Aımaqtar • 10 Qyrkúıek, 2019

Elordadaǵy jańa Astana IT ýnıversıtetinde 6 baǵyt boıynsha 613 stýdent bilim alady

68 ret kórsetildi

Elordada EXPO aýmaǵynda ornalasqan jańa Astana IT University tanystyryldy. Mekemeniń mindeti - «Sıfrlyq Qazaqstan» memlekettik baǵdarlamasyn tabysty iske asyrý aıasynda bilikti kadrlar daıyndaý. Stýdentter krıptografııany, robototehnıkany, Big Data, jasandy ıntellekt, sandyq krımınalıstıkany, baǵdarlamalaýdy úırenedi. Bıylǵy oqý jylynda ýnıversıtet qabyrǵasynda 6 baǵyt boıynsha 613 stýdent bilim alady. Jalpy 579 grant bólindi.

Stýdentter aldynda sóılegen vıse-premer Elbasy táýelsizdiktiń alǵashqy kúnderinen bastap qazaqstandyqtardyń bilimdi ult bolýy mindetin qoıǵanyn atap ótti.

«Sizderge álemdik standarttarǵa saı jańa IT ýnıversıtetiniń alǵashqy stýdentteri bolý buıyrdy. О́mirde barlyǵy tek ózińizge baılanysty. Árbir azamat óz eline laıyqty turǵyn bolý úshin ýaqyt talaptarynan qalmaı, Otanymyzdyń damýyna úles qosýy kerek», - dedi B. Saparbaev.

Ýnıversıtet qurylysy 10 aıǵa sozyldy. Oqý orny ashyq keńselerge uqsaıdy. Oqý ornynda barlyǵy 680 bólme, onyń ishinde 140 aýdıtorııa bar. Sondaı-aq trenajer jáne sport zaldary, kovorkıng-aımaq, taqyryptyq kabınetter men kitaphana bar. Tórt jyldyq baǵdarlamany stýdentter 3 jyl ishinde ótedi. Ýnıversıtet aqparattyq tehnologııalardy oqytýda flagman bolýy tıis. Qala ákimi A. Kólginov mundaı ýnıversıtet elordada alǵash ret ashylǵanyn atap ótti.

«IT salasynyń qyr-syrymen tanysyp,jiti bilim alý úshin elimizdiń kóptegen óńirlerinen balalar keldi. Sıfrlandyrý men jahandandyrý ǵasyrynda biz tek bilimniń arqasynda ǵana alǵa jyljı alamyz. Osy baǵytty alǵa jyljytý úshin elordada kıbersport boıynsha chempıonat uıymdastyrýdy josparlap otyrmyz. «Astana Innovations», «Astana» ÁKK, «iKomek» keńseleri bolatyn saıabaqty ashýdy josparlap otyrmyz - siz tájirıbe ala alasyz, jumysqa ornalasa alasyz. Ýnıversıtet logıstıkasy óte yńǵaıly. Qasynda óz parki, áýejaı, Mega SOO bar. Eń bastysy-oqý», - dedi A. Kólginov.

Astana IT University quryltaıshysy «Nursultan Nazarbaevtyń Bilim Qory» QQ bolyp tabylady. Qor dırektory Dınara Qulybaevanyń aıtýynsha, qurylǵan ýnıversıtet-tıimdi memlekettik-jeke menshik áriptestiktiń jarqyn úlgisi.

«Aqparattyq tehnologııalar tek derekterdi jasaý jáne óńdeý ǵana emes. Bul kóptegen ózara baılanysqan ǵylymı jáne tehnıkalyq salalar. Dál osy jerde IT salasyndaǵy ártúrli startap jobalar júzege asyrylatyn bolady dep senemin», - dedi D. Qulybaeva.

Kelesi jyly Oqýshylar sany 2 myńnan sál artyq bolady dep josparlanýda. Onyń 1700 - i-granttyq oryndar bolady.

Sońǵy jańalyqtar

Aqtaýda geologtar alleıasy ashyldy

Aımaqtar • Búgin, 19:25

Oralda Juban Moldaǵalıevke eskertkish ashyldy

Rýhanııat • Búgin, 18:43

Shekten shyqqan ahýal joq

Aımaqtar • Búgin, 15:02

Demalys kúnderi aýa raıy qandaı bolady

Aýa raıy • Búgin, 13:15

Epızootıkalyq jaǵdaı turaqtanýda

Aımaqtar • Búgin, 10:45

Uqsas jańalyqtar