Pavılonǵa kire beriste kelgen qonaqtarǵa arnaıy «Astana opera» Memlekettik opera jáne balet teatrynyń hory men balet trýppasynyń oryndaýynda «El Saltanaty» vokaldy-horeografııalyq kompozısııasynyń kórsetilimi uıymdastyryldy.
Sonymen qatar, pavılon qonaqtary tabıǵı jáne ekologııalyq taza ónimder men ulttyq taǵamdar usynylǵan qazaqstandyq aýylsharýashylyq ónimderiniń kórme-jármeńkesin qarap shyqty.
Biregeı kórme kesheniniń ekspozısııasymen tanysý barysynda Nursultan Nazarbaev pen Vladımır Pýtın pavılonnyń «Qurmetti qonaqtar kitabyna» jazba qaldyrdy.
Sonymen qatar, Qazaqstannyń Tuńǵysh Prezıdenti men Reseı Prezıdenti Qazaqstannyń tarıhı-mádenı murasyna arnalǵan QR Ulttyq mýzeıiniń kórmesin tamashalady. Kórmege b.e. deıingi VIII – VI ǵasyrlarǵa jatatyn 30-dan astam biregeı ekspozııa qoıylǵan.
