Aımaqtar • 06 Qyrkúıek, 2019

Tarazdyqtar Prezıdent Joldaýyn talqylady

108 retkórsetildi

Memleket basshysy Qasym-Jomart Toqaevtyń Qazaqstan halqyna joldaǵan «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty alǵashqy Joldaýyn tarazdyqtar da talqylady. Taraz qalalyq ákimdiginde ótken jıynǵa Jambyl oblysy ákiminiń birinshi orynbasary, Taraz qalasy boıynsha aqparattyq toptyń jetekshisi Bekbolat Orynbekov, Prezıdent Joldaýyn túsindirý jónindegi oblystyq, qalalyq  aqparattyq toptardyń músheleri, qalalyq máslıhat depýtattary, oqý oryndary men densaýlyq saqtaý mekemeleriniń, qala ákimdigi bólimderiniń basshylary, úkimettik emes uıymdar men ulttyq-mádenı ortalyqtardyń, buqaralyq aqparat quraldarynyń ókilderi qatysty.

Jıynda baıandama jasaǵan Taraz qalasy ákiminiń orynbasary Kenjebek Oljabaı «Qazaqstan Respýblıkasynyń Prezıdenti halyqqa arnaǵan Joldaýynda el damýynyń sapaly jańa deńgeıine shyǵýy úshin atqarylýy tıis jumystardyń basym baǵyttaryn belgilep berdi», deı kele Memleket basshysy Joldaýynyń mańyzdylyǵyna toqtaldy. «Taraz qalasy boıynsha 2019 jyldyń tamyzyna ınflıasııa deńgeıi 102,6 paıyzdy qurady. Nátıjesinde, 23 azyq-túlik taýardyń baǵasy tómendeýi baıqalsa, 4 túri boıynsha baǵalary ósken. Osyǵan baılanysty, bólshek saýda obektilerinde ústeme baǵalardy 15 paıyzdan asyrmaý, otandyq ónim úlesin 30 paıyzdan tómendetpeý jáne olarǵa ruqsat etilgen shekti baǵalardy zańǵa sáıkes belgileý sharalary baqylaýǵa alynady», dedi ol.

«Osy jyly jalpy quny 4,0 mıllıard teńgeni quraıtyn 2 ınvestısııalyq jobanyń iske asyrylýy josparlanýda. Onda 447 jańa jumys oryny ashylady dep kútilýde. Taraz qalasynyń aýmaǵynda respýblıkalyq mańyzy bar ındýstrııalyq aımaq qurý jumystary josparlanyp otyr. Indýstrııalyq aımaqqa 100 gektar jer ýchaskesi bólingen. Endigi kezekte ınfraqurylym júrgizý úshin qalalyq kásipkerlik, ónerkásip jáne týrızm bólimi energetıka jáne kásipkerlik basqarmalarymen birlese otyryp, jobalaý jumystaryn jedeldetý qajet. Búgingi kúnge tirkeýge alynǵan shaǵyn jáne orta kásipkerlik sýbektileriniń ishindegi jumys jasaıtyndarynyń sany 27 672 birlikti qurap, úlesi  76,9 paıyzǵa jetti. Ol, ótken jyldyń osy kezeńine 6,3 paıyzǵa artyp otyr.

«Bıznestiń jol kartasy – 2020»  baǵdarlamasy aıasynda aǵymdaǵy jyldyń 8 aıynda 1,2 mıllıard teńgege 15 jańa joba qoldaý aldy. «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasynyń» jappaı kásipkerlikti damytý 2-shi baǵyty aıasynda 240,8, mıllıon teńgege 19 joba nesıelendirilip, 8 jobanyń nesıesi 65,4 mıllıon teńgege kepildendirildi», dedi qala ákiminiń orynbasary. Sonymen qatar, Kenjebek Oljabaı Prezıdent Joldaýynda aıtylǵan barlyq máselege de arnaıy toqtalyp, bul rette tıisti jumystar atqarylyp jatqanyn jetkizdi.

Jıynda Taraz memlekettik pedagogıkalyq ýnıversıtetiniń rektory, oblystyq aqparattyq toptyń múshesi Erjan Ámirbekuly, «Damý» kásipkerlikti damytý qory Jambyl oblystyq fılıalynyń dırektory  Baqytjan Isaqov, «Nur Otan» partııasy Taraz qalalyq fılıaly tóraǵasynyń birinshi orynbasary Janadil Ospanov, «Biryńǵaı jınaqtaýshy zeınetaqy qory» aksıonerlik qoǵamy Jambyl oblystyq fılıalynyń dırektory Ábdimanat Espaev, «Osvobojdenıe Iýg» qoǵamdyq birlestiginiń tóraǵasy Dáýren Baǵjanov jáne Taraz qalalyq ortalyqtandyrylǵan kópshilik kitaphanalar júıesiniń dırektory Roza Álibekovalar óz salalary boıynsha sóz alyp, Joldaýda aıtylǵan máselelerdiń mańyzdylyǵyna toqtaldy. Budan keıin oblys ákiminiń birinshi orynbasary Bekbolat Orynbekov Memleket basshysy bergen tapsyrmalardy  merziminde oryndaý mindet ekenin, barlyq azamattar bar-kúsh jigerin Prezıdent Joldaýynda belgilegen mindetterdi iske asyrýǵa jumsaý kerektigin aıta kelip, jıyndy qorytyndylady.

 

Jambyl oblysy

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar