Taǵaıyndaý • 09 Qyrkúıek, 2019

«Halyqaralyq baǵdarlamalar ortalyǵynyń» prezıdenti bolyp Aınur Baǵdatqyzy taǵaıyndaldy

37 ret kórsetildi

Bilim jáne ǵylym vıse-mınıstri Rýstem Bıǵarı «Halyqaralyq baǵdarlamalar ortalyǵy» AQ ujymyna jańa basshyny tanystyrdy. Bul týraly bolashak.gov.kz habarlady.

Halyqaralyq baǵdarlamalar ortalyǵynyń jańa prezıdenti bolyp Aınur Baǵdatqyzy Káribozova taǵaıyndaldy.

1978 jyly týǵan. Ál Farabı atyndaǵy Qazaq ulttyq ýnıversıteti men Qazaqstan Respýblıkasy Syrtqy ister mınıstrliginiń Dıplomatııalyq akademııasyn «Halyqaralyq qatynastar» mamandyǵy boıynsha támamdaǵan. «Bolashaq» halyqaralyq baǵdarlamasynyń sheńberinde London ekonomıka mektebiniń «Memlekettik basqarý jáne menedjment» mamandyǵy boıynsha magıstratýrasyn bitirgen. 
 
2000–2019 jyldar aralyǵynda QR Syrtqy ister mınıstrliginiń Konsýldyq qyzmet departamenti, Aqparat jáne taldaý basqarmasy, Qazaqstannyń Ońtústik Koreıa jáne Ulybrıtanııadaǵy elshilikterinde qyzmet etip, «Halyqaralyq baǵdarlamalar ortalyǵy» aksıonerlik qoǵamy Oqytýdy uıymdastyrý jáne monıtorıng departamentiniń dırektory, «KazakhInvest» AQ jáne «Ulttyq aýdarma bıýrosy» qoǵamdyq qorynyń Ulybrıtanııadaǵy ókildikteriniń basshysy laýazymdaryn atqarǵan. Birinshi synypty birinshi hatshy dıplomatııalyq dárejesi bar.
Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar