Sport • 09 Qyrkúıek, 2019

Álem chempıonatynda Ánuranymyz neshe ret shyrqalady?

58 retkórsetildi

Keshe Reseıdiń Eka­terınbýrg qalasynda bokstan erler arasynda álem chempıo­na­tynyń jalaýy kó­terildi. Jıyr­masyn­shy ret ótip jatqan jahandyq dodada 91 memleketten 488 sańlaq baq synaıdy.

Jahandyq jarys 52 kılo salmaqta baq synaıtyn Sáken Bıbosynovqa zor múmkindik. Sebebi ol iri týrnırge alǵash ret qatysqaly tur. 22 jastaǵy boksshy álem birinshiliginde júlde alyp jatsa, Tokıo Olımpıadasynyń lısenzııalyq jarysyna qatysýy ábden múmkin. Al eger de senimdi aqtamasa, kezegin kútip turǵan birneshe áriptesi bar. Solardyń biri – kadetter, jastar arasyndaǵy eki dúrkin Azııa chempıony, álem birinshiliginiń qola júldegeri Mahmut Sabyrhan. Prezıdent kýbogynyń fınalynda ekeýi qolǵap túıistirip, Sáken 19 jastaǵy Mahmuttan 3:2 esebimen basym túsken edi. Sondaı-aq tizimge sońǵy sary qurlyq dodasynda el namysyn qorǵaǵan Ánýar Muzappardy qosyńyz. Sáken týraly bokstan Qazaqstan quramasynyń bas bapkeri Ǵalym Kenjebaev bylaı deıdi: «Sáken talantty boksshylardyń biri. Ol Qyzylordada ótken spartakıadada top jardy. Prezıdent kýbogynda qarsylas shaq keltirmedi. О́z salmaǵynda nómiri birinshi boksshysynyń álem chempıonatyna qatysýy zańdy».

56 kılo. Qurama sapyndaǵy jalǵyz álem chempıony – Qaırat Eralıev. Sońǵy kezde saqa boksshy jóninde kóptegen syn aıtylsa da, bap­­ker­ler iri týrnırge Qaıratty alyp barýdan sharshaǵan joq. Sebebi álemniń altyn medalin ekiniń biri ala bermeıdi. Jaqynda jattyǵýyn baryp kórgenimizde, onyń daıyndyǵy oıdaǵydaı ótip jatqanyn baıqadyq. Eger de jerebe joldas bolyp, tóreshiler ádil tórelik jasasa, Qaırat Serik Sápıev aǵasy sııaqty eki dúrkin álem chempıony bolary sózsiz.

63 kılo. 2015 jyly Dohada ótken álem birin­shiliginde saıysqa túsken Zákir Safıýllın­di kópshilik jaqsy tanıdy. Bapkerler bul joly Azııanyń eki dúrkin kúmis júldegerine senim artyp otyr. Bıylǵy Prezıdent kýbogynda kúmispen kúptelgen 33 jastaǵy boksshy endi álemdik synda olja salady dep seneıik.

«Qazaqtyń salmaǵy» atanyp ketken 69 kıloda álem chemıonatynyń qola júldegeri Abylaıhan Júsipov aıqasady. Biz onyń jekpe-jegin 2017 jyly Tashkentte ótken sary qurlyq jarysynda tamashalaǵan edik. Fınalda jergilikti boks­shy Shahram Gııasovtan jeńildi. Jekpe-jekten keıin jerlesimizdi áńgimege tartqanymyzda, qabaǵy qatýly Abylaıhan: «Aǵa, Tokıo – meniń Olımpıadam bolady» degeni esimizde. Bıyl Atyraýdaǵy halyqaralyq týrnırde, elordada ótken Prezıdent kýbogynda top jarǵan 22 jastaǵy óren álem birinshiligi aldynda: «Qudaıǵa shúkir, daıyndyǵymyz oıdaǵydaı. Jaraqattan amanbyz. Bir ǵana arman bar. Ol – álem chempıony bolý. Sátin salsa, úzdikter qatarynan kórinemin», – dedi.

Jaqynda «Egemen Qazaqstan» gazetiniń 100 jyldyǵy aıasynda shaǵyn fýtboldan BAQ lıga týrnırinde Ábilhan Amanqulmen kezdesip qaldyq. 75 kıloda kóshbasshy Ábilhan búginde jaraqatynan tolyq aıyqpapty. Endi qatarǵa qosylǵannyń ózinde myqty ekenin taǵy bir dáleldeý kerek. Sebebi bul salmaqta taıaýda ǵana Azııa chempıony atanǵan Tursynbaı Qulahmet bar. Qyzylordalyq boksshy sheberligin tek Azııada emes, Prezıdent kýbogynda da dáleldedi. Oǵan Islam oıyndarynyń jeńimpazy ataǵyn qosyńyz. Tursynbaı Reseıge jaı bara jatqan joq, jeńimpaz bolsam deıdi: «Búginde boks barlyq elde damyp keledi jáne ońaı shaǵylar qarsylas joq. Buryn Azııa nemese álem chempıonatyna qatyssam dep armandaıtynmyn. Azııada úzdik atandym, endi álemde dara shyqsam deımin».

