Sport • 11 Qyrkúıek, 2019

Qazaqstan bıatlonshylary dopıngke qatysty isti jeńip shyqty

39 retkórsetildi

2019 jyldyń 10 qyrkúıegi kúni Halyqaralyq Bıatlonshylar Odaǵynyń (IBU) dopıngke qarsy paneli bıatlonnan Qazaqstan komandasynyń toǵyz sportshysyna taǵylǵan ýaqytsha jarystan shettetý týraly aıyptyń kúshin joıdy. Bul týraly Olympic.kz habarlady

2019 jyldyń 24 maýsymy kúni Insbýrk qalasynda bıatlonnan Qazaqstan komandasynyń jarystan shettetilgen sportshylaryna qatysty otyrys ótti. Otyrys IBU Dopıngke qarsy paneliniń bastamasymen ótti. Qazaqstandyq sportshylar atynan shveısarııalyq advokattar men Qazaqstan Bıatlonshylar Odaǵynyń bas hatshysy Manas Ýsenov sóz aldy. 

Atalǵan otyrystyń sheshimi týraly aqparat búgin málim boldy. Qazaqstandyq sportshylardan dopıngke qarsy erejeni buzǵany úshin taǵylǵan aıyptar alynyp tastaldy. Sondaı-aq olardyń IBU uıymdastyratyn halyqaralyq jarystardan shettetilýi týraly sheshimniń de kúshi joıyldy. 

Aıta keteıik, 2018 jyldyń 21 qarashasynda IBU Qazaqstan komandasynyń negizi quramyn, onyń ishinde Galına Vıshnevskaıa, Alına Raıkova, Darıa Klımına, Olga Poltoranına, Iаn Savıskıı, Maksım Braýn, Anna Kıstanova, Anton Pantov jáne Vasılıı Podkorytovty jarystardan shettetý týraly sheshim shyǵarǵan bolatyn. 

Barlyq bıatlonshylarǵa halyqaralyq jáne respýblıkalyq jarystarǵa qatysýǵa ýaqytsha tyıym salyndy. 

2019 jyldyń 5 naýryzy kúni Qazaqstan Bıatlonshylar odaǵynyń apellıasııasyn qanaǵattandyrǵan Sporttyq arbıtrajdy sot (CAS) Galına Vıshnevskaıaǵa taǵylǵan aıyptyń kúshin joıyp, onyń ulttyq qurama sapynda synǵa túsýine ruqsat berdi. 

«Bizdiń sportshylar jalpy esebi 292 kún boıy jarystan shettetildi. Biz Ulttyq Olımpıada Komıteti, Mádenıet jáne sport mınıstrligimen birlese otyryp, bul istiń oń sheshimin tabýyna atsalystyq. О́ıtkeni, tekserý kezinde bizdiń bıatlonshylardan alynǵan dopıng synama teris nátıje kórsetti.  Bizdiń sportshylarǵa qoldaý kórsetken barshańyzǵa rahmet», - deıdi Qazaqstan Bıatlonshylar Odaǵynyń Prezıdenti Ermek Qızatov. 

Esterińizge sala ketsek, 2017 jylǵy 8 aqpanda dopıng qoldandy degen kúdikpen Avstrııanyń Federaldy polısııasy Qazaqstan quramasynyń sportshylary men jattyqtyrýshylarynyń dopıngke jospardan tys synamalaryn aldy. Qazaqstan quramasyna tıesili qoldanylǵan dári-dármekterdiń qoqys jáshiginen tabylýy dopıng daýyna sebep boldy. 

2018 jyldyń 23 qarashasynda  IBU-dan Qazaqstan bıatlonshylar odaǵyna bizdiń toǵyz sportshymyzdyń 2017 jylǵy aqpanda dopıngke qarsy is-qımylǵa baılanysty barlyq jarystarǵa qatysýdan ýaqytsha shettetilgeni týraly resmı habarlama keldi.

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar