Joldaýdy ázirleý úshin tereń ekonomıkalyq, áleýmettik taldaý jumystary júrgizilgeni baıqalady. Onyń mazmunynda áleýmettik memleket baǵytyna basa mán berilgeni, memlekettik apparattyń sapasyn arttyrý, ekonomıkadaǵy memlekettiń qatysýyn azaıtý, kásipkerlikti qoldaý sekildi irgeli sharalar, qoǵam men memleket arasyndaǵy dıalogtyń damýy ekonomıkalyq damýdy jańa baǵytqa bastaıdy.
Jahandyq ekonomıkalyq, saıası ahýaldardyń qubylmaly kezeńinde memleketter arasyndaǵy saıası, saýda-ekonomıkalyq teketirester beleń alǵan tusta, álemdik ekonomıkanyń qarqyny baıaýlaǵan, Eýropadaǵy jańa ekonomıkalyq resessııa boljanǵan ýaqytta ekonomıkalyq turaqtylyq pen ósim, ınvestısııalar aǵynynyń qarqyndylyǵy Qazaqstan úshin erekshe mańyzǵa ıe. Osy rette Joldaýda aıtylǵan Ulttyq qor qarajatyn strategııalyq mańyzdy maqsatqa saı jumsaý, shamadan tys kóp kvazımemlekettik sektor úlesin azaıtý, azamattardyń kásipkerlik bastamalaryn yntalandyrý saıyp kelgende eldiń makroekonomıkalyq turaqtylyqty, saıası jáne sot reformalarynyń ekonomıka men azamattardyń kóńil kúıi men ál-aýqatyna oń áser etýin kózdeıdi.
Qoryta aıtqanda, Memleket basshysynyń Qazaqstan halqyna Joldaýy qoǵamnyń qajettiligin qanaǵattandyra otyryp, orta merzimdegi el damýynyń strategııalyq basymdyqtaryn belgilep berdi.
Aıbol ARǴYNǴAZINOV,
«Ekonomıkalyq zertteýler ınstıtýty» AQ Taldaý jáne álemdik ekonomıka ortalyǵynyń dırektory
