Úkimet • 10 Qyrkúıek, 2019

Úkimettiń jobalyq keńsesi Prezıdent Joldaýyn iske asyrý barysyn úılestirý men monıtorıngin qamtamasyz etedi

44 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda Memleket basshysynyń bıylǵy 2 qyrkúıektegi «Cyndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýyn iske asyrý jónindegi Jalpyulttyq is-sharalar josparynyń jobasy tanystyryldy. Qujatpen Premer-Mınıstrdiń Birinshi orynbasary – qarjy mınıstri Álıhan Smaıylov tanystyrdy. Bul týraly Premer-Mınıstrdiń baspasóz qyzmeti habarlady.

Joba 5 baǵyt boıynsha 81 is-sharadan turady. 

Á. Smaıylovtyń aıtýynsha, «Zaman talabyna saı tıimdi memleket» I baǵyty boıynsha Jańǵyrtý jónindegi ulttyq komıssııa jumysynyń jospary boıynsha usynystardy qalyptastyrýǵa baǵyttalǵan 11 is-sharany iske asyrý, azamattar men uıymdardyń ótinishterimen jumys sapasyn kúsheıtý, memlekettik qyzmetshiler men ulttyq kompanııalar qyzmetkerleriniń sanyn kezeń-kezeńimen 25%-ǵa qysqartý, qatysýshylar úshin qoljetimdilikti eskere otyryp, belgili bir jerlerde beıbit mıtıngiler ótkizýge ruqsat berý kózdelgen.

«Ál-Farabıdiń 1150 jyldyǵyn, Abaı Qunanbaıulynyń 175 jyldyǵyn jáne Qazaqstan táýelsizdiginiń 30 jyldyǵyn ótkizý jónindegi respýblıkalyq josparlar, sondaı-aq, Altyn Ordanyń 750 jyldyǵyna arnalǵan is-sharalar ázirlenetin bolady», dedi Premer-Mınıstrdiń Birinshi orynbasary. 

«Azamattardyń quqyqtary men qaýipsizdigin qamtamasyz etý» II baǵyty boıynsha sot sheshimderiniń monıtorıngi men sýdıalardy baǵalaýdy engizý, «Sot praktıkasynyń sandyq analıtıkasy» júıesin synaqtan ótkizý, ozyq halyqaralyq tájirıbe negizinde Ákimshilik polısııa komıtetiniń jumysyn qaıta uıymdastyrý boıynsha 15 is-shara iske asyrylatyn bolady. 

Á. Smaılovtyń aıtýynsha, jeke adamǵa qarsy birqatar aýyr qylmystardy, brakonerlikti qatańdatý, ákimshilik ádilet, sybaılas jemqorlyqqa qarsy sharalar engizý, azamattardyń quqyqtaryn qorǵaý kepildigin arttyrý boıynsha 6 zań qabyldaý josparlanýda.

«2020 jyldyń sońyna deıin Qarýly Kúshter men áskerı quralymdardy damytý tujyrymdamasy jańa redaksııasynda qabyldanady», dedi Birinshi vıse-premer.

«Qarqyndy damyǵan jáne ınklıýzıvti ekonomıka» III baǵyty boıynsha ekonomıkany ártaraptandyrý, bıznes pen bank sektoryn damytý, salyq jáne bıýdjet zańnamasy boıynsha 27 is-shara iske asyrylatyn bolady.

Mıkro jáne shaǵyn bıznes úshin «Bıznestiń jol kartasy-2025» sheńberinde jańa jáne áleýmettik jobalardy memlekettik qoldaý sharalary iske asyrylatyn bolady.

«Mıkro jáne shaǵyn bıznes tabys salyǵynan jáne úsh jylǵa tekserýden bosatylady. Budan basqa, ulttyq kompanııalar qyzmetiniń tıimdiligine, olardy qysqartý boıynsha usynystar engize otyryp, taldaý júrgiziletin bolady», dedi Á. Smaıylov. 

«Áleýmettik jańǵyrtýdyń jańa kezeńi» IV baǵyty boıynsha 18 is-shara qarastyrylǵan.  

Birinshi vıse-mınıstr atap ótkendeı, «Dıplommen aýylǵa» baǵdarlamasy boıynsha turǵyn úıge kredıt berý keńeıtiledi, joǵary oqý oryndarynyń sanyna taldaý júrgiziledi, pedagogtardyń, mádenıet jáne óner uıymdary qyzmetkerleriniń eńbekaqysy ulǵaıtylady.

«Ataýly áleýmettik kómekti jetildirý, tabysy az otbasylardan shyqqan balalarǵa kepildik berilgen áleýmettik paketti engizý jóninde sharalar qabyldanatyn bolady», — dedi ol.

«Qýatty óńirler – qýatty el» V baǵyty boıynsha 10 is-sharany iske asyrý josparlanǵan.

Jergilikti atqarýshy organdardy baǵalaý júıesi qaıta qaralatyn bolady, úsh iri qala ákimdikteriniń quzyreti keńeıtiledi, turǵyn úı baǵdarlamalary operatorlarynyń sany qysqartylady, Parlament janynan zańnamany zertteý ınstıtýty qurylady. 

Á. Smaıylov sendirgendeı, «Saryarqa» magıstraldyq gaz qubyryna qosý úshin gaz taratý jelileri kezeń-kezeńmen paıdalanýǵa beriletin bolady.

«Jalpyulttyq jospardy júzege asyrý Memleket basshysynyń Qazaqstan halqyna joldaýynda qoıylǵan barlyq mindetterdi jáne saılaýaldy tuǵyrnamasyn sheshýdi qamtamasyz etedi, dedi  Á. Smaıylov. — JUJ-dyń is-sharalaryn iske asyrý jónindegi jumystardy úılestirý jáne monıtorıng júrgizý Úkimettiń jobalaý keńsesine júkteledi».

 
Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar