Áskerı áleýetti arttyrý da mańyzdy

Prezıdenttiń Qazaqstan halqyna arnaǵan Joldaýyn zııaly qaýymmen birge úlken alqaly zalda tyńdadym. Joldaýda elimizde atqarylyp jatqan oń ózgeristerge, alda atqarylatyn jumystarǵa jan-jaqty toqtaldy.

Depýtattardyń aldynda sóz alǵan Mem­leket basshysy úsh partııa­ly Par­lament jumysynyń aldaǵy ýa­qyt­ta atqaratyn jumystaryna toq­ta­la kele, Qazaqstannyń Tuńǵysh Pre­zı­denti – Elbasy Nursultan Ábishuly Nazar­baev­tyń saıasatynyń sabaq­tas­ty­ǵyn saq­tap, júıeli reformalar júrgizý ju­­mys­ta­ryn joǵary deńgeıde jal­ǵas­ty­­rýdy tap­syrdy.

Prezıdenttiń Qazaqstan halqyna arnaǵan Joldaýy el turǵyndarynyń áleýmettik-turmystyq jaǵdaıyn aıtar­­­lyq­taı arttyrýǵa arnalǵan ma­ńyz­dy qujat. «Kúshti Prezıdent – yqpaldy Parlament – esep beretin Úkimet» re­tin­de elimizdiń qoǵamdyq-saıası ómi­ri­ne sony ózgerister engizip, tıimdi eko­nomıkalyq reformalar jasaýǵa ýa­qyttyń ózi ákelgenin jetkizdi. De­pý­tat­tyq korpýstyń aldyn­da turǵan min­det­terge qatysty Prezıdent zań shy­ǵa­rýda qarjy tártibin nyǵaıtý, bıýd­jet qarjysyn «kóleńkege» jáne «kó­leńkeli ekono­mı­kaǵa» jiberýge ba­ǵyt­tal­ǵan zań­namalyq normalarǵa barynsha zań­namalyq turǵyda kedergi jasaý salasynda jumys júrgizý kerek­ti­gine toqtaldy.

Qoǵamnyń basty qundylyǵy – adam bolsa, bılik pen qoǵam arasynda aza­­­mat­­­tardyń barlyq ótinishine nazar aýdaratyn memleketti qurý búgingi kúnniń basty maqsaty ekenin atap ótti. Halyqpen keri baılanys ornatý olar­dyń ótinishterin sózbuıdaǵa salmaı, tez, ádil sheshilýine memlekettik organdar bas­shylarynyń nazaryn aýdardy.

Buǵan qosa, Prezıdentimizdiń Jol­daý­da quqyq qorǵaý júıesin tolyq reformalaý – asa mańyzdy mindetterdiń biri ekenin atap ótip, egemendi eldiń tegeý­rindi áske­rin qalyptastyrý min­de­ti tur­ǵanyn jetkizdi.

Sál artqa sheginip tarıhqa kóz júgirt­­sek, Qazaqstannyń Qarýly Kúsh­­teri de elmen birge damyp, elmen birge zamanaýı talaptarǵa saı jetile túskenin kórdik. Elbasynyń Jarlyǵymen 1992 jyly qurylǵan Qarýly Kúshter alǵashqy bes jylda biraz qıynshylyqty bastan keshirdi. Áskerı kadrlar jetispedi. Eski tehnıka, janarmaı tapshylyǵy qolbaılaý boldy. Sonyń bárine tózip, shydamdylyq kórsetip, tuıyqtan shyǵa bil­dik. Qazaqstannyń áskerı tarıhynda osy alǵashqy qalyptasý kezeńderi altyn áriptermen jazýly tur.

Qarýly Kúshterdiń qalyptasýy eli­miz­diń óz aldyna derbes memleket bolyp eńse kóterýimen qatar júzege asty.Táýelsizdik jyldarynda Elbasynyń tikeleı qamqorlyǵynyń arqasynda elimizde ofıserler daıarlaýdyń kóp­sa­laly júıesine baǵyttalǵan áskerı oqý oryndary quryldy. Táýelsizdigin alǵanǵa deıin elimizde eki-aq áskerı oqý orny bolǵan. Olar – Almatynyń jalpy joǵary komandalyq jáne shekaralyq ýchılısheleri áskerı kadr­lar­dy oqytty.

Aıtalyq, Aqtóbede áýe, Al­ma­ty radıo­elektronıka baılanysy áske­rı ınstıtýttarynda mamandar daıyndalady. Ishki áskerler (Ulttyq ulan) komandırleri on jeti jyldan beri Petropavlda daıyndalady. Sonymen qatar Shýchede kishi serjanttardy daıyndaıtyn kadet korpýsy ju­mys isteıdi. Odan ózge Almatyda, Shym­kentte, Qaraǵandyda salalyq mek­­tepterimiz, Nur-Sultan qalasynda «Jas ulan» mektebi áskerı oqý orynda­ry­na túsetin mamandardy oqytýda. Búginde elordamyzdaǵy Qazaqstan Res­pýb­­lıkasynyń Tuńǵysh Prezıdenti – Elbasy atyndaǵy Ult­tyq qorǵanys ýnıversıteti áskerı ǵylymnyń damýy­na negiz bolyp otyr dep tolyq aıta alamyn. Munyń bári buryn elimizde bolmaǵan bilim ordalary. Táýelsizdiktiń arqasynda qol jetken osyndaı kóp ıgi­likti isterdiń biri – áskerı maman daıyn­­dap, elimizdiń Qarýly Kúshterin Otanyna adal, kásibı turǵydan daıyn­da­ǵan ofıserler elge tóngen kez kelgen qaýipke toıtarys bere alady dep senim bil­diremin.

Mine, depýtat retinde buıyrtsa, osy jolda eńbek etpekpin. Elbasymyz: «Biz táýelsizdikke ańsap, zaryǵyp jettik. Endi sol táýelsizdiktiń qasıetti belgi­le­rin de erekshe qadirleýimiz, qas­ter­le­ýi­miz kerek. Árbir azamat Qa­zaq­stannyń Týyn, Eltańbasyn, Ánura­nyn tumardaı qasıet tutýy qajet.Eldigimizdiń synala­tyn bir tusy osy», degen pikir aıtyp edi.

Ańsap jetken azattyǵymyzdyń bo­la­shaǵy baıandy bolýyn, Prezı­den­ti­­mizdiń alǵa qoıǵan maq­sat­tary men mindetterin iske asyrý jolynda bar kúsh-jigerimizdi jumyldyrýymyz kerek. Bul – el aldyndaǵy da basty pary­zy­myz.

Abaı TASBOLATOV,

Parlament Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi