Aımaqtar • 09 Qyrkúıek, 2019

Prorva ken oryndarynda kúkirttiń alǵashqy partııasy jóneltildi

62 retkórsetildi

«Embimunaıgaz» AQ ıgerip otyrǵan Prorva ken oryndary tobynan 250 tonna túıirshiktelgen kúkirt jóneltildi. Bul týraly «QazMunaıGaz» UK» AQ jurtshylyqpen baılanys departamenti habarlady.

2018 jylǵy jeltoqsanda ilespe munaı gazyn daıyndaý qondyrǵysyn iske qosqaly beri barlyǵy 350 tonna kúkirt óndirildi. Qazirgi tańda bul «Embimunaıgazdaǵy» eń iri Qondyrǵy. Onyń qýaty jylyna 150 mln tekshe metrdi quraıdy.

Atalǵan qondyrǵyda Prorva ken oryndary tobynda munaıdy óndirý barysynda alynǵan ilespe gaz kúkirtti sýtekten tazalanyp, taýarlyq ónim daıyndalady: taýarly gaz, túıirshiktelgen kúkirt, turaqty gaz kondensaty.

Aıta keteıik, ekologııa salasyndaǵy zańnamanyń talaptaryna sáıkes óndiris barysynda alynǵan ilespe munaı gazy tolyǵymen kádege jaratylýy tıis. Qondyrǵyny iske qosý gazdy jaǵýdy tolyǵymen toqtatýǵa múmkindik berdi. Gazdy daıyndaý barysy avtomattandyrylǵan jáne apattyq jaǵdaıǵa qarsy qorǵanystyń birneshe deńgeıimen qamtylǵan. Onyń ústine, gazdy qaıta óńdeý tehnologııasy ekologııalyq turǵydan qaýipsiz jáne kúkirtti sýtekti joıýdyń joǵary tıimdiligin qamtamasyz etedi.

Qondyrǵyda 2018 jyly barlyǵy 147 mln tekshe metr gaz qaıta óńdeldi. Onyń 98 mln tekshe metri satyldy, 34 mln tekshe metri kompanııanyń ishki qajettilikterine jumsaldy. Gaz kondensatyn óndirý kólemi 4 myń tonnany qurady.

«Embimunaıgazda» budan basqa Shyǵys Maqat jáne S. Balǵymbaev ken oryndaryndaǵy ilespe munaı gazyn daıyndaıtyn taǵy eki qondyrǵy jumys isteýde. Olar Atyraý oblysynyń Isataı, Maqat jáne Qyzylqoǵa aýdandarynyń turǵyndaryn tabıǵı gazben qamtamasyz etip otyr.

 

Mańǵystaý oblysy

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar