Aımaqtar • 11 Qyrkúıek, 2019

Máselelerdi sheshýdiń tıimdi joldary usynylǵan

46 retkórsetildi

Qazaqstan Respýblıkasynyń Prezıdenti Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men gúldenýiniń negizi» atty alǵashqy Joldaýyn usyndy. Bul joldaý «Máńgilik el» baǵdarlamasyn júzege asyrýǵa arnalǵan is-sharanyń jalǵasy ekenine kóz jetkizdi. Bul bizdi qýantady.

Elbasynyń aldymen ekonomıkany júrgizeıik, sol kezde áleýmettik máseleler de sheshiletin bolady, osylardy rettep alǵan soń saıasatqa kelemiz degen sózin ómir kórsetip otyr. Oǵan osy jylǵy Prezıdent saılaýy kezinde kóz jetkizdik. Qazaqstan halqy ótkir saıası máselelerdi talqylaýǵa belsendi qatysýǵa daıyn ekenin kórsetti. Jarysqa túsken saıası partııalar men qoǵamdyq qozǵalys ókilderi óz baǵdarlamalary men josparlaryn saılaýshylardyń na­zaryna usyndy. Nátıjesinde saı­laý­shylardyń 80 paıyzy daýys bergen bolatyn. Mundaı kórsetkishke alpaýyt memleketter de qol jetkize almaýda. О́ziniń tuńǵysh Joldaýyn Prezıdent Qasym-Jomart Toqaev qoǵamdyq dıalog taqyrybyna arnady. «Eldiń qoǵamdyq-saıası ómirin jańǵyrtpaıynsha tabysty ekonomıkalyq reformalarǵa qol jetkizý múmkin emes» ekendigin erekshe atap kórsetti. Osyǵan baılanysty kóp partııalylyqty odan ári damytý, qoǵamdyq kelisimdi saqtaý, halyqpen tıimdi baılanys ornatý, mıtıngiler týraly zańnamany jetildirý sııaqty máselelerge basa nazar aýdardy.

 Prezıdent elimizdegi qoǵamdyq keli­simdi nyǵaıtý men ultaralyq baılanysty jetildiretin til máselesine de erekshe toqtaldy. Bul jóninde ol: «Elimiz­degi etnostyq toptardyń tili men má­denıetin damytýǵa jaǵdaı jasaı bere­miz. Qazaq tiliniń memlekettik til re­tindegi róli kúsheıip, ultaralyq qaty­nas tiline aınalatyn kezeńi keledi dep esepteımin. Biraq mundaı dárejege jetý úshin bárimiz dańǵaza jasamaı, ju­my­la jumys júrgizýimiz kerek», dep atap kórsetti.

Prezıdent óz Joldaýynda sot pen quqyq qorǵaý júıesin jetildirýge, bız­nes­ti damytýǵa, qarjy resýrstaryn durys bólýge, halyqqa áleýmettik qoldaý kór­setýge, el aımaqtary arasyndaǵy teń­siz­dikti joıýǵa jáne basqa da halyqty tol­ǵantyp júrgen máselelerge erekshe kóńil bóledi. Tipti naqty mysaldar keltirip, problemalardy sheshýdiń tıimdi joldaryn da usynyp otyr. Mysaly, «7-20-25» baǵdarlamasymen páter alatyn jannyń aılyq tabysy 320 myń teńgeden kem bolmaýy kerek kórinedi. Jaǵdaıy tómen jandar oǵan qol jetkize almaıdy. Sondyqtan osy jyldan bastap «Baqytty otbasy» jańa baǵdarlamasy iske qosylǵan, ol kezde aı saıynǵy tólem 2% jáne alǵashqy jarna 10%-dy qu­raı­tyn kórinedi. Bul, árıne áldeqaıda tıimdi.

Bilim berýge burynǵydaı memlekettiń da­mýyndaǵy strategııalyq ról beriledi. Oqý­lyqtardyń sapasy jáne qala men aýyl mektepteriniń bilim berýdegi alshaq­ty­ǵy aıtyldy. Sondaı-aq Prezıdent jas mamandardy aýylǵa jiberýdiń meha­nızimderin oılastyrý kerek ekenin atap ótti. Joǵary oqý oryndary jumysynyń sapasyn jáne ǵylymı-zertteýlerdiń tıim­di­ligin arttyrý máselesine de toqtaldy.

Bul Joldaýdyń taǵy bir ereksheligi, ol qoǵam men bıliktiń ózara yqpaldasqan is-qı­mylynyń osy túri neǵurlym tıimdi eke­nin eskertip, azamattardy ashyq dıa­log­qa shaqyrýy. Prezıdent sheshimin kútip turǵan máselelerdi de ashyq aıtyp, dálel keltire otyryp synady da. Mysaly, keıingi 5 jylda ataýly áleý­met­tik kómekti qajet etetinder 77 myń adamnan 1,4 mln adamǵa jetkendigi jáne oǵan bólinetin qarjynyń da 2017 jyldan bastap 17 ese óskendigin atap ótti.

Osy tárizdi ózekti, sheshimin kútip tur­ǵan máselelerdiń bar ekenin ashyq aıta kele, olardy sheshýdiń utymdy joldaryn da usyndy, bul halyqtyń kóńilinen shyǵa­dy degen oıdamyn.

Baqytqalı MUSABEKOV,

Qaraǵandy oblystyq  «Rýhanı jańǵyrý» jobalyq keńsesiniń bas menedjeri

Banner
Sońǵy jańalyqtar

Memleket basshysy Lı Chjanshýmen kezdesti

Prezıdent • Búgin, 14:47

Túrkistan – jastar qalasy!

Aımaqtar • Keshe

Importtan ne uttyq?

Ekonomıka • Keshe

Festıvaldiń alǵashqy kúninde eki qoıylym sahnalandy

Rýhanııat • 20 Qyrkúıek, 2019

«Eki juldyz» baıqaýy Almatyda bastaldy

Rýhanııat • 20 Qyrkúıek, 2019

Tarazda jedel baılanys ortalyǵy ashyldy

Aımaqtar • 20 Qyrkúıek, 2019

Lısakovtyń «Báıteregi»

Aımaqtar • 20 Qyrkúıek, 2019

Alty boksshymyz jartylaı fınalda aıqasady

Sport • 20 Qyrkúıek, 2019

Gobelen – tekti ónerdiń týyndysy

Rýhanııat • 20 Qyrkúıek, 2019

«Mádenı qabat» joıylǵan joq

Qoǵam • 20 Qyrkúıek, 2019

Shahmardan terbelgen talbesik

Rýhanııat • 20 Qyrkúıek, 2019

Uqsas jańalyqtar