Qazaqstan • 10 Qyrkúıek, 2019

Jańǵyrýdyń jańa kezeńine jol ashady

30 ret kórsetildi

Joldaý mádenıet, rýhanııat salasy ókilderine erekshe jiger berip otyr. Qaı­sy eldiń, qaısy halyqtyń bolmasyn tarıhy men tamyryn tanytatyn bas­ty qundylyǵy – tili, mádenıeti, ádebıeti, rýhanı qazynasy ekendigi daýsyz.

Osy oraıda Joldaýdaǵy «Qazaq tiliniń memlekettik til retindegi róli kúsheıip, ultaralyq qatynas tiline aınalatyn kezeńi keledi dep esepteımin. Biraq mundaı dárejege jetý úshin bárimiz dańǵaza jasamaı, jumyla jumys júrgizýimiz kerek. Sondaı-aq til úlken saıasattyń quraly ekenin de umytpaǵan jón» degen joldardyń astarynda úlken áleýmettik mán jatyr. Ana tilimizdiń memlekettik mártebesin kótere túsý árbirimizdiń azamattyq paryzymyz.

Prezıdent mádenıet qyz­met­ker­le­riniń, sonyń ishinde kitaphana, mýzeı, teatr qyzmetkerleriniń eńbek­aqy­synyń sońǵy jyldary múlde kóbeı­megendigin, sonyń saldarynan jas mamandar jeńildigi bar turǵyn úı baǵdarlamalaryna qatysa almaı kele jatqandyǵyn ashyq aıtty. Sonyń saldarynan mádenıet laıyqty kadrlardyń tapshylyǵy aıqyn sezilip otyrǵandyǵyna basa mán bere kele, «Kelesi jyldan bastap Úkimet mádenıet qyzmetkerleriniń eńbekaqysyn kóbeıtýi tıis. Sondaı-aq bilim berý jáne densaýlyq saqtaý salalaryndaǵy mindetti áleýmettik jeńildikter mádenıet salasynyń ókilderine de berilýi kerek» dep máseleniń túıinin tarqatýdyń naqty sheshimin kórsetti.

Kelesi jyly uly ǵulama, danyshpandarymyz ál-Farabıdiń 1150 jyldyq, Abaı Qunanbaıulynyń 175 jyldyq mereıtoılary atalyp ótpek. Osynaý mańyzdy oqıǵalarǵa daıyndyqty bas­taı otyryp, «ysyrapshyldyqqa jol bermeı, ǵulama tulǵalarymyzdyń eńbekterin halyq arasynda dáripteýimiz kerek» ekendigi de oryndy kóterildi.
Prezıdenttiń bul Joldaýy áleý­mettik jańǵyrýdyń jańa kezeńine jol ashyp otyr.

Marhabat BAIǴUT,
jazýshy, halyqaralyq «Alash» syılyǵynyń laýreaty

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar