Aımaqtar • 10 Qyrkúıek, 2019

Prezıdent Joldaýyn jambyldyqtar da qoldaıdy

33 retkórsetildi

Jambyl oblysy ákimdigi ǵımaratynyń májilis zalynda Qazaqstan Respýblıkasynyń Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna arnaǵan Joldaýyn túsindirý boıynsha aktıv jıyny ótti. Aktıv jınalysyna oblys ákiminiń orynbasarlary, aýdan ákimderi, máslıhat depýtattary, oblys ákimdiginiń basqarma, aýmaqtyq departamentter, quqyq qorǵaý organdary, joǵary oqý oryndarynyń basshylary, saıası partııalar, etnomádenı ortalyqtar, úkimettik emes uıymdar, jastar birlestikteri, buqaralyq aqparat quraldary ókilderi men oblystyq aqparattyq top músheleri qatysty.

Jambyl oblysynyń ákimi Asqar Myrzahmetov Joldaýda qamtylǵan mańyzdy baǵyttardy atap ótti. Ákim mańyzdy qujatta áleýmettik saladaǵy otbasy ınstıtýtyn qoldaý men ınklıýzıvti qoǵam qurý, bilim berý, medısınalyq qyzmettiń qoljetimdiligi men sapaly bolýyn qamtamasyz etý, mádenıet qyzmetkerlerin qoldaý, áleýmettik qoldaý júıesiniń damýy, otandyq zeınetaqy júıesin damytý syndy ózekti máselelerdi sheshý kózdelgenin jetkizdi. Sonymen qatar osy maqsattaǵy tapsyrmalardyń júzege asyrylýyn oryndaýda jaýapkershilikti kúsheıtý jáne naqty sharalar qabyldaý qajettigin túsindirdi.

Joldaýdy óńirde iske asyrý boıynsha oblys ákiminiń orynbasary Sulýshash Qurmanbekova baıandama jasady. Ol Prezıdent Joldaýynda aıtylǵan zaman talabyna saı tıimdi memleket, azamattardyń quqyqtary men qaýipsizdigin qamtamasyz etý, qarqyndy damyǵan jáne ınklıýzıvti ekonomıka, áleýmettik jańǵyrýdyń jańa kezeńi jáne qýatty óńirler – qýatty el baǵyttary jóninde áńgimeledi.

«Ekonomıkalyq órleý jáne áleýmettik salanyń barlyq baǵyttary boıynsha saıa­sı reformalar kezeń-kezeńimen, tabandy túrde jáne jan-jaqty oılastyryp, «Halyq únine qulaq asatyn memleket» tujyrymdamasyn júzege asyrý mindeti tur. Bılik pen qoǵam arasynda turaqty dıalog ornatý aldaǵy ýaqytta atqaratyn jumystyń basym baǵytyna aınalýy tıis. Sondyqtan azamattyq qoǵamǵa qoldaý kórsetip, onyń áleýetin nyǵaıta túsý asa mańyzdy. Elimizde belgili qoǵam ókilderin qamtyǵan Ulttyq qoǵamdyq senim keńesi quryldy. Aldaǵy ýaqytta, óńirdegi Qoǵamdyq keńester de ózekti problemalardyń tıimdi sheshimderin tabý baǵytynda jumystar júrgizetin bolady. Elbasy tóraǵalyq etetin Nur Otan partııasy búginde halyqtyń shynaıy senim údesinen shyqqan halyq partııasyna aınaldy. О́ńir turǵyndarynyń máselelerin sheshýde oblystaǵy basqa da bes partııanyń fılıaldary da belsendilik tanytýlary kerek», dedi Sulýshash Qurmanbekova.

