Álem • 10 Qyrkúıek, 2019

Beıbit Atamqulov BAÁ Premer-Mınıstriniń orynbasarymen kezdesti

63 retkórsetildi

Birikken Arab Ámirlikterine sapary aıasynda Qazaqstannyń syrtqy saıası vedomstvosynyń basshysy Beıbit Atamqulov BAÁ Premer-Mınıstriniń orynbasary, Prezıdent isteri mınıstri sheıh Mansýr ben Zaıd Ál Nahaıanmen kezdesý ótkizdi. Bul týraly SIM baspasóz qyzmeti habarlady.

Taraptar Qazaqstan-ámirlik qatynastardyń biregeı áriptestik rýhyn, sondaı-aq ekijaqty ózara is-qımyldyń ózgermeıtin joǵary deńgeıin atap ótti. Eki el arasyndaǵy dıplomatııalyq qatynastar ornaǵan sátten bastap 27 jyl boıy saıası, saýda-ekonomıkalyq, mádenı-gýmanıtarlyq baılanystar qarqyndy damyp keledi.

«Ámirlikter Qazaqstannyń Taıaý Shyǵystaǵy negizgi strategııalyq seriktesi bolyp tabylady. Bizdiń elderimiz arasyndaǵy qarym-qatynas dostyq jáne senimdi sıpatqa ıe. Biz Ámirliktermen ózara tıimdi qarym-qatynastarymyzdy ártaraptandyrýǵa belsendi túrde jumys isteýge daıynbyz», - dep atap ótti B.Atamqulov.

Qazaqstannyń Tuńǵysh Prezıdenti – Elbasy Nursultan Nazarbaevtyń osy jyldyń naýryz aıynda Ábý-Dabıge jasaǵan resmı sapary ekijaqty yntymaqtastyqtyń damýyna qosymsha serpin berdi, onyń sheńberinde QR men BAÁ arasyndaǵy strategııalyq áriptestikti odan ári nyǵaıtýǵa baǵyttalǵan jańa ýaǵdalastyqtarǵa qol jetkizildi.

SIM basshysy suhbattasýshyny Qazaqstandaǵy mańyzdy ishki saıası úderister týraly habardar etti jáne Qazaqstan, burynǵydaı, Ámirliktermen baýyrlas jáne senimdi qarym-qatynastardy keńeıtýge jáne nyǵaıtýǵa umtylatyn bolady dep sendirdi. Jańadan saılanǵan Memleket basshysy tájirıbeli saıasatker jáne tanymal dıplomat Qasym-Jomart Toqaev Qazaqstan-BAÁ qatynastardyń sabaqtastyǵy men joǵary serpinin saqtaıtyny jetkizildi.

Taraptar sondaı-aq aldaǵy joǵary deńgeıdegi kezdesýler men saparlardyń kestesin talqylady. 

«Qazaqstan men BAÁ arasyndaǵy qarym-qatynas erekshe sıpatqa ıe. Biz aǵymdaǵy yntymaqtastyǵymyzdyń sheńberimen shektelmeı, jańa sapaly deńgeıge kóshýimiz kerek. Muny júzege asyrý úshin bizde barlyq múmkindikter bar», - dedi sheıh Mansýr ben Zaıd Ál Nahaıan.

Ámirlik tarapy Qazaqstanmen ınvestısııalyq yntymaqtastyqty keńeıtýge, sonyń ishinde týrızm salasyndaǵy ınfraqurylym nysandaryn salýǵa múddeli ekendigine sendirdi. Nur-Sultan qalasyndaǵy «Ábý Dabı Plaza» kópfýnksıonaldy kesheni ınvestısııalyq yntymaqtastyqtyń tabysty úlgisi jáne Qazaqstan men Ámirlikter arasyndaǵy baýyrlastyq qarym-qatynastardyń taǵy bir sımvolyna aınalǵany atap ótildi.

Atyraý oblysynda munaı-gaz-hımııa kesheni qurylysynyń ınvestısııalyq jobasy (polıpropılen óndirisi) boıynsha yntymaqtastyq perspektıvaly bolyp tabylady.

Taraptar Qazaqstan men BAÁ týrızm, áýe qatynasy, logıstıka, agroónerkásip sektory jáne jańa tehnologııalar sııaqty salalarda odan ári ósý men yntymaqtastyq úshin keń perspektıvaǵa ıe ekenin atap ótti. Bul baǵyttaǵy mańyzdy jáne jaǵymdy sheshim QR men BAÁ arasynda vızasyz tártip ornatý bolyp tabylady.

Sol kúni SIM basshysy B. Atamqulov óziniń ámirlik áriptesi BAÁ Syrtqy ister jáne halyqaralyq yntymaqtastyq mınıstri sheıh Abdalla ben Zaıd Ál Nahaıanmen kelissózder júrgizdi.

Syrtqy saıası vedomstvolardyń basshylary ekijaqty kún tártibiniń negizgi baǵyttary boıynsha «saǵattaryn» salystyrdy, sondaı-aq asa ózekti halyqaralyq jáne óńirlik máseleler boıynsha pikir almasty. Taraptar ózara qyzyǵýshylyq týdyratyn máseleler boıynsha qandaı da bir kelispeýshilikterdiń joqtyǵyn atap ótti jáne saıası konsýltasııalar ótkizý jolymen vedomstvoaralyq ózara is-qımyldy odan ári jalǵastyrýǵa eki jaqty qyzyǵýshylyq bildirdi.