81 kıloda talantty boksshylar jeterlik. Olardyń ishinde kóshbasshy – túrkistandyq Bek Nurmaǵambet. Biraq, jaraqatyna baılanysty ol Ekaterınbýrgte el namysyn qorǵaı almaıdy. Bektiń ornyna Bekzat Nurdáýletov barady. Mańǵystaýlyq boksshy da qara jaıaý emes. Buǵan deıin 91 kılo salmaqta baq synaǵan Marat Jákıevtiń shákirti jastar arasynda álem birinshiliginiń qola júldegeri, Qazaqstan chempıonatynyń fınalısi, spartakıadanyń qola júldegeri. Shilde aıynda Prezıdent kýbogynda 81 kıloda baq synap, kúmis medal enshiledi.

«81 kıloda báseke óte kúshti. Azııa chempıo­ny Bek Nurmaǵambet, Prezıdent kýbogynyń fınalısi Bekzat Nurdáýletov jáne jastar arasynda álem chempıony Nurbek Oralbaı qurama sapynda jattyǵyp júr. Bul jolǵy tańdaý Bekzatqa túsip otyr», dedi quramanyń bas bapkeri Ǵalym Kenjebaev.

91 kıloda aıqasyp júrgen Vasılıı Levıt­tiń qorjynynda barlyq iri halyqaralyq týr­nırdiń medali bar. Ol Azııanyń úsh dúrkin je­ńimpazy, álem chempıonatynyń qola júldegeri jáne Rıo Olımpıadasynyń fınalısi. Vasıanyń basty armany – Tokıoda top jarý. Marat Manashevtiń shákirti álem birinshiliginde úzdik shyqsa, Olımpıada joldamasy úshin talasa alatynyn biledi. Sebebi onyń ókshesin basqan áriptes inisi, jastar arasynda Olımpıada chempıony jáne álem birinshiliginiń kúmis júldegeri Aıbek Oralbaı bar. Jaqynda Prezıdent kýbogynynyń fınalynda ekeýiniń joly túıisti. Tartysty ótken jekpe-jekte Levıt sál ǵana basymdyqpen jeńiske jetti.

«Maqsat bireý, ol – ár jekpe-jekte jeńiske jetý. Sondyqtan árbir jekpe-jekke tyńǵylyqty daıyndalyp, jaqsy nátıje kórsetkim keledi», dedi V.Levıt.

Asa aýyr salmaqta (+91 kılo) aıqasatyn Qamshybek Qońqabaevqa búginde elimizde teń keler eshkim joq shyǵar. О́ıtkeni Olımpıadanyń eki dúrkin qola júldegeri Ivan Dychko kásipqoı boksqa aýysqaly, quramanyń №1 boksshy bolý Qamshybekten ózgege buıyrmaı keledi. Eger de bapkerler Qamshybekti jaqsylap qamshylaıtyn bolsa, eki jyl burynǵy kúmis medalin altynǵa aıyrbastaýy bek múmkin.

Sonymen Ekaterınbýrgte el namysyn qor­ǵaıtyn boksshylardyń shama-sharqyn saralap kórdik. 2017 jylǵy álem birinshiliginiń nátıjesine kóz júgirtsek, onda jigitter 1 altyn, 2 kúmis jáne 3 qola medal jeńip aldy. Al sol júldegerlerdiń arasynan búginde tórt boksshy – Qaırat Eralıev (altyn), Qamshybek Qońqabaev (kúmis), Abylaıhan Júsipov (qola) jáne Vasılıı Levıt (qola) Reseıge attandy. Olardyń qataryna óz salmaqtarynda úzdik shyqqan tórt oǵlanymyzdy qosar bolsaq, onda jigitterdiń kem degende 5 medal jeńip alýǵa múmkindikteri bar. Sonda ǵana Qazaqstan quramasy jalpykomandalyq esepte úzdik úshtikten kórine alady. Al onyń ishinde qansha medal altyn bolary tek bir jaratqanǵa aıan. Boksshylardyń joly bolyp, Reseı tórinde Alashtyń Ánurany bir emes, birneshe márte oryndalsyn dep tileıik.

 

Almas MANAP

Banner
Sońǵy jańalyqtar

Taǵylymdy tulǵa

Rýhanııat • Búgin, 09:36

Ǵylym qanatyndaǵy ǵumyr

Rýhanııat • Búgin, 09:34

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

«Eńbek» eleýsiz qaldy

Qoǵam • Búgin, 08:43

Robot-tehnıka úıirmeleri qajet pe?

Qazaqstan • Búgin, 08:26

Qurylysshylar nege ereýilge shyqty?

Qazaqstan • Búgin, 08:24

«Januıa» ortalyǵy jumysyn bastady

Qoǵam • Búgin, 08:22

Kedergisiz ómir syılaıdy

Qoǵam • Búgin, 08:22

Reformalar oza shabýdy kótermeıdi

Qoǵam • Búgin, 08:19

Azamattyq jaýapkershilik qajet

Qoǵam • Búgin, 08:16

Ashyq qoǵam aıshyqtary

Búgin, 08:14

Tazalyqtan aldyna jan salmaıtyn jurt

Qoǵam • Búgin, 08:08

Jaldamaly jumysshylar jalaqysy artty

Ekonomıka • Búgin, 08:05

Sheteldik taýarlar qymbattady

Ekonomıka • Búgin, 08:03

Ekonomıkalyq ósimniń kóleńke tusy

Ekonomıka • Búgin, 08:00

Baspana baǵasy nege kóterildi?

Qoǵam • Búgin, 07:58

Yntymaqtastyqtyń jańa kezeńi

Qazaqstan • Búgin, 07:52

Eń qysqa áńgime. Qanat Ábilqaıyr

Eń qysqa áńgime • Keshe

Eń qysqa áńgime. Arman Álmenbet

Eń qysqa áńgime • Keshe

Uqsas jańalyqtar