«Memleket basshysy «Ata Zańymyzǵa sáıkes azamattardyń óz oıyn erkin aıtýǵa quqyǵy bar» ekendigin basa aıt­ty. Sondyqtan Taraz qalasy men aýdan ákimderimen birlese otyryp, qol­danystaǵy zańnama aıasynda beıbit aksııalar jáne narazylyq sharalaryn uıymdastyrý tártibi men ótkizý oryndaryn qaıta qaraıtyn bolamyz. «El birligi – onyń áralýandyǵynda!» prınsıpi oblysta turatyn 87 etnostyq toptyń ókilderi úshin basty ustanymǵa aınalýy tıis. Qazaq halqynyń memleket quraýshy ult retindegi rólin bekemdep, etnosaralyq tatýlyq pen dinaralyq túsinistikti qalyptastyrý – mańyzdy mindet. Oblystyq Qazaqstan halqy Assambleıasynyń hatshylyǵy, Taraz qalasy men aýdan ákimderi ultaralyq tatýlyqty nyǵaıtýda júıeli jumystar júrgizetin bolady. Jaqyn arada qabyl­­danatyn «Azamattyq qoǵamdy da­mytýdyń 2025 jylǵa deıingi tujyrym­damasynda» úkimettik emes uıymdardyń jaýapkershilikteri artyp, jańa mindetter júktelmek. Sonymen birge aldaǵy jyly ál-Farabıdiń 1150 jyldyq, Abaı Qunanbaıulynyń 175 jyldyq mereıtoılaryn atap ótý boıynsha oblys deńgeıinde tárbıelik máni bar is-sharalar uıymdastyrylatyn bolady. El ómirindegi mańyzdy mereke – táýelsizdigimizdiń 30 jyldyǵyna baılanysty ótkiziletin sharalar táýelsiz memleketimizdiń jetistikteri men qundylyqtaryn jastarymyzdyń tereń bilip, sezinýlerine baǵyttalmaq», dedi ol. Sonymen qatar Sulýshash Qurmanbekova sybaılas jemqorlyqqa qarsy kúresý negizgi mindetterimizdiń biri ekenin aıta kelip, aǵymdaǵy jyly «Jambyl – adaldyq alańy» jobasy aıasynda turǵyndar tarapynan 140 shaǵym túsip, onyń 52-si boıynsha másele sheshilgenin, qalǵan 88 másele baqylaýǵa alynǵanyn jetkizdi. Memlekettik qyzmet kórsetýdiń barynsha ashyq bolýyn qamtamasyz etý, turǵyndarǵa qolaıly jaǵdaı jasaý maqsatynda 6 servıstik ákimdikter men front-ofıster ashylǵany, 7 mekemeniń basshysy «oýpen speıs» formatynda jumys isteýge kirisse, 133 memlekettik organ basshysy kabınetterin birinshi qabatqa kóshirgenin aıtty.

«Memleket basshysy ındýstrııalyq-ınnovasııalyq damý baǵdarlamasy aıasynda ónimdiligi joǵary orta bızneske qoldaý kórsetýdiń keshendi sharalaryn ázirleýdi tapsyrdy. Bul baǵyttaǵy eń tıimdi sharalardyń biri – ındýstrııalyq aımaqtar qurý. Shý aýdanynda «Taraz hımııalyq parki» arnaıy ekonomıkalyq aımaǵynyń ınfraqurylym qurylysy aıaqtalýda. Kásipkerlik jáne ındýstrııalyq-ınno­vasııalyq damytý basqarmasy «Taraz hımııalyq parki» basqarýshy kompanııa­symen birlesip, jobalardy ýaqtyly iske asyrý úshin zańnamaǵa sáıkes bar­lyq memlekettik qoldaý sharalaryn kór­setetin bolady. Taraz qalasynyń aýma­ǵynda respýblıkalyq mańyzy bar ındýstrııalyq aımaq qurý jumystaryn aıaqtaý mindeti tur. Búgingi kúnge tir­kelgen 84 myńnan asa shaǵyn jáne orta kásipkerlik sýbektisiniń ishindegi jumys jasaıtyndarynyń úlesi 80,3 paıyzǵa jetti. Ol ótken jyldyń osy kezeńimen salystyrǵanda 11,4 paıyzǵa artyp otyr. «Bıznestiń jol kartasy – 2020» baǵdarlamasy aıasynda aǵymdaǵy jyldyń 8 aıynda 4,5 mıllıard teńgege 290 jańa joba iske asyrylýda», dedi S.Qurmanbekova óz sózinde.

Sondaı-aq Jambyl oblystyq kásip­kerler palatasynyń dırektory Oljas Qarjaýov, M.H.Dýlatı atyndaǵy Taraz memlekettik ýnıversıtetiniń rektory, professor Mahmetǵalı Sary­bekov, Qazaqstan Respýblıkasynyń Mem­lekettik qyzmet isteri agenttigi Jam­byl oblysy boıynsha departamenti basshysynyń mindetin atqarýshy Nurlan Erkebaev, «Jastar zertteý» jastar qoǵamdyq bir­les­tiginiń tóraıymy Parıda Mamedova jáne ózge de azamattar óz salalary bo­ıyn­sha Joldaýdyń baǵyttaryna sáıkes tapsyrmalardyń júzege asyrylýy týraly qabyldanatyn sharalar men atqarylatyn jumys josparlarymen tanystyrdy.

Jıyn sońynda Asqar Myrzahmetov Prezıdent Joldaýyn túsindirý boıynsha quramynda 102 múshesi bar 11 oblystyq aqparattyq top quramy jasaqtalǵanyn aıtty. Bekitilgen kestege sáıkes top músheleri jyl sońyna deıin oblystyń 50-den astam eldi mekenine shyǵyp, mekemelerde, eńbek ujymdarynda, oqý oryndarynda, kásiporyndar men mádenıet úılerinde túsindirý jumystaryn júr­gizedi. Sonymen qatar Joldaýda aıtylǵan mindetterdi oryndaý boıynsha oblystyq is-sharalar jospary ázirlenip, qajetti sharalar qabyldanady.

Jambyl oblysy

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar