Rýhanııat • 09 Qyrkúıek, 2019

Dı­mash­tyń kon­sertin AQSh-ta uıym­­dastyrý biz úshin úlken már­t­ebe - A.Raıymqulova

221 retkórsetildi

О́tken ǵasyrda álemdi «kommýnızm elesi kezip júrse», Qudaıǵa shúkir, jańa ǵasyrda qazaq áni álemdi baýraı bastady. Keshegi «án salatyn qazaq dalasynyń» búgingi perzenti, ıaǵnı qazaq balasy ándi dalada emes, álem sahnasynda shyrqaıtyn shyrqaý bıikke kóterildi. О́rkenıette ózindik orny bar elderdiń ónerdi baǵalaı biletin jurtynyń ózi alash oǵlanynyń daýsyna tańdaı qaǵyp, erekshe qoshemet kórsetip jatqany – osynyń dáleli.

Sonymen 10 jeltoqsanda Nıý-Iorktegi «Barclays Center» arenasynda Dımash Qudaıbergen (DQ) «Arnaý» baǵdarlamasymen ame­rıkalyqtarǵa óziniń jeke konsertin usynady. Ádette Qa­zaq­standy basynan qaıǵy bul­­ty arylmaǵan kóp «stan»-nyń sanatyna jıi qosatyn ame­rı­kalyqtardyń endi dala áýeni­men jaqynyraq tanysýyna múmkindik týyp otyr. Ulanyna qarap Uly dalanyń tarıhyna, myń­jyldyq mádenıetine úńi­letin sát bul.

Dımashtyń alyp eldegi kon­sertin uıymdastyrýǵa Máde­nıet jáne sport mınıstrliginiń ózi bastamashy bolyp otyr. Má­denı shara AQSh-taǵy Qazaq­stan Respýblıkasynyń mádenı kún­deri aıasynda ótpekshi. Qa­laı desek te, muhıttyń arǵy be­tindegiler atalǵan jobada qazaq mádenıetiniń órkenıetke qosatyn jaýharlarymen jaqynyraq tanysatyn bolady.

Mádenıet jáne sport mı­nıstri Aqtoty Raıymqulovanyń ózi atal­ǵan sharaǵa oraı: «Dı­mash­tyń kon­sertin AQSh-ta uıym­­dastyrý biz úshin úlken már­t­ebe. Dımash óner kórsetken bar­lyq eldegideı, Ame­rıkanyń erke jurtyn tánti etetinine senim­dimiz», – deıdi.

Azııa men qart qurlyqtyń ónersúıer qaýymy Alash ánshi­siniń erekshe daýys qudiretine tańdaı qaǵyp jatqanda, odan ame­rıkalyqtar beıhabar deı almaımyz. Qazirgideı «jyl­dam habar alǵyzatyn» zaman­da Dımashtyń óner arenasyndaǵy dúbirine qanyq ekendigi sózsiz. Basqasy basqa, amerıkalyqtarǵa etene jaqyn Tumandy Albıondaǵy ótken qazaq ánshisiniń konsertine onyń tabynýshylary álemniń túkpir-túkpirinen jınaldy, al bıletter rekordty qysqa mer­zimde satylyp ketti. Endeshe, Lon­­donnyń jańalyǵynan Va­shıngton da habardar.

Osydan da bolsa kerek, Dımash­tyń Nıý-Iorktegi kon­sertin uıym­dastyrýǵa qazaq­standyq rejısserlermen jáne horeograf-qoıýshylarmen bir­ge amerıkalyq tanymal re­jıs­­­serler de belsene kirisipti. Qalyń jurtty qam­tı­­tyn jobanyń áleýetin ame­rı­ka­lyqtar jaqsy biledi ǵoı. Olaı bolsa, atalǵan jobanyń qa­zaq mádenıetin álemge tanys­ty­rýdaǵy úlesi de tabysty bolady degen senimdemiz.

 

 

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar