Qazaqstan • 06 Qyrkúıek, 2019

Erlan Saırov: Saıası júıeni lıberalızasııalaýǵa alǵysharttar daıyn (vıdeo)

57 retkórsetildi

Bul týraly saıasatker Erlan Saırov Ulttyq qoǵamdyq senim keńesiniń otyrysynan keıin jýrnalısterge bergen suhbatynda aıtyp berdi.

«Eń negizgi másele – Prezıdent bizdiń elimizdegi ekonomıkalyq damýdy jalǵastyrý úshin «Elimizdegi saıası-áleýmettik damýsyz ekonomıkalyq órleý múmkin emes» degen tezısin qaıta qaıtalady. Keńes músheleri elimizdegi saıası reformalar jónindegi ózderiniń ustanymdarymen, aıtqan oılarymen kelisti. Elimizdegi saıası júıeni lıberalızasııa jasaý, belgili bir qoǵamdyq evolıýsııa júrgizýge alǵyshart bar degen oıdamyn. Sonymen birge, elimizdegi saıası transformasııaǵa, áleýmettik máselelerdi sheshýge talpynys bar. Naqty usynystarymyzdy Prezıdent Ákimshiligine beretin bolamyz», - dedi Erlan Saırov. 

Erlan Saırov bul sharalar burynǵy júıege syn emes, ary qaraı evolıýsııalyq damýdyń joly dep atap ótti. 

«Evolıýsııa – memleket damýynyń eń negizgi kúretamyry. Bizdiń aldymyzda elimizdiń qoǵamdyq-saıası, ekonomıkalyq prosesterin evolıýsııalyq úlgide sapaly deńgeıge ótkizý mindeti tur. Eń negizgisi – endigi máseleler qoǵam múshelerimen, halyqpen birlesip, aqyldasyp sheshiledi degen naqty bir usynys aıtyldy. Bizdiń top elimizdegi negizgi bes zańǵa ózgeris engizý jóninde usynys berdi. Osy usynystardy naqtylaý úshin Prezıdent jumys isteýge tapsyrma berdi», - dedi sarapshy.

Eske sala ketsek, búgin elordada Qazaqstan Prezıdenti Qasym-Jomart Toqaevtyń tóraǵalyǵymen Ulttyq qoǵamdyq senim keńesiniń alǵashqy otyrysy ótti.

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar