Sport • 09 Qyrkúıek, 2019

Jastar jeńilip, eresekter teń tústi

37 retkórsetildi

Fýtboldan Eýropa chempıonatynyń irikteý kezeńine qatysyp jatqan Qa­zaqstan ulttyq quramasy men jastar quramasy kezekti týr oıyndaryn ótkizdi. 2021 jyly 21 jasqa deıingi fýtbolshylar arasynda ótetin dodada baq synap jatqan Qazaqstan jastar quramasy «Astana Arenada» Ispanııa quramasyn qabyldasa, 2020 jylǵy Eýropa birinshiliginiń irikteý kezeńinde eresekter arasyndaǵy ulttyq qurama oıynshylary syrt alańda Kıprmen kezdesti.

Aldymen jastar quramasy elordada bıyl ǵana Eýropa chempıony atanǵan Ispanııa fýtbolshylaryn qabyldap, 0:1 nátıjesimen ese jiberdi. Ataqty «Barselona», «Real» sekildi álemdik TOP klýbtardyń tárbıelenýshilerinen qura­l­ǵan Ispanııa quramasyna bizdiń fýtbol­shylar laıyqty qarsylyq kórsetti. «Astana Arenada» ótken kezdesýdiń al­ǵash­qy 30 mınýty teń dárejede ótip, eki qu­rama da alma-kezek shabýyldaýmen boldy. Qarsylas komandanyń kezekti bir shabýylynda qazaqstandyq fýtbolshy oıyn tártibin buzdy dep shotlandııalyq tóreshi Nıkolas Ýolsh Qazaqstan quramasynyń qaq­pasyna 11 metrlik aıyp dobyn bel­giledi. Ispanııa quramasynyń kapıtany Danı Olmo penaltıdi múltiksiz oryn­­dady. Fýtbol jankúıerleriniń esinde bolsa, Olmo osymen Qazaqstan as­tanasyna ekinshi ret kelip, eki oıynda da gol soqty. Horvatııanyń «Dınamo Zagreb» klýbynyń oıynshysy byltyr Chempıondar lıgasynyń irikteý kezeńinde «Astanaǵa» qarsy oınap, 84-mınýtynda Erıchti san soqtyryp ketken bolatyn. Sol oıynda «Dınamo Zagreb» 0:2 esebimen jeńiske jetken-di.

Otandastarymyz gol ótkizip alǵan soń qarsylas komandanyń qaqpasyna qa­­raı shabýyldy údete túskenimen, nátı­jeli aıaqtaıtyn fýtbolshy tabylmaı jatty. Kezdesýdiń birinshi bó­ligi ıs­panııalyqtardyń sál ǵana basym­dy­ǵymen aıaqtaldy.

Ekinshi taımnyń basynda Ispanııa quramasynyń bas bapkeri taktıkaǵa az­daǵan ózgeris engizip, alańǵa qosalqy qu­ramnan eki shabýylshyny shyǵarýǵa májbúr boldy. Árıne 0:1 esebi ıspanııa­lyqtardy qanaǵattandyrmaıdy. Olardyń maqsaty – meıilinshe kóp gol soǵý bolatyn. Biraq qazaqstandyq fýtbolshylar Ispanııa quramasyna ush upaıdy ońaı berip qoımaıtynyn ańǵartty. Match­tyń 56-mınýtynda bas tóreshi bizdiń qaq­­pamyzǵa taǵy da penaltı belgiledi. Aby­roı bolǵanda bul joly qaqpashy Muha­medjan Seısen tamasha seıv jasap, Karles Alenıa tepken on bir metrlik aıyp dobyn qaıtardy. Osydan keıin otandastarymyzdyń boıynda senimdilik paıda bolyp, esepti teńestirýdiń qamyna kiristi. Bas bapker Aleksandr Moskalenko da jasyl alańǵa «Astana» klýbynyń shabýylshylary Ramazan Kárimov pen Vladıslav Prokopenkolardy shyǵardy. Fýtbolshylarymyz esepti teńestirýge qansha tyrysqanymen, ıspanııalyq qorǵaý­shylar gol soǵýǵa esh múmkindik ber­medi. Osylaısha, bıylǵy Eýropa chempıondary Qazaqstan quramasyn standarttan soǵyl­ǵan jalǵyz goldyń arqasynda jeńip ketti.

Endi jerlesterimiz 10 qyrkúıek kúni Izraıl quramasyn qabyldaıdy. Úsh týrdan keıin otandastarymyz 6 upaımen óz tobynda kósh bastap tur. Bizden eki oıyn kem ótkizgen Ispanııa quramasy 3 upaımen ekinshi orynda keledi.

 Jastar quramasynyń izin ala eli­mizdiń negizgi quramasy syrt alańda Qazaqstan úshin alynbaıtyn qamal sa­nal­ǵan Kıpr qurmasymen kezdesip, 1:1 ese­bimen teń tústi. Eki komanda buǵan deıin eki ret kezdesip, ekeýinde de Kıpr fýt­bolshylary basym túsken bolatyn. Eń alǵash eki komandanyń joly 2004 jylǵy halyqaralyq týrnırde túıisip, Kıprde ótken básekede alań ıeleri 2:1 esebimen jeńiske jetken bolatyn. Araǵa 13 jyl salyp eki qurama 2017 jyly joldastyq kezdesý ótkizdi. Bul oıynda da Kıpr quramasy 3:1 nátıjesimen basym túsken-di. Mine, 2019 jyly Eýropa chempıonatynyń irikteý kezeńinde eki qu­rama qaıta jolyǵyp, otandastarymyz alǵash ret qarsylas komandamen teń oınady.

