Qazaqstan • 11 Qyrkúıek, 2019

«Egemen»-de jarııalanǵan maqala boıynsha depýtattyq saýal joldandy

243 retkórsetildi

Parlament Májilisiniń depýtaty, Nur Otan Fraksııasynyń múshesi Baqytbek Smaǵul Nur-Sultan qalasyndaǵy kórnekti kóshelerdiń birine Joshy han esimin berýdi usyndy.

Baqytbek Smaǵul Prezıdent Qasym-Jomart Toqaevtyń Qazaqstan halqyna Joldaýynda aıtylǵan ekotýrızm men etnotýrızmdi damytýǵa ekonomıkanyń mańyzdy salasy retinde basa mán berý týraly mindet qoıǵanyn tilek tıek etip, qoǵam ókilderi men jýrnalıster tarapynan Joshy han esimin ulyqtaý jóninde másele kóterilip jatqanyn aıtty. Ol eleýlilerdiń biri retinde «Egemen Qazaqstan» respýblıkalyq gazetinde jarııalanǵan Darhan Qydyráliniń «Ulyq ulystyń atasy» maqalasyn atap ótti.

«2015 jyly Qazaqstanda Elbasynyń bastamasy boıynsha Qazaq handyǵynyń 550 jyldyǵy keń aýqymda atap ótildi. Bul – qazaq memlekettiliginiń bastaýy bolsa, al Joshy ulysy men Altyn orda – qazaq ultynyń qalyptasýynda sheshýshi ról atqardy. Qazaq handarynyń Uly Atasy sanalatyn Joshy hanǵa jáne Ulyq ulysymyz bolyp esepteletin Altyn ordaǵa laıyqty qurmet kórsetý – bizdiń qasıetti paryzymyz» dedi Baqytbek Smaǵul.

Budan soń depýtat Úkimet basshysy Asqar Mamınge Nur-Sultan qalasyndaǵy kórnekti kóshelerdiń birine Joshy han esimin berýdi jáne ol kóshe boıyna ulyq ulys hanynyń eńseli eskertkishin ornatýdy, sondaı-aq, Jezqazǵannyń soltústik-shyǵysynda 50 shaqyrymdaı jerdegi Joshy han kesenesi janynan eskertkish-belgi turǵyzýdy usyndy.

«Jezqazǵannyń soltústik-shyǵysynda 50 shaqyrymdaı jerdegi Joshy han kesenesi – Shyńǵys han men onyń áýletinen jer betinde qalǵan jalǵyz belgi. Sondyqtan onyń janynan bul mazardyń dúnıejúzi tarıhyn ózgertken dara tulǵaǵa tıesili ekenin alystan áıgilep turar aıbyndy eskertkish-belgi turǵyzý mańyzdy. Shyńǵys hannyń úlken ulyna arnalǵan tarıhı keshen tek Shyǵys elderi úshin ǵana emes, sondaı-aq búkil álemdegi saıahatshylar men zertteýshiler úshin zor qyzyǵýshylyq týdyryp, týrıstik tartymdy orynǵa aınalary sózsiz» dedi ol.

Budan ári depýtat Altyn ordanyń 750 jyldyǵy aıasynda Joshy han, Alasha han kesenelerine keshendi túrde arheologııalyq, etnografııalyq zertteý jumystaryn júrgizýdi, otandyq jáne sheteldik bilgir ǵalymdardyń qatysýymen birlesken ekspedısııalar men halyqaralyq konferensııalar uıymdastyrýdy jáne zertteý jumystaryn ártúrli tilderde sheteldik aqparat quraldarynda jarııalaýdy usyndy. Onyń aıtýynsha, Uly Dala eliniń qoınaýynda tunǵan adamzat qupııasyn jahanǵa nasıhattaý arqyly Qazaqstannyń álemdegi bedel-ımıdji nyǵaıady.

Sonymen qatar Baqytbek Smaǵul Joshy han kesenesin keleshekte IýNESKO-nyń «Dúnıejúzilik mádenı mura tizimine» engizý kerek ekenin aıtty.

«HIII ǵasyrdyń eskertkishi jáne planetamyzdaǵy Shyńǵys han áýletinen qalǵan jalǵyz belgi retinde Joshy han kesenesin keleshekte IýNESKO-nyń «Dúnıejúzilik mádenı mura tizimine» engizý joldaryn qarastyrǵan jón. Sebebi, halyqaralyq bedeldi týrıstik operatorlar, jeke saıahatshylar saparyn josparlaǵanda, kóbine IýNESKO tizimine engen eskertkishterge qarap, baǵyt-baǵdar túzedi. Qazaq handarynyń ulyq babasy Joshy handy ulyqtaý – halqymyzdyń ult rýhynyń uly bastaýlarynan qýat alýyna jol salý degen sóz» dedi ol.

Banner
Sońǵy jańalyqtar

Memleket basshysy Lı Chjanshýmen kezdesti

Prezıdent • Búgin, 14:47

Túrkistan – jastar qalasy!

Aımaqtar • Keshe

Importtan ne uttyq?

Ekonomıka • Keshe

Festıvaldiń alǵashqy kúninde eki qoıylym sahnalandy

Rýhanııat • 20 Qyrkúıek, 2019

«Eki juldyz» baıqaýy Almatyda bastaldy

Rýhanııat • 20 Qyrkúıek, 2019

Tarazda jedel baılanys ortalyǵy ashyldy

Aımaqtar • 20 Qyrkúıek, 2019

Lısakovtyń «Báıteregi»

Aımaqtar • 20 Qyrkúıek, 2019

Alty boksshymyz jartylaı fınalda aıqasady

Sport • 20 Qyrkúıek, 2019

Gobelen – tekti ónerdiń týyndysy

Rýhanııat • 20 Qyrkúıek, 2019

«Mádenı qabat» joıylǵan joq

Qoǵam • 20 Qyrkúıek, 2019

Shahmardan terbelgen talbesik

Rýhanııat • 20 Qyrkúıek, 2019

Uqsas jańalyqtar