Kezdesý barysynda saýda-ekonomıkalyq jáne ınvestısııalyq yntymaqtastyqqa asa kóńil bólinip, onyń damýynyń tıimdi quraly bolyp tabylatyn Úkimetaralyq komıssııanyń qyzmetine de nazar aýdaryldy.

Ámirlik tarap elimizdegi ınvestısııalyq ahýaldy jetildirý saıasatymen egjeı-tegjeıli tanysyp, Qazaqstan ekonomıkasyna belsendi ınvestısııa salýǵa shaqyryldy. 2005-2019 jyldar aralyǵyndaǵy kezeńde BAÁ-den Qazaqstanǵa tikeleı ınvestısııalardyń jalpy aǵyny 2,1 mlrd. AQSh dollaryn qurady. Taraptar bul kórsetkish QR men BAÁ arasyndaǵy áleýetke sáıkes kelmeıtinin málimdedi.

Joǵaryda kórsetilgen kezdesýler barysynda Qazaqstan men Ámirlikterdiń ǵarysh salasyndaǵy ózara is-qımyldy damytý úshin jaqsy perspektıvalar bar ekendigi atap ótildi. Taraptar tarıhtaǵy alǵashqy ámirlik ǵaryshker Hazza ál Mansýrıdiń 25 qyrkúıekte «Baıqońyr» ǵarysh aılaǵynan Halyqaralyq ǵarysh stansasyna (HǴS) ushýyn birdeı qoldady.

«Bizdiń elimizdiń ókili ǵaryshqa ushqany biz úshin úlken qurmet. Bul tarıhı oqıǵa. Biz Qazaqstanǵa elimizdiń ǵarysh salasyn damytýǵa qoldaý kórsetkeni jáne yntymaqtastyǵy úshin alǵys bildiremiz», - dep atap ótti BAÁ Syrtqy ister mınıstri.

Bul is-sharaǵa qurmetti qonaq retinde qatysý úshin Qazaqstanǵa BAÁ Joǵary bilim berý memlekettik mınıstri, Ulttyq ǵarysh agenttiginiń tóraǵasy Ahmad Belhýla ál Falası bastaǵan ókiletti delegasııa keledi dep josparlanýda.

Eki jaqty qarym-qatynastarda bilim berý salasyndaǵy yntymaqtastyq mańyzdy oryn alady. 2016 jyldan bastap Qazaqstan astanasynda Halıfa ben Zaıd gýmanıtarlyq qorynyń qarajatyna salynǵan №84 orta mektep-lıseı jumys isteıdi. Osy mekteptiń úsh úzdik túlegin jyl saıynǵy negizde BAÁ joǵarǵy oqý oryndarynda tegin oqytý týraly kelisimge qol jetkizildi.

Jalpy eki eldiń Syrtqy ister mınıstrligi basshylarynyń kelissózderi dostyq, ashyqtyq pen yntymaqtastyqqa daıyndyq rýhynda ótti. Qazaqstannyń Syrtqy ister mınıstri ámirlik tarapqa Úkimetaralyq komıssııanyń 7-shi otyrysyn joǵary deńgeıde uıymdastyrǵany úshin alǵysyn bildirdi.

Banner
Sońǵy jańalyqtar

Atyraýlyq sarbazdar áskerge attandy

Aımaqtar • Búgin, 17:27

Almatyda taǵy da jylý qubyry jaryldy

Qoǵam • Búgin, 16:20

Jambylda aǵash kóshetteri otyrǵyzyldy

Aımaqtar • Búgin, 16:02

Taldyqorǵanda tekstıl shyǵarylady

Aımaqtar • Búgin, 15:42

Eń qysqa áńgime. Qanat Ábilqaıyr

Eń qysqa áńgime • Búgin, 11:33

Eń qysqa áńgime. Arman Álmenbet

Eń qysqa áńgime • Búgin, 11:26

Kúlki kerýeni № 2

Rýhanııat • Búgin, 10:27

Qylqalamnyń ushynda – Qaraǵandy

Rýhanııat • Búgin, 09:48

«Qoıanqasqa» tulpar top jardy

Rýhanııat • Búgin, 09:11

Qazan meshitiniń úlgisin tańdapty

Rýhanııat • Búgin, 09:09

Qazaq dastarqanynan dám tatty

Aımaqtar • Búgin, 09:03

Baqyt Bókebaev: Bekzat óner belesteri

Rýhanııat • Búgin, 08:59

Aqyn qalamyndaǵy akademık beınesi

Rýhanııat • Búgin, 08:56

Baıanǵalı týraly baıan

Rýhanııat • Búgin, 08:52

Joldyń jaıy qalaı: Mamandar jetispeıdi

Aımaqtar • Búgin, 08:50

Semizdik túrli syrqatqa sebepshi

Qoǵam • Búgin, 08:39

«Nurly kósh» kúnin belgilesek...

Qoǵam • Búgin, 08:35

Jańa aıaldamaǵa jany qas

Aımaqtar • Búgin, 08:31

Jańaózende jańa joba bastaldy

Aımaqtar • Búgin, 08:24

Taǵzym men taǵylym toǵysqan toı

Rýhanııat • Búgin, 08:19

Bizdiń belsendiligimiz de mańyzdy

Qoǵam • Búgin, 08:16

Ekonomıkada turaqty ósim bar

Ekonomıka • Búgin, 08:06

Kraýdfandıng qazaqqa da jat emes

Qazaqstan • Búgin, 08:00

Elbasy Qyrǵyzstan basshysymen kezdesti

Saıasat • Búgin, 07:56

Uqsas jańalyqtar