Aımaqtar • 07 Qyrkúıek, 2019

Mańǵystaýda «Parasatty polıseı» baıqaýy aıaqtaldy

213 retkórsetildi

Qazaqstan Respýblıkasy Ishki ister mınıstrliginiń qoldaýymen, Mańǵystaý oblysy Polısııa departamentiniń uıymdastyrýymen saqshylar arasynda ótken «Parasatty polıseı» 10-shy respýblıkalyq baıqaýy qorytyndylandy. Bul týraly Mańǵystaý oblysy Polısııa departamenti Baspasóz qyzmeti habarlady.

Qazaqstan Respýblıkasy Ishki ister mınıstriniń orynbasary A. Zapparov barsha qatysýshylardy quttyqtap, Mańǵystaý oblysy Polısııa departamentiniń basshylary men jeke quramyna baıqaýdy uıymdastyrǵandary úshin alǵys bildirdi.
Sondaı-aq, Arystanǵanı Rasylhanuly Mańǵystaý oblysy ákimi Serikbaı Trumovqa IIM atynan alǵys bildirip, alǵys hatpen marapattady.
Qazylar alqasy sheshimimen úshinshi orynǵa 3 komanda - Soltústik Qazaqstan oblysy Polısııa departamentiniń «15-óńir», Jambyl oblysy Polısııa departamentiniń «Taraz qyrandary» jáne Aqmola oblysy Polısııa departamentiniń «Kókshe saqshylary» komandalary ıe boldy.
Erekshe óner kórsetip, ekinshi orynǵa ıe bolǵan Shymkent qalasy Polısııa departamentiniń «Megapolıs» pen Aqtóbe oblysy Polısııa departamentiniń «Sert beremiz!» komandalary boldy.
Respýblıkalyq baıqaýda júzden júırik shyǵyp, júldeli birinshi oryn júldesimen Kóliktegi Polısııa departamentiniń «Kólik saqshylary» komandasy marapattaldy.
Parasattylyq tanytyp, eń úzdik óner kórsetip, bas júldeni Almaty oblysy Polısııa departamentiniń «Jetisý arlandary» komandasy ıemdendi.
Sondaı-aq, nomınasııalaý kezeńinde «Akterlik sheberligi úshin» nomınasııasymen Batys Qazaqstan oblysy Polısııa departamentiniń «Jetinshi aımaq» komandasy marapattaldy. Al, «Tili basqa, tilegi bir» nomınasııasymen Pavlodar oblysy Polısııa departamentiniń «Saryarqa saqshylary» komandasy, «Kórkem sóz sheberi» nomınasııasymen Qostanaı oblysy Polısııa departamentiniń «Alash uly» komandasy marapattaldy. QR IIM Bárimbek Beısenov atyndaǵy Qaraǵandy akademııasynyń «Polısııa ajary» komandasyna «Uıymshyl komanda» nomınasııasy júldesi tabystalsa, Qyzylorda oblysy Polısııa departamentiniń «Syr sarbazdary» komandasy ónerimen «О́nerli komanda» atandy. Atyraý oblysy Polısııa departamentiniń «Eldiń balasy» komandasy erekshe kózge túsip, «Kórermen kózaıymy» nomınasııasyn jeńip aldy.
Sonymen qatar, Mańǵystaý oblysynyń ákimi S.Trumov baıqaýda júldeli oryndarǵa ıe bolmaǵanmen memlekettik tildiń mártebesin arttyrýda belsendilik tanytyp, óner kórsetken 8 komandaǵa Mańǵystaý oblysy ákiminiń atynan alǵys hattar tabystady.
Olar - Shyǵys Qazaqstan oblysy Polısııa departamentiniń «Altyn Altaı», Túrkistan oblysy Polısııa departamentiniń «Túrkistan qyrandary», Nur-Sultan qalasy Polısııa departamentiniń «Elorda», Almaty qalasy Polısııa departamentiniń «Polısııa jastary», QR IIM Maqan Esbolatov atyndaǵy Almaty akademııasynyń «Alataý qyrandary», QR IIM Shyraqbek Qabylbaev atyndaǵy Qostanaı Akademııasynyń «Qabylbaev urpaqtary», QR IIM M.Bókenbaev atyndaǵy zań ınstıtýtynyń «Bókenbaev barystary», Qaraǵandy oblysy Polısııa departamentiniń «Alash aıbyny» komandalary.
Mańǵystaý oblysy Polısııa departamentiniń bastyǵy polısııa polkovnıgi Q.Taımerdenov júldeli oryndar men marapattarǵa ıe bolǵan komandalardy quttyqtap, Ishki ister mınıstrligine erekshe alǵys bildirip, dástúrge aınalǵan «Parasatty polıseı» respýblıkalyq baıqaýdyń rámizin 2020 jyly atalǵan baıqaý ótetin Aqmola oblysy Polısııa departamentine tabystady. Aqmola polıseıleri marafondy qabyl alyp, kórermenderge án shashýyn syılady.
Ár komanda músheleri baǵaly syılyqtar men marapattarǵa, komanda jetekshileri de arnaıy syılyqtarǵa ıe boldy. Estelikke kıeli Mańǵystaý ólkesi týraly kitap tabystaldy.

Mańǵystaý oblysy

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar