Qoǵam • 09 Qyrkúıek, 2019

Elordada «Densaýlyq festıvali-2019» aksııasy ótti

136 retkórsetildi

Salaýatty ómir saltyn ustanatyn elordalyqtar «Densaýlyq festıvali - 2019» sharasyna jınaldy. Bul týraly elorda ákimdiginiń resmı saıty habarlady.

Densaýlyq marafonyna shamamen 2000 adam qatysty. Qalalyq qoǵamdyq densaýlyq saqtaý basqarmasy basshysynyń orynbasary Álııa Rústemovanyń aıtýynsha, shara halyq arasynda durys tamaqtaný, densaýlyqqa zııandy ádetterden bas tartý, salaýatty ómir saltyn ustanýdy keńinen nasıhattaý úshin uıymdastyrylyp otyr.

Festıval fıtnes jattyǵýlary men bımen bastaldy. Estrada juldyzdary elorda turǵyndaryna óner kórsetse, al jattyqtyrýshylar skandınavııalyq serýendeý jáne ıogadan sheberlik sabaqtaryn ótkizdi. Belsendi qala turǵyndary top-topqa bólinip, 1500 metr qashyqtyqqa júgirý, qol kúresinen jarysqa túsip, elordanyń «Esil», «Baıqońyr», «Almaty» aýdandary tımbıldıngten eń myqtyny anyqtady. Nátıjesinde «Esil» aýdanynyń komandasy jeńiske jetti.

Sondaı-aq aksııa aıasynda «Medısına aýmaǵy» da halyqqa qyzmet kórsetti. Qalaǵan adam túrli medısınalyq tekserýlerden ótip, dárigerlerdiń keńesin tegin aldy. Jarys sońynda festıvaldiń eń belsendi qatysýshylary men jeńimpazdary dıplom jáne syılyqtarmen marapattaldy. Jańbyr men kúnniń salqyndyǵyna qaramastan, elorda turǵyndary festıvaldiń sońyna deıin qalyp, mundaı sharalardyń halyq úshin qyzyqty ári paıdaly ekenin atap ótti.

halyq

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar