Infraqurylymnyń, energetıka men aýyl sharýashylyǵynyń negizgi sektorlaryndaǵy reformalardan bastap, bilim berý, densaýlyq saqtaý jáne turǵyn úıdi jaqsartý, óńirlerdi damytý, ShOB-ty qoldaý, kóppartııaly júıeni nyǵaıtýǵa deıingi barlyq reformalar Qazaqstannyń uzaq merzimdi ósip-órkendeýi men halyqtyń ál-aýqatyn qamtamasyz etýdegi alǵa jyljýyn kórsetedi.
Prezıdent aıqyndaǵan syrtqy saıası basymdyqtar da mańyzdy. Bul Qazaqstanǵa álemdik ekonomıkalyq iri memleketterdiń arasynda alatyn ornyn qamtamasyz etedi. Ekonomıkanyń ártaraptandyrylǵan salalaryndaǵy ońtaıly retteý qurylymdary arqyly elge tikeleı sheteldik ınvestısııalardy tartý saıasaty, sondaı-aq «Astana» halyqaralyq qarjy ortalyǵy usynatyn jan-jaqty qarjy resýrstarynyń bolýy sheteldik kompanııalardyń Qazaqstanǵa óte perspektıvaly ınvestısııalyq aımaq retinde senimin arttyrýǵa yqpal etedi.
Qysqasha qorytyndylaı kele, Prezıdent Q.Toqaev Joldaýda engizilgen ishki jáne syrtqy saıası reformalardyń úılesýi Qazaqstannyń qazirgi jáne taıaý jyldardaǵy ósýi men órkendeýine negiz qalaıtyny sózsiz.
Dorıt SALLIS,
Shveısarııa-Reseı/TMD Birlesken saýda palatasynyń basqarýshy dırektory
