Aımaqtar • 11 Qyrkúıek, 2019

Aýyl ájeleri – sahna tórinde

32 retkórsetildi

Qazaq uǵymynda áje – ónege men tárbıe mektebi, urpaq tárbıesiniń asyl keni, halqymyzdyń ulttyq bolmysynyń, salt-dástúr sabaqtastyǵynyń, qazaqy qadir-qasıeti jalǵastyǵynyń janashyry.

Búgingi ájeler kelbeti qandaı? Olar el aldyndaǵy, urpaq aldyndaǵy óz paryz­daryn qalaı atqaryp kele­di? Búgingi ájeniń bári bir­deı syrmaq toqyp, kúbi pis­ken, kıiz úıdi jasantyp, qurt-balqaımaǵyn jaınatyp otyr deı almaımyz. Árıne bul zaman aǵymyna saı engen ózgerister. Alaı­da, ájeniń aty – áje, ol qandaı ózgeris bolsa da óz ornyn joǵaltpaı, óz minde­tin saqtap qalýy tıis.

Osy oraıda Jańaózen qalasyna qarasty Qyzyl­saı aýylyndaǵy Uzaqbaı jyraý Qazjanuly atynda­ǵy mádenıet úıinde «Bola­shaq­qa baǵdar: rýhanı jań­ǵyrý» baǵdarlamasy aıasynda ájeler baıqaýy uıym­dastyryldy. Sharanyń maqsaty jas urpaqqa hal­qy­myzdyń umytylyp bara jatqan salt-dástúri men ádet-ǵuryp túrleriniń tár­bıe­lik mánin túsindirý. Baı­qaýǵa Teńge, Bostan jáne Qyzylsaı aýyldarynan elý jas­tan asqan on eki áje qatysyp, óz ónerleri men ómirlik tájirıbelerin or­taǵa saldy.

– Baıqaý tórt bólimnen turdy. «Men ájemin urpa­ǵym­dy álpeshtegen» atty birinshi bólimde saıysker ózin tanystyrsa, ekinshi bólim­de olar urshyq ıirý­den saıysqa tústi. Úshinshi «О́ner saıysynda» ár áje bir nemeresimen án, bı, kúı, kórkem sóz oqý syndy óner­­lerin ortaǵa saldy. Al «Jan­kúıerler saıysy» dep atalatyn sońǵy bólimde ár áje­niń jankúıerlerinen bir adamnan ortaǵa shyǵyp, qoıylatyn suraqtarǵa ja­ýap berdi. Suraqtar eski salt-dástúr, ádet-ǵuryptar­dan qo­ıyldy, deıdi sharany uıym­dastyrýshy Jańa­ózen qalalyq mádenıet jáne tilderdi damytý bólimi basshysy Ulbazar Orynbaeva.

Qyzylsaı aýylynyń qur­metti azamaty Kún­ba­la Isaeva men Bostan aýy­lynyń turǵyny, Bos­tan mádenıet úıiniń zeı­net­­keri, ánshi Qyr­myzy Qo­­jahme­tova qa­zylyq et­ken ájeler saıysy qory­tyn­dy­synda bas júlde Bos­tan aýy­lynyń turǵyny Meń­dibaeva Yrystyǵa, qos bi­rin­­shi oryn qyzylsaılyq Net­­baeva Lıda men teńgelik Muqashova Qurbangúlge buıyr­dy. Al qos ekinshi oryn­dy qos qyzylsaılyq áje Sadýaqasova Altyn men Isı­na Marııash ıelen­se, úshin­shi oryndy da Qyzyl­saı aýylynyń tur­ǵyny Ilıa­­sova Amanqos enshiledi. «Me­ıi­rimdi áje» júldesi Ádil­baeva Su­lý­shash ájege berildi. Qaty­sýshylardyń bar­lyǵy dıplomdarmen jáne aqsha­laı júl­delermen mara­pattaldy.

Ájeler saıysy – áje­ler­diń óz ornyn tanyp, óz at­taryna laıyq bolýǵa shaqy­ratyn shara. Ár áje óz bıigin qalyptastyryp, saıystan oryn alýǵa umtylý arqyly áje degen ataýǵa saı bolýǵa tyrysatyny anyq.

 

Mańǵystaý oblysy

Sońǵy jańalyqtar

Garrı Kasparov robottardan saq bolýdy eskertti

Tehnologııa • Búgin, 09:11

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar