Elektr qýatymen júretin kólik jasaý ıdeıasy 4-5 jyldan beri otyzdaǵy jigittiń oıynda júrgen. Eski kólikti jóndeý, oǵan ketetin shyǵyn ábden sharshatqan soń oıyndaǵyny iske asyrýdy uıǵarǵan. Erlannyń aıtýynsha, bul naǵyz qalalyq mashına. Onyń bir sebebi 48 volttyq qýat kózimen jyldamdyqty 75 km/saǵattan asyra almaısyz. Bir qýattap alǵan akkýmýlıator kómegimen kólik 120 shaqyrymǵa deıin toqtaýsyz júre alady. Kóliktiń taǵy bir ereksheligi – esiginiń ashylýynan bastap, qozǵalysyna deıin «Bluetooth» baılanys arqyly telefonmen basqarylady, kólik ishinde qol kúshin qajet etetin eshqandaı batyrmalar joq.
«Sonymen qatar basqa kólikterdegideı qozǵaltqyshty mindetti túrde tómengi aınalymnan bastamaı, birden 5-shi jyldamdyqtan bastap júrýge de bolady. Bul oǵan eshqandaı kúsh túsirmeıdi. Motor maıynyń shyǵyny da óte az bolady. Júrgende múlde dybysy bilinbeıdi», deıdi Erlan Daırabaıuly.
Arnaıy tehnıkalyq bilimi joq, mamandyǵy mýzykant, aranjırovkamen jáne beınetúsirýmen aınalysatyn Erlan
«Folksvagen» kóligin qaıta jabdyqtaýǵa bir jyl ýaqytyn jumsapty. Árıne negizgi jumysynan bos ýaqytynda aınalysqan. Kóshede kórseńiz ol kólikten eshqandaı erekshelik baıqamaısyz. Tek salonyndaǵy úlken monıtor ǵana ózgeshe kórinedi. Onyń tokpen júretinin ishinde otyrǵan adam baǵdarshamǵa toqtaǵan kezinde ǵana ańǵarýy múmkin. О́ıtkeni ondaı sátte ózge kólikterde diril men «yryl» baıqalsa, bul kólik múlde óship turǵandaı únsiz kúıde bolady. Erlannyń aıtýynsha, kóliktiń tok mólsheri 48 voltty ǵana quraıtyndyqtan, adam ómirine eshqandaı qaýpi joq. Osyndaı únemdi de qalaǵa qolaıly kólik jasaǵan jigittiń jańashyl ıdeıalary kóp eken. Aldaǵy ýaqytta óz kásibine jaqyndaý, beıneoperatorlardyń jumysyn jeńildetetin robottyq júıe jasap shyǵarmaq.
ShYMKENT
