Qazaqstan • 10 Qyrkúıek, 2019

Mońǵolııadan taǵy da kósh keldi!

1127 retkórsetildi

– Meniń otbasym 82-degi qart ájemmen, 6 balamen elge oral­dyq. Úlken balam mektep bitirip keldi. Aǵylshyn tilin jaqsy meńgergen. Kishkentaı balam endi 3-synypqa barady, – deıdi Kenjehan Tóleý. Kenjehan Tóleýmen birge, Kámelhan Amandyq, Dálelhan Qýanysh, Hasym Janargúl, Qýanbaı Amanbol, Juparhan Amanbek sııaqty otbasylarynyń árqaısysy 5-6-dan ul-qyzdaryn jetelep elge jetti. Bizdi aýyl mektepteriniń balaǵa tolatyny qýantady.

– Bul kósh Dúnıejúzi qa­zaq­­tarynyń qaýymdastyǵy jáne «Otandastar» qory kom­mer­sııalyq emes AQ-tyń is-sha­ra josparlaryn júzege asyrý maqsatynda Mońǵolııanyń Qob­­da, Baıan-О́lgıı aımaqta­ry­nan atamekenderine kelip jet­­ti. Áleýmettik, tur­mys­tyq jaǵ­­daılaryna baılanysty óz­diginen kóship kele almaıtyn kóp balaly otbasylar qaýym­das­tyqqa elge kóshirip alý týraly ótinish bildirgen edi. Bar oılary – alǵashqy lekpen kóship ketken atamekendegi týystaryna qosylý, urpaqtaryn ata-baba jerinde ósirip jetkizý, – deıdi jer­gilikti fılıal basshysy Bolat Zaýyt.

Dúnıejúzi qazaqtarynyń V quryltaıyndaǵy Elbasy tapsyrmasyna sáıkes «Sheteldegi etnostyq qazaqtardy qoldaýdyń 2018-2022 jyldarǵa arnalǵan is-sharalar jospary» bekitilip, elimizde «Otandastar» qory KEAQ qurylǵany belgili.

О́ńirimizge aǵaıyndar «Otan­das­tar» qory KEAQ demeý­shi­le­ri­niń tikeleı qarjysy arqyly Bolat Zaýyt basqaratyn oblys­tyq fılıaldyń uıymdastyrýy­men kóship keldi.

Mońǵolııadaǵy aǵaıyndardyń elge kóship kele almaýlarynyń ta­ǵy bir sebebi, otbasy múshelerin jáne otbasynyń turmysqa qa­jetti qoldanystaǵy dúnıe-múlik, jeke úı júkterin Altaı ólkesi Tashanta keden beketi arqyly sheka­radan alyp ótýde kedergiler kezdesip, tosqaýyl qoıylyp kel­gen-di.

– Endi mundaı keleńsiz jaǵ­daılardy boldyrmaý úshin «Otandastar» qory KEAQ basshylary, Ombydaǵy elimizdiń Kon­sýldyǵy qyzmetkerleriniń qol­daýymen aǵaıyndardy júk­teri­men birge aman-esen elge jetkizdik, – deıdi Bolat Zaýyt.

Bolat Zaýyttyń aıtýynsha, 80 adamy bar 13 otbasyn óńirge kóshirip ákelgen. Kóship kelgen ár otbasy turmysqa qajetti qol­­­da­nystaǵy dúnıe múlik, 800 kılo je­ke úı júkterimen jolǵa shyq­qan.

Kóshtiń qatarynda jasóspirim oqý jasyndaǵy 46 bala, 4 stýdent, 29 eńbek jasyndaǵy muǵalim, mehanızator, veterınar, dáriger, basqa da mamandyq ıeleri bar.

Al Qobda jáne Baıan-О́lgıı aı­maǵynan qonys aýdarǵan aǵa­ıyndy oblys ákimdigi, ju­mys­­­pen qamtýdy úılestirý jáne áleý­mettik baǵdarlamalar bas­qar­ma­synyń basshylyǵy qar­sy aldy. Elge oralǵan qandasta­rymyzdyń qurmetine arnap das­tarqan ja­ıyldy.

Buǵan deıin de óńirimizge «Nur­ly kósh» baǵdarlamasy aıa­synda oblys ákimdigi men «Otandastar» qorynyń jumys ba­ry­synda 330 adam kóship kel­gen-di. Kósh jal­ǵasýda. Bos jat­qan aýyldarǵa kósh kelse, orta tola­dy.

Endi kóship kelgen otbasy­lar oblys ortalyǵyndaǵy «Oral­mandardy ýaqytsha beıim­deý ortalyǵynda» bir apta demalady. Osy jerde quqyqtyq keńester alyp, qujattaryn re­simdep, dári­gerlik tekserýden ótedi.

Qaýymdastyqtyń fılıalyna aldyn ala usynystaryn bildirgen óńirdegi aýyldarǵa ba­ryp sharýa kojalyqtarynyń jumysymen tanysady.

– Aǵaıyndarymyz baryp, or­­nyǵyp turǵylary kelse Eki­bastuzǵa qaraıtyn Álkeı Mar­ǵulan atyndaǵy aýylǵa 48 adamy bar 9 otbasy, Pavlodar aýdanyna 2 otbasy, Aqsý qalasynyń Dos­tyq, Aqjol aýyldaryna 2 ot­basy, qalǵandary Tereńkól, Maı aýdandaryna qonystanatyn bolady, deıdi Bolat Zaýyt.

Sóıtip, elge kóship kelgen ot­ba­sylary túgeldeı bıylǵy oral­­mandardyń óńirlik kvo­ta­syna kirip, memleket tara­py­nan ár adamǵa 88375 teńge, bir jyl boıy úı jaldap turatyn qara­jat beriledi, balalary oqý­men tolyq qamtamasyz etilip, eń­bek ja­syndaǵylar jumysqa ornalasady.

Oblystyq jumyspen qam­týdy úılestirý jáne áleý­met­tik baǵdarlamalar basqarma­sy­­nyń basshysy Qaırat Nur­maǵambetovtiń aıtýynsha, barlyq beıimdeý jumystary bitken soń, Tereńkól, Maı aýdandary, Ekibastuz, Aqsý aýyldyq aýma­ǵynyń jergilikti ákimdik ókil­deri kelip, qandastardy aýyldaryna alyp ketedi.

– Aǵaıyndarǵa aýyldarda úı beriledi. Úıdi jaldap turýyna biz 1 jyl boıy jaldaý qunyn tó­­leımiz. Eger ol úıdi satyp ala­­­myz dese, alǵashqy jarnasy re­tin­de sol 1 jyldyq jaldaý qu­­­nyn beremiz, – deıdi basqarma bas­shysy.

Elge el qosylsa – qut.

Jyl sońyna deıin óńirimizge Qytaı, Mońǵolııa, Qa­ra­qal­paq­stan, Reseıden taǵy 300 adam­ keledi dep jospar­lan­ǵan. Mem­leket tarapynan kó­ship kelgen­derdiń jol shyǵyny óte­ledi. Bul jolǵy qonys aýdar­ǵan­dardyń árqaısyna 88500 teń­geden qarjy bólingen.

– Ol jaqta esh jamandyq kór­medik. Biraq óz elimizdiń ortasynda bolaıyq, bala-shaǵa atamekende óssin dep keldik, – deıdi Ken­jehan Tóleý.

Pavlodar oblysy

Sońǵy jańalyqtar

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar