Urlyq 30 tamyzda Korchagın kóshesinde ornalasqan «GÝM» saýda ortalyǵynyń býtıkteriniń birinde bolǵan. Belgisiz azamat jertóledegi edendi buzyp, zergerlik dúkenniń altyn buıymdaryn qoldy qylypty. Bul týraly Qostanaı oblystyq PD Baspasóz qyzmeti habarlady.
Jedel tergeý is-sharalary barysynda polısııa qyzmetkerleri 24 jastaǵy er adamdy ustaǵan. Búginde kúdikti kinásin tolyq moıyndap otyr.
"Bul azamattyń tonaýshyǵa bóten múlikti basqa tulǵalarǵa satýǵa kómekteskendigi belgili boldy", - deıdi Rýdnyı qalalyq PB Krımınaldy polısııa bóliminiń bastyǵy, polısııa maıory Maksım Grekov.
Qazirgi ýaqytta ekinshi kúdiktiniń jeke basy anyqtaldy, ustaý jáne izdestirý jarııalaý boıynsha sharalar qabyldanda.
Búginde QR QK 188-babynyń 3-bólimi boıynsha sotqa deıingi tergeý júrgizilip jatyr. Urlanǵan zat Qostanaı qalasynyń lombardtarynan jartylaı tárkilendi.