Matchqa deıin kópshilik fýtbol ma­mandary Kıpr-Qazaqstan oıynyna pikir bildirip, Qazaqstan qurmasy bul joly da jeńiledi dep boljaǵan-dy. Biraq oıyn kópshilik kútkendeı emes, múlde basqasha deńgeıde órbidi. Kezdesýdiń nebári ekinshi mınýtynda Qazaqstandyqtar oıyndaǵy alǵashqy shabýylyn uıymdastyryp, matchtaǵy esepti birinshi bolyp ashýǵa múm­kindik aldy. Islambek Qýat bastaǵan shabýyldy Alekseı Shetkın nátıjeli aıaqtap, komandasyn esepte alǵa shyǵardy. Bas bapker Bılek negizgi quramdy ja­rııalaǵanda qazaqstandyq jankúıerler Shetkındi birinshi mınýttan bastap alańǵa shyǵarý – bas bapkerdiń eń úlken qateligi dep synaǵan-dy. Sol jankúıerler matchtan soń Alekseı Shetkınniń oıynyna jaqsy baǵa bergenin nesine jasyraıyq. Sondaı-aq Shetkın bul matchta ulttyq qurama tarıhynda eń jyldam gol soqqan fýtbolshy atandy. Buǵan deıin jyldam goldy 2012 jyly Iýrıı Logvınenko Qyrǵyzstan (5:2) quramasynyń qaqpasyna tórtinshi mınýtta salǵan edi.

Kútpegen jaǵdaıda gol ótkizip alǵan Kıpr oıynshylary birte-birte oıyn tizgini qoldaryna alyp, Dmıtrıı Nepogodov qorǵaǵan qaqpanyń mańaıynda jıi qaýipti shabýyl uıymdastyrýmen boldy. Degenmen qazaqstandyq oıynshylar birinshi taımnyń sońyna deıin basymdyqty saqtap qala almady. Oıynnyń 39-mınýtynda Pıoros Sotırıý mergendigimen kózge túsip, esepti teńestirip ketti.

Kezdesýdiń ekinshi taımyn alań ıeleri bel­sendi bastady. О́ıtkeni tórt oıynda nebári úsh-aq upaı oljalaǵan Kıpr qura­masyna jeńis aýadaı qajet edi. Al syrt alańda upaı oljalaý – otandastarymyzdyń basty maqsaty bolatyn. Eki komanda da match sońyna deıin maqsatyna jetý úshin baryn salyp oınady. Kıpr quramasy únemi shabýyldaýmen bolsa, qazaqstandyq fýtbolshylar qorǵanysqa kóbirek kóńil bólip, qarymta shabýylǵa ıek artty. 90 mınýttyń qorytyndysy boıynsha kezdesý 1:1 esebimen aıaqtalyp, eki qurama da bir-bir upaı ıelendi. Syrt alańda bir upaı oljalaǵan Qazaqstan quramasy 7 upaımen toptaǵy úshinshi orynyn saqtap qaldy. Al Kıpr fýtbolshylary 4 upaımen besinshi orynda keledi.

Qazaqstan quramasy kelesi kezdesýin búgin Reseı quramasyna qarsy ótkizedi. Es­terińizde bolsa, qos qurama arasynda elordada ótken alǵashqy oıynda jerlesterimiz 0:4 esebimen jeńilip qalǵan bolatyn. Búgin otan­dastarymyz jigerli oıyn kórsetip, ese qaıtarady degen úmittemiz.

Banner
Sońǵy jańalyqtar

Atyraýlyq sarbazdar áskerge attandy

Aımaqtar • Búgin, 17:27

Almatyda taǵy da jylý qubyry jaryldy

Qoǵam • Búgin, 16:20

Jambylda aǵash kóshetteri otyrǵyzyldy

Aımaqtar • Búgin, 16:02

Taldyqorǵanda tekstıl shyǵarylady

Aımaqtar • Búgin, 15:42

Eń qysqa áńgime. Qanat Ábilqaıyr

Eń qysqa áńgime • Búgin, 11:33

Eń qysqa áńgime. Arman Álmenbet

Eń qysqa áńgime • Búgin, 11:26

Kúlki kerýeni № 2

Rýhanııat • Búgin, 10:27

Qylqalamnyń ushynda – Qaraǵandy

Rýhanııat • Búgin, 09:48

«Qoıanqasqa» tulpar top jardy

Rýhanııat • Búgin, 09:11

Qazan meshitiniń úlgisin tańdapty

Rýhanııat • Búgin, 09:09

Qazaq dastarqanynan dám tatty

Aımaqtar • Búgin, 09:03

Baqyt Bókebaev: Bekzat óner belesteri

Rýhanııat • Búgin, 08:59

Aqyn qalamyndaǵy akademık beınesi

Rýhanııat • Búgin, 08:56

Baıanǵalı týraly baıan

Rýhanııat • Búgin, 08:52

Joldyń jaıy qalaı: Mamandar jetispeıdi

Aımaqtar • Búgin, 08:50

Semizdik túrli syrqatqa sebepshi

Qoǵam • Búgin, 08:39

«Nurly kósh» kúnin belgilesek...

Qoǵam • Búgin, 08:35

Jańa aıaldamaǵa jany qas

Aımaqtar • Búgin, 08:31

Jańaózende jańa joba bastaldy

Aımaqtar • Búgin, 08:24

Taǵzym men taǵylym toǵysqan toı

Rýhanııat • Búgin, 08:19

Bizdiń belsendiligimiz de mańyzdy

Qoǵam • Búgin, 08:16

Ekonomıkada turaqty ósim bar

Ekonomıka • Búgin, 08:06

Kraýdfandıng qazaqqa da jat emes

Qazaqstan • Búgin, 08:00

Elbasy Qyrǵyzstan basshysymen kezdesti

Saıasat • Búgin, 07:56

Uqsas jańalyqtar