Mınıstrlik endi Facebook jáne Instagram áleýmettik jelilerindegi «Bári borysh júktemesin azaıtý týraly» degen paraqshalar arqyly suraqtarǵa jaýap beredi. Bul akkaýnttar halyqtan borysh júktemesin azaıtý máseleleri boıynsha ótinishteriniń kóp bolýyna baılanysty ashylyp otyr.
Buǵan deıin habarlanǵandaı, borysh júktemesiniń tómendeýine úmitker azamattar óz mártebesin kelesideı teksere alatyny belgili:
– Eńbek jáne halyqty áleýmettik qorǵaý mınıstrliginiń resmı saıtyndaǵy siltemege JSN engizip, suraý jiberý arqyly;
– Elektrondyq úkimet portalynyń basty betinde ornalasqan «Borysh júktemesin azaıtý baǵdarlamasyna qatysý úshin mártebeni tekserý» elektrondyq servısiniń kómegimen. Ol úshin ESQ qajet bolady;
– Eńbek jáne halyqty áleýmettik qorǵaý mınıstrliginiń bazasynda jumys isteıtin call-ortalyqta 111, 74-32-20, 75-01-79, 75-01-78 telefondary boıynsha konsýltasııa alý;
– Halyqqa qyzmet kórsetý ortalyǵyna júginý arqyly.
Búginnen bastap qazaqstandyqtar memleket esebinen qaryzdar men mıkrokredıtter boıynsha bereshekti óteý múmkindigi týraly keńesti oblystardyń, Nur-Sultan, Almaty jáne Shymkent qalalarynyń jumyspen qamtýdy úılestirý jáne áleýmettik baǵdarlamalar basqarmalarynan, «Memlekettik áleýmettik saqtandyrý qory» AQ jáne onyń fılıaldarynan, sondaı-aq oblystardaǵy, Nur-Sultan, Almaty jáne Shymkent qalalaryndaǵy Eńbek, áleýmettik qorǵaý jáne kóshi-qon komıtetiniń aýmaqtyq departamentterinen ala alady.
