Jastarǵa jalǵa beriletin baspana

Sonymen Aqparat jáne qo­ǵamdyq damý mınıstriniń bıyl­ǵy jyldyń 29 tamyzyndaǵy buıryǵyna, soǵan oraı bekitil­gen erejege sáıkes, satyp alý quqyǵynsyz jaldamaly páter 5 jylǵa beriledi. Ony alý úshin ótinish berýshi azamat tıis­ti óki­letti organǵa birqatar qujat­ty tapsyrýy kerek.

Tapsyrylatyn qujattardyń tizimine toqtalar bolsaq, tıisti ótinishpen qosa  azamattyń je­ke basyn kýálandyratyn qujat­tyń kóshirmesi, bilimi týraly qujattyń kóshirmesi, otba­sy­­ly bolǵan jaǵdaıda neke kýálik­tiń, balalarynyń týý týraly kýáliginiń kóshirmesi qosa usy­nylady.

О́tinish berýshiniń jáne onyń otbasynyń barlyq músheleriniń jyljymaıtyn múligi joq ekeni týraly anyqtama da tapsyry­latyn qujattar tiziminde bar. Bir aıta keterligi, ótinish be­rý­­­shiniń aı saıynǵy tabysy keminde 40 aılyq eseptik kór­­setkishten,  ıaǵnı, 101 000 teń­geden kem bolmaýy tıis. Eń­bek ótilin rastaıtyn, túrli qyz­met salalaryndaǵy jeke jetis­tik­terin rastaıtyn qujat­tary da onyń baspanaǵa qol jet­kizý múmkindigin arttyra túsedi.

О́tinish berýshilerdiń, ıaǵnı, baspana alýǵa konkýrsqa qatysýshylardyń múmkindikte­ri jınaǵan baly boıynsha anyq­talady. Aıtalyq, «Eńbek» mem­lekettik baǵ­darlamasyna sáı­kes bekitilgen, naryqta eń jo­ǵary suranysqa ıe kásiptiń ıe­­le­rine avtomatty túrde 10 ball beriledi. Bul 100 ma­man­­­dyqtyń qatarynda IT-ma­man­­dar, 3D modeldeý ın­­je­neri, ekolog, óndiris já­ne qor­shaǵan ortany qorǵaý ın­je­ne­ri jáne onyń kómekshisi, aǵash ustasy, tas qalaýshy, qu­ry­lysshy-mon­tajshy, santeh­nık, ınte­rer dızaıneri jáne dekorator, «Aqyldy úı» ınfra­qurylymynyń operatory, sle­sari jáne jóndeýshileri, trak­torshylar, sondaı-aq kom­baın­dar men ózge de aýyl sharýa­shylyǵy jabdyqtarynyń ope­ra­­torlary, et jáne balyqty jar­­­­tylaı fabrıkattarmen azyq-túlik jáne untaqtar óndi­rý­­­shiler jáne basqalary bar.

Sol sııaqty otbasyly aza­matqa – 5 ball, nekede tir­kel­gen árbir jyly úshin – 2 ball; bir balaǵa – 1 ball, árbir keıin­gi bala úshin – 2 ball; jeke kásip­kerlikpen aınalysqany úshin ár jylyna – 5 ball degen syndy ereje boıynsha jıǵan tıisti baly qosylady. Joǵary ball jınaǵan azamat sáıkesinshe jaldamaly páterge ıe bolady.