10 Qyrkúıek, 2019

Saqshylar isine de saqtyq kerek

337 retkórsetildi

Ala taıaq jol-patrýldik polısııa qyzmetkeriniń qolyna qaıta tıdi. Al kezinde osy ala taıaqty qanshama aıtys-tartyspen alyp tastaǵan edik. Bu­ǵan basty sebep jol-patrýldik polı­sııa qyzmetiniń sapasyna kóńil tolmaý­shylyqtan bastalǵany belgili.

Polısııa quqyq qorǵaý mindetin atqarady dese de, olardyń túrli keleńsiz qylyqtarynan halyqtyń olarǵa degen senimi birtindep kemı tústi. О́ıtkeni zańnyń saqtalýyna jaýap beretin tártip saqshysynyń ózi ony saqtamaýy jıi kórinis bergendikten olardan kópshiliktiń ádildikti talap etýge degen úmiti de tyıyldy. Osydan keıin azamattarǵa quqyq buzdyń deıtin polısııamen bitpeıtin aıtys-tartys óris aldy. Qazir qarasańyz, kólikti toqtatqan jol-patrýldik polısııasymen daý­laspaıtyn jan joq. Nege? Sebebi joǵaryda aıtqanymyzdaı, jol-patrýldik polısııa qyzmetkeriniń zańdy bes saýsaǵyndaı biletindigine jáne ony durys, ornymen qoldana alatyndyǵyna kúmán keltiriledi. Sondyqtan osyndaı keleńsizdikterdi joıý nemese boldyrmaý maqsatynda qansha jerden sheteldik jańalyqtardy engizgenmen, jol-patrýldik polısııa qyzmetkerleri zańdy múltiksiz saqtaıdy, adal, ádil, shynshyl, aqıqatty ǵana aıtady degen senimdi kópshilikke qaıtarmasa, is bitpeıdi.

Árıne órkenıeti ozyq elderdiń jańalyqtary jaqsy ǵoı. Biraq olardy bas-kóz demeı elge alyp kelip, shash al dese, bas alatyn úrdiste júrgizbeý kerek. О́rkenıeti damyǵan ozyq elderde polısııanyń aıtqany bolady. О́ıtkeni jurt olardyń aldamaıtyndyǵyna senedi jáne polısııa qyzmetkeriniń óz isin, zańdy jaqsy biletindigine kúmán keltirmeıdi. Jemqorlyqqa salynady dep oılamaıdy. Sondyqtan polısııa qyzmetkeri bir nárse dámetip tur degen oı kelmeıdi. Ol tek óz mindetin, jumysyn atqaryp tur. Bizde polısııa durys istedi, ádildikke saı durys akt toltyrdy degendi estimeısiz. Soǵan baılanysty únemi polısııa isine saı daý týyndaıdy. Bul polısııa qyzmetkeriniń zańdy naqty biletindigine jáne adaldyǵyna múlde senim qalmaǵandyǵy ma deısiz. Qazir quqyqtyq jaǵynan saýatty jandar az emes. Al polısııa qyzmetkerleriniń bári birdeı quqyqtyq saýatty dep nyq senimmen aıta almaımyz. Sondyqtan IIM organdaryna túbegeıli reformanyń qajettigi aıtpasa da túsinikti.

Sebebi qolynda bıligi bar adamnyń keıde ádildikti belden basyp jiberetini jasyryn emes. О́z óktemdigin júrgizý úshin zańnyń ózin ıdirip, óz múddesine saı retteıtinder de kezdesedi. Al bul óktemdiktiń astynda talaı adamnyń shyndyǵy janshylady. Ala taıaq ta óktemdik etýdiń bir quraly retinde kórinis bermese deısiz. Ekinshi jaǵynan ala taıaqsyz bizdegi jol-patrýldik polısııanyń isi júrmeıtin boldy. Bárinen buryn, kezinde osy ala taıaqtyń jol qıylysynda kólik aǵynyn retteý úshin jol polısııasy qyzmetkerine asa qajet ekenin júrgizýshilerdiń ózderi aıtqanda, polısııanyń ózi boı bermeı qoıyp edi. Biz sheteldegideı qolmen-aq bárin retteımiz degen. Júrgizýshiler keshki ymyrtta, túngi kezde kóshe qıylysynda turǵan kólik júrisin retteýshi jol polısııa qyzmetkeriniń qoly qaı baǵytty kórsetip turǵany anyq baıqalmaı qalatynyn aıtyp, ala taıaqty osy retteý barysyna ǵana qaıtarýdy da ótingen. Biraq olar biz bárin sheteldegideı isteımiz, sondyqtan ala taıaq endi qaıtpaıdy dep kesken. Degenderi bolmady. Al munyń bári polısııanyń halyq pikirimen sanaspaıtyndyǵyn bildirtse kerek.

Endi mine, IIM ózi ala taıaqtar (jezl) tek jol qozǵalysyn retteý úshin, ásirese táýliktiń qarańǵy ýaqytynda jáne nashar kóriný jaǵdaıynda kerek eken deıdi. Sondyqtan jol-kólik oqıǵalary jáne joldarda keptelis paıda bolǵanda, baǵdarsham istemeı qalǵanda, kólik quraldarynan quralǵan kolonnalardy alyp júrgende, terrorızmge qarsy jedel sharany jáne kúzettik is-sharany ótkizýde, tabıǵı jáne tehnogendik sıpattaǵy tótenshe jaǵdaılar men olardyń saldaryn boldyrmaý jáne joıý kezinde kólik quraldaryn baǵyttaý maqsatynda qoldanylmaq. «Ala taıaqty paıdalaný retteýshi beretin belgilerdi jol qozǵalysyna qatysýshylardyń qabyldaýyn jaqsartady jáne polıseılerdiń qaýipsizdigin arttyrady» deıdi. Sóıtip búginde jol júrisin retteý sary tústi keýdesheler men arnaýly jaryq shaǵylystyrǵyshty qolǵaptar kıip, ala taıaq ustap, ysqyryqpen belgi beretin saqshylar isin jańalyq pen jaqsylyqtyń biri dep qabyldaýymyzǵa týra keledi.

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar