Qoǵam • 09 Qyrkúıek, 2019

Boryshy keshirilmegender qaıda júginedi?

1535 retkórsetildi

26 maýsymda Prezıdent Qasym-Jomart Toqaev ómirlik qıyn jaǵdaıda qalǵan azamattardyń borysh júktemesin azaıtyp, olarǵa ýaqtyly kómek kórsetý maqsatynda №34 Jarlyqqa qol qoıyp, boryshy keshiriletin kisilerdiń alty sanatyn aıqyndaǵan bolatyn. Soǵan saı 15 shildede Úkimettiń №520 qaýlysy jarııalanyp, 2 qyrkúıekke deıin bul sharany aıaqtaý aıtylǵan edi. О́tken aptadan bastap boryshtaryn memleket jaýyp bergen keı azamattar qaı sanatqa jatatynyn bilmeı ań-tań qalsa, keıbir shyn muqtajdardyń qaryzy murty buzylmaǵan kúıde qalyp otyrǵan syńaıly.

Eń aldymen Prezıdent Jarlyǵynda kórsetilgen álsiz toptyń qaısysyna jatatynyńyzdy aıqyndap alýyńyz kerek. Olar – kóp balaly otbasylar; asyraýshysynan aıyrylý jaǵdaıyna baılanysty tólem alatyn otbasylar; múgedek balalary bar, 18 jastan asqan bala jasynan múgedekter bar otbasylar; ataýly memlekettik əleýmettik kómek alatyndar; jetim balalar; ata-anasynan kámelettik jasqa deıin aıyrylǵan, 29 jasqa tolmaǵan, ata-ananyń qamqorlyǵynsyz qalǵan balalar. Ekinshiden, nesıeńiz kepilsiz bolýy shart. Úshinshiden, bıyl 1 maýsymǵa deıingi qaıtarylmaǵan bereshegińiz 3 mln teńgeden aspaýy tıis. Al tórtinshiden, negizgi borysh pen oǵan eseptelgen syıaqysy 300 myń teńgeden aspaýy kerek. Eger osy tórt talaptyń barlyǵyna saı kelip, biraq memleket boryshyńyzdy keshirmegen bolsa onda sizdiń mártebeńiz týraly aqparat ortalyq memlekettik organdardyń aqparattyq júıelerinde joq degendi bildiredi. Halyqqa osyndaı aqparat taratqan Eńbek jáne áleýmettik qorǵaý mınıstrligi bul azamattardyń 111 call-ortalyǵyna jáne 8(7172) 743220, 750179, 750178 telefon nómirlerine habarlasyp, óz sanattaryn aıtýdy surap otyr.

Mınıstrliktiń baspasóz qyzmetiniń habarlaýynsha, joǵaryda kórsetilgen sanattaǵy azamattardyń tizimi ortalyq memlekettik organdardyń aqparattyq júıeleriniń derekteri negizinde júzege asyrylǵan. Atap aıtqanda, Bilim jáne ǵylym mınıstrligi jetim balalardyń, ata-anasynyń qamqorlyǵynsyz qalǵan, kámeletke tolǵanǵa deıin ata-analarynan aıyrylǵan 29 jasqa tolmaǵan balalardyń, 23 jasqa deıingi stýdentterdiń tizimin usynǵan. Ádilet mınıstrligi «Azamattyq hal aktileriniń jazbalary» aqparattyq júıesinde erli-zaıyptylar nemese ata-analar boıynsha ózekti azamattyq hal aktileri (neke jáne týý týraly) boıynsha málimetterdi tekserýdi júzege asyrǵan. Osylaısha mınıstrlik 2 mıllıonnan asa adamnyń tizimin Ulttyq bank pen Memlekettik kredıttik bıýroǵa bergen. Ulttyq bank kredıti joq, jalpy qaryzy 3 mln teńgeden asatyn, bereshekteri kollektorlyq uıymdarǵa berilgenderdi tizimnen alyp tastady. Sóıtip 630 633 qaryzdar men mıkrokredıtter boıynsha bereshekti óteıtin 506 941 boryshkerdiń tizimi jasalǵan.

«Jarlyq pen Ulttyq bankiniń krıterıılerine sáıkes kelýi tıis azamattardyń tizimde bolmaýynyń basty sebebi – mártebesi týraly derekterdiń ortalyq memlekettik organdardyń aqparattyq júıelerinde bolmaýynda. Atap aıtqanda, AHAJ aqparattyq júıesine neke nemese balalardyń týýy týraly jazbalardyń bolmaýy jıi kezdesedi. Osyǵan baılanysty kredıti bar azamattar otbasy quramynan, ıaǵnı Jarlyqqa sáıkes keletin sanattardan shyǵyp qalady. Bul qatarda asyraýshysynan aıyrylýyna baılanysty tólem alatyn otbasylar; múgedek balalary bar otbasylar; 18 jastan asqan bala jasynan múgedek balalary bar otbasylar; ataýly áleýmettik kómek alýshylar sııaqty basqa sanattaǵylar da bolýy múmkin. Keıbir kóp balaly otbasynyń memlekettik organdarǵa járdemaqy alý úshin júginbeýine jáne eshqandaı aqparattyq júıege enbeýine baılanysty týyndap otyr. Sonymen qatar, Bilim jáne ǵylym mınıstrliginiń aqparattyq júıesinde 4 myńnan astam jetim bala jáne kámeletke tolǵanǵa deıin ata-analarynan aırylǵan 29 jasqa tolmaǵan ata-anasynyń qamqorlyǵynsyz qalǵan balalar boıynsha málimetter joq» delingen baspasóz habarlamasynda.  

Eger tizimde bolmasańyz bank bólimshelerine nemese Halyqqa qyzmet kórsetý ortalyqtaryna sabylýdyń qajeti joq. 111 call-ortalyǵyna habarlasyp ózińizben qosa otbasy músheleri týraly aqparatty beresiz. Budan keıin memlekettik organdar siz týraly aqparatty tekserip, atalǵan alty sanattyń birine kiretinińiz anyqtalsa tizimge qosady. Bizge osylaı túsindirgen 111 call-ortalyǵynyń operatory Janna buǵan uzasa bir aı ýaqyt ketetinin aıtty. Al Ulttyq banktiń shartyna saı kelýińiz – ekinshi másele.

 Maıgúl SULTAN,

«Egemen Qazaqstan»

Sońǵy jańalyqtar

Aqtóbe qalasy karantınge jabyldy

Aımaqtar • Búgin, 20:51

Eksporttyq áleýetti arttyrý kózdelmek

Ekonomıka • Búgin, 20:11

Ulttyq online aıtys ótkizbek

Rýhanııat • Búgin, 20:10

Amandyǵyńdy oılasań, tártipke baǵyn!

Aımaqtar • Búgin, 19:00

MMA: Habıb Nurmagomedovty almastyrady

Kásipqoı boks • Búgin, 16:39

Qaraýsyz bala qaýipke urynady

Qoǵam • Búgin, 16:23

Atyraý: Kásipker usynǵan kómek

Aımaqtar • Búgin, 16:22

MMA: Denıel Korme karerasyn aıaqtaıtynyn aıtty

Kásipqoı boks • Búgin, 16:07

Jańa apparattar ókpeni tazartýda

Aımaqtar • Búgin, 15:57

Uqsas jańalyqtar