedi Qazaqstan Prezıdenti

Memleket basshysy memleketimiz úshin mańyzdy ári kókeıtesti máseleler jóninde biryńǵaı túsiniktiń mańyzdy ekenin aıtty, sondaı-aq óndiristerdi kóshirýge qatysty qaýesetterge túsinikteme bere otyryp, jerdiń sheteldik azamattarǵa satylmaıtynyn taǵy da atap ótti.

– Sońǵy ýaqytta jer sheteldikterge satylady eken nemese kórshi eldiń 55 eski zaýyty kóshiriledi, myńdaǵan sheteldik jumyskerler tartylady eken degen sııaqty túrli qaýeset áńgimeler tarap júr. Halqymyz mundaı dańǵaza áńgimelerge ermeýi qajet. О́zderiniń kózdegen maqsattaryna jetý úshin jurttyń patrıottyq sezimderin sátti paıdalana biletin oıy buzyq adamdar osyndaı alyp-qashpa áńgimelerdi shyǵaryp júr. Bıliktiń mindeti – qoǵammen dıalog júrgizý arqyly memlekettik saıasattyń maqsatyn túsindirý. Men jerdi eshkimge bermeıtinimizdi taǵy da aıtqym keledi, – dedi Qasym-Jomart Toqaev.

Prezıdent Qazaqstannyń halyqaralyq yntymaqtastyq, úzdik standarttar men ozyq tehnologııa úshin ashyq ekenin atap ótip, barlyq daýly máseleler konsensýs arqyly sheshiletinin aıtty.

– Qazaqstannyń syrtqy ıdeologııasynda «halyq jaýy», «besinshi kolonna», «sheteldiń yqpalyna ushyraǵan agentter» sııaqty túsinik joq. Bul biz úshin jat nárse. Biz óz azamattarymyzdyń adaldyǵy men patrıottyǵyna nyq senemiz. Ulttyq tutastyqtyń taǵy bir negizi – damýdyń demokratııalyq úlgisine beıildilik. Biz, eń aldymen, memlekettiligimizdi nyǵaıtý mıssııasyn basshylyqqa alyp, rasıonaldy ustanymda qalýǵa tıispiz, – dedi Memleket basshysy.

Qasym-Jomart Toqaev memleketti órkendetý úshin barlyq salany jańǵyrtý isi damýdyń strategııalyq maqsattarynyń jáne azamattyq qoǵamnyń pikirine taldaý jasaý negizinde júzege asyrylatynyn aıtty.

– Azamattyq qoǵam ókilderin ulttyq kompanııalardyń, áleýmettik-kásipkerlik korporasııalardyń, ortalyq memlekettik organdardyń baqylaý keńesterine engizý jónindegi usynysty qoldaımyn. Bul ashyq bolýǵa, sonyń ishinde qoǵamdyq nazardan tys qalǵan kvazımemlekettik sektordyń ashyq bolýyna múmkindik beredi. Ulttyq keńestiń músheleri «Open ákimdik» tájirıbesin jappaı taratýdy usynyp otyr. Shyn máninde, bizge basqarý mádenıetiniń jańa standartyna kóshý kerek. «Open ákimdik» jergilikti bıliktiń qoǵam úshin qoljetimdi bolýyna múmkindik beredi, halyq pen memlekettik qyzmetshiler arasyndaǵy kedergini alyp tastaıdy, – dedi Memleket basshysy.

Prezıdent saıası júıeni jańǵyrtýdy jáne kiristerdiń ádil bólinýin qamtamasyz etýi tıis áleýmettik saıasatty qaıta qaraý isin jalǵastyrý qajettigin aıtty. Sonymen qatar Qasym-Jomart Toqaev Ulttyq keńestiń jumys tobynyń aıasynda Qazaqstan halqyna arnalǵan Joldaýda aıtylǵan bastamalardy egjeı-tegjeıli pysyqtaýdy usyndy.

Jıynda Ulttyq keńestiń músheleri – Raqym Oshaqbaev, Muhtar Taıjan, Aıdos Sarym, Asylbek Qojahmetov, Qazybek Isa, Saıasat Nurbek, Aıman Omarova, Ermek Tursynov, Seıdahmet Quttyqadam, Oraz Jandosov sóz sóıledi.

Ulttyq keńes

Ulttyq keńes

Ulttyq keńes

Ulttyq keńes

 

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar