Aımaqtar • 09 Qyrkúıek, 2019

Aqtaýdaǵy zııatkerlik mektepte Abaı men Ábish kabınetteri ashyldy

252 ret kórsetildi

Aqtaý qalasyndaǵy Nazarbaev Zııatkerlik mektebinde uly aqyn Abaı Qunanbaevtyń 175 jyldyǵyna jáne kıeli Mańǵystaý jeriniń tól týmasy, qalamger, qaıratker Ábish Kekilbaevtyń 80 jyldyǵyna oraı arnaıy oqý kabınetteri ashyldy. Bul týraly atalmysh oqý ornynyń baspasóz qyzmeti habarlady.

Abaı aqyn kabınetin ashý qurmeti abaıtanýshy, sáýletshi, «Abaı álemine saıahat» klýby ıdeıasynyń avtory Saıyn Nazarbek pen «Abaı oqýlary» respýblıkalyq baıqaýynyń júldegeri 10 synyp oqýshysy Bekzat Mustafaǵa berildi.

Endi jas zııatkerler atalǵan kabınetterde qazaq ádebıetiniń qaımaqtarynyń shyǵarmalarymen etene jaqyn tanysa alady.

Kabınetterdegi kitap qoryn jasaqtaýǵa oqýshylar men ata-analar erekshe úles qosqandyǵyn aıta ketken jón. «DARA» oqyrmandar klýbynyń uıymdastyrýymen «Bookcrossing» jobasynyń negizinde zııatkerlik mekteptiń oqýshylary 300-ge jýyq Abaı men Ábish shyǵarmalaryn jınaqtap, Qazaq tili men ádebıeti ádistemelik birlestigine syıǵa tartty. Kitaptar aýdıtorııalardaǵy sórelerden oryn tapty.

 

Mańǵystaý oblysy

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar