– Qazaqstan Respýblıkasy Prezıdenti Ákimshiliginiń kelisimi boıynsha Abzal Núkenuly Núkenov oblys ákiminiń orynbasary bolyp taǵaıyndaldy. Bul mindetke birden birneshe baǵyt kiredi: bilim berý, densaýlyq saqtaý, mádenıet jáne sport, til saıasaty, ishki saıası turaqtylyq pen konfessııaaralyq kelisimdi qamtamasyz etý, jastarmen jáne BAQ-pen jumys, – dedi Erlan Qoshanov.
Sondaı-aq, oblys ákiminiń ókimimen orynbasarlarynyń mindetteri qaıta qaraldy. Áleýmettik qorǵaý, halyqty jumyspen qamtý jáne eńbek qatynastary máselelerine oblys ákiminiń ónerkásip jáne ShOB damytý jónindegi orynbasary Almas Aıdarov jetekshilik etetin boldy.
Abzal Núkenov 1978 jyly Almaty oblysynyń Aqsý aýdanynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin «saıasattanýshy, saıasattaný oqytýshysy» mamandyǵy boıynsha támamdady. Saıasattaný ǵylymdarynyń kandıdaty.
Eńbek jolyn 2000 jyly «Otan» respýblıkalyq saıası partııasynda bastady. 2005 jyldan bastap memlekettik qyzmette. Almaty qalasy Ishki saıasat departamentiniń bólim basshysy, keıin Almaty qalasyndaǵy Áýezov aýdany ákiminiń orynbasary bolyp jumys istedi.
Odan keıin L.Gýmılev atyndaǵy EUÝ-diń zamanaýı zertteýler ınstıtýtyn basqardy. Osy JOO-da zań jobalaryn quqyqtyq saraptaý jáne zamanaýı zertteýler ınstıtýty dırektorynyń orynbasary bolǵan.
2011-2016 jyldary QR Prezıdenti Ákimshiliginde Qaýipsizdik Keńesiniń Ahýaldyq ortalyǵynyń meńgerýshisi bolyp qyzmet etti.
2016 jyldan bastap 2018 jylǵa deıin QR Din isteri jáne azamattyq qoǵam vıse-mınıstri boldy.
2018 jyldyń tamyz aıynan qazirgi ýaqytqa deıin «Astana» halyqaralyq ǵylymı kesheniniń Dırektorlar keńesi tóraǵasynyń orynbasary qyzmetin atqardy.
Qaraǵandy oblysy
