Aımaqtar • 07 Qyrkúıek, 2019

Sh.Esenov atyndaǵy KMTIÝ ujymy Joldaýdyń basym baǵyttaryn talqylady

214 ret kórsetildi

Aqtaý qalasyndaǵy Sh.Esenov atyndaǵy KMTIÝ ujymy Qazaqstan Respýblıkasynyń Prezıdenti Qasym-Jomart Kemeluly Toqaevtyń «Syndarly qoǵamdyq dıalog-Qazaqstannyń turaqtylyǵy men órkendeýiniń negizi» atty Qazaqstan halqyna joldaýyn taldaýǵa jınaldy.

Alǵash bop sóz alǵan ýnıversıtet rektory B.B.Ahmetov bıylǵy joldaýda elimizdiń aldaǵy kezeńge arnalǵan damý maqsattary men mindetterin aıqyndaıtyndyǵyn, jáne ondaǵy basym baǵyttarǵa erekshe toqtalyp ótti. Sonyń ishinde kez-kelgen óńirdiń negizgi qozǵaýshy kúshi- sol óńirde ornalasqan JOO ekendigin jáne qazirgi tańdaǵy JOO qoıylyp otyrǵan talaptarǵa, sonymen qatar qoǵamdaǵy oryn alyp jatyrǵan mańyzdy máselelerge basa nazar aýdardy. Joldaýdyń basym baǵyttarynyń biri retinde Bilim berýdiń sapasyn jaqsartýdy atap ótti. Joǵary bilim salasynda mamandar daıarlaý sapasyna jáne mamandardy jumysqa ornalastyrý baǵytynda joǵary talaptary kúsheıtiletin bolady. Joldaý barysynda, Memleket basshysy oqytýshylar men ustazdardyń áleýmettik jaǵdaıyna da kóńil aýdardy. Kelesi oqý jylynan bastap ustazdardyń jalaqysy 25 paıyzǵa ósetinin jáne 4 jyl ishinde enbekaqysy eki ese artatynyn aıtyp ketti. Bul oraıda JOO oqytýshylarynyń eńbekaqysy memlekettik grant baǵasyna baılanysty bolǵandyqtan, QR Bilim jáne ǵylym Mınıstri Ashat Aımaǵambetov memlekettik grant baǵasyn qaıta qaraý týraly usynysy ýaqytyly ekenin erekshe atap ótti.

Jıyn barysynda «Qazaq fılologııasy» kafedrasynyń professory, fılologııa ǵylymdarynyń kandıdaty Qamarova N.S. bilim salasyna jáne halyqtyń áleýmettik ál-aýqatyn kóterý máselesine, «Quqyqtaný» kafedrasynyń dosenti, zań ǵylymdarynyń kandıdaty Álibekov S.K. joldaýdaǵy kórsetilgen quqyqtyq baǵyttaǵy birneshe máselelerge toqtala kelip, QR Prezıdenti Q. Toqaevtyń Qazaqstan halqyna jasaǵan joldaýy elimizdiń taıaý ýaqytta qarqyndy damýyn qamtamasyz etýge baǵyttalǵan baǵdarlamalyq qujat bolyp tabylady dep sanaıtyndyǵyn atap ótti. Sondaı-aq «Injınırıng» fakýltetiniń dekany Djýmagazıeva Sh.K. joldaýda ınnovasııalyq jáne servıstik sektorlardy damytýǵa erekshe kóńil bólingendigine óziniń rızashylyǵyn bildirdi. Basty nazardy «bolashaqtyń ekonomıkasynyń» balamaly energetıka, jańa materıaldar, bıomedısına, úlken derekter, zattar ınterneti, jasandy ıntellekt sekildi baǵyttarda ózimizdiń bilim alýshylardy daıarlaý arqyly Prezıdent joldaýyn qoldaýǵa úles qosa alamyz dep atap kórsetti.

Kelesi bop sóz alǵan «Ekologııa jáne hımııalyq ınjınırıng» kafedrasynyń dosenti, aýyl sharýashylyǵy ǵylymdarynyń kandıdaty Mahambetova R.Q. aýyl sharýashylyǵyna ózimizge yńǵaıly standarttardy engizý jáne bedeldi sheteldik mamandardy, ıaǵnı «aqyldy adamdardy» tartý arqyly salany basqarýdyń úzdik tájirıbesin paıdalanýymyz kerek degen usynysyn tolyq qoldaıtyndyǵyn málimdedi.
Bul Joldaý táýelsiz eldiń berik dińgegi men birtutastyǵyn saqtaýda elimizdiń áleýmettik, ekonomıkalyq máselelerin jan-jaqty sheship , naqty mindetterdi oryndaýda mańyzdy qural bolmaq.

Jıyndy qorytyndylaı kele Ýnıversıtet rektory Berik Baqytjanuly árbir fakýltet oqytýshylary men stýdentteri arasynda jáne barlyq bólimder qyzmetkerleri arasynda joldaýmen tolyq tanysý jáne taldaý jumystary júrgizilýi kerektigin jáne ýnıversıtettegi qurylymdyq salalarǵa qatysty qozǵalǵan máseleler nazardan tys qalmaý kerektigin atap ótti.

Mańǵystaý oblysy

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar