Ekonomıka • 09 Qyrkúıek, 2019

Stýdenttik jataqhanalardy salý sýbsıdııasy 9%-ǵa deıin kóterildi

46 ret kórsetildi

Bıznestiń kez kelgen túri, onyń ereksheligine, aýqymy men geografııasyna qaramastan, qar­jylyq qoldaýdy qajet etedi. Kóptegen jaǵ­daı­da onyń quraly retinde banktik nesıeler júredi. Bul jerde eń bastysy – paıyzdyq mól­sherlemeden bastap, óteýdiń jeńildikti ke­zeńine deıingi qolaıly sharttardy tańdaý. Áıt­se de, kez kelgen qaryzdyń tartymdylyǵyn ese­leı túsetin bir-aq sóz bar, ol «sýbsıdııa» dep ata­lady.

Sýbsıdııalar týraly kirispe maqala ataýymen qalaı baılanysty? Bári op-ońaı – bul jerdegi másele, stýdenttik jataqhanalardy salýǵa arnalǵan sýbsıdııalar týraly bolyp otyr. Sońǵy eki jylda bıznestiń osy baǵyty birqatar artyqshylyqtarǵa ıe boldy. Osy rette arnaıy tetik ázirlendi, onyń tujyrymy stýdentter turatyn úı-jaılar salýda bıznestiń memleketpen áriptestigine negizdelgen. Onyń biregeıligi sonda – ǵımarattyń menshik ıesinde maqsatty memlekettik tapsyrysty ornalastyrý esebinen aqsha aǵyndaryna kepildik beriledi. Bylaısha aıtqanda, memleket árbir stýdenttiń turýyna 300 myń teńgeden astam aqsha tóleýge daıyn.    

Memlekettiń bul máselege qatysty alań­daý­shy­lyǵy oryn-jaılardyń tapshylyǵymen ǵana emes, sondaı-aq onyń ósý perspektıvasymen de baılanysty. Demografııalyq ahýalǵa eń qysqa taldaý jasaǵannyń ózinde aldaǵy ýaqytta elde 2000 jyldardaǵy baby-boom-nyń nátıjesi bolyp tabylatyn stýdenttik kontıngenttiń kúrt ulǵaıýyn boljaýǵa bolady. Osy maqalanyń mánmátininde bul – suranystyń turaqtylyǵy men qurylatyn bıznestiń perspektıvalylyǵy turǵysynan, kásipker úshin aıqyn basymdylyq.   

Maqalanyń negizgi taqyrybyna kóshe otyryp, onyń relevantylyǵyn erekshe atap ótý ke­rek. Osydan bir aı buryn ǵana stýdenttik ja­­taq­ha­nalardy salýǵa arnalǵan banktik kre­dıt­­terdi sýbsıdııalaý mólsherlemesi 7-den 9%-ǵa deıin kóterildi. Baǵdarlamaǵa qatysýshy bank­ter qazirgi ýaqytta kredıt mólsherlemesin sýbsıdııalaý sharttarynda 7 jylǵa deıin alǵashqy qaryz­dardy (zaımder) usynýda. Bul rette bank­tiń maksımaldy mólsherlemesi 15%-dan aspaýy tıis. Osylaısha jataqhanany salýshy úshin túp­kilikti mólsherleme nebári 6%-dy quraýy múm­kin. Sondaı-aq tartylatyn qaryzdyń (zaım­nyń) somasy shektelmegendigin de aıta ket­ken jón.

Jobalardy sýbsıdııalaý jalpy qory 600 mlrd teńgeni quraıtyn «Qarapaıym zattar ekonomıkasy» baǵdarlamasynyń aıasynda júzege asyrylady. Baǵdarlamanyń operatory «Damý» ká­sipkerlikti damytý qory» AQ bolyp tabylady. Tolyǵyraq aqparat alý úshin www.damu.kz saı­tyna nemese 8 (727) 244-55-66(77) telefon nómir­lerine habarlasa alasyzdar. 

Sonymen qatar stýdenttik jataqhanalar qury­­ly­syn qoldaý tetigi týraly mazmundy keńes­ti 8 800 080 28 28 (qońyraý shalý tegin) tele­fon nómirlerine ha­barlasyp nemese www.studdom.kz saıtynan alýǵa bolady.     

 

«Qarjy ortalyǵy» AQ

 

Sońǵy jańalyqtar

Shymkentte úı qustaryna ekpe egý jumystary júrgizilýde

Ońtústik Qazaqstan • Búgin, 15:16

Qazaqstanda dollar qaıta qymbattap jatyr

Ekonomıka • Búgin, 12:23

Báıterekte órt shyqty

Aımaqtar • Búgin, 12:00

Jaýapty kezeńge jan-jaqty daıyndyq

Aımaqtar • Búgin, 11:40

Qazaqstanda epıdemııalyq jaǵdaı turaqtaldy

Koronavırýs • Búgin, 09:41

Alekseı Soı áýe qatynasyn toqtatýdy surady

Koronavırýs • Búgin, 09:25

Búgin úsh óńirde úsik júredi

Aýa raıy • Búgin, 09:20

Qazaqstanda taǵy 75 adam koronavırýs juqtyrdy

Koronavırýs • Búgin, 09:11

Adaldyq pen senim bastaýy – ashyqtyq

Saıasat • Búgin, 08:23

Investısııa tartý boıynsha keńes ótti

Ekonomıka • Búgin, 08:22

QOLDA baǵdarlamasy kómek kórsetti

Qoǵam • Búgin, 07:56

Polısııa qyzmetkerleri qan tapsyrdy

Aımaqtar • Búgin, 07:54

«Barys» muzaıdynǵa qashan oralady?

Hokkeı • Búgin, 07:46

Bekzada óner, batyr Bekzat

Sport • Búgin, 07:45

Shyńdar shaqyrady

Týrızm • Búgin, 07:42

Kemeńger jáne senim keńistigi

Abaı • Búgin, 07:36

Aqyldyń keni

Abaı • Búgin, 07:34

Túrmedegiden túńilmeıik

Qoǵam • Búgin, 07:33

Jastarǵa kerek zamanaýı bilim

Bilim • Búgin, 07:19

Termınologııa tezge túsýge tıis

Rýhanııat • Búgin, 07:07

Uqsas jańalyqtar