Aımaqtar • 12 Qyrkúıek, 2019

Aımaqtyń bıznes-habyna aınalady

20 retkórsetildi

Prezıdent Joldaýynda tıimdi shaǵyn jáne orta bıznes qala men aýyldy damytýdyń negizi ekendigi aıtyldy. Ásirese mıkrobıznes elimizdiń áleýmettik-ekonomıkalyq jáne saıası ómirinde mańyzdy ról atqarady. Onyń nátıjesinde turaqty jumys oryndary ashylyp, jumyssyzdyq azaıady.

Memleket basshysy alǵa qoıǵan mindetterdiń dáleli retinde Almaty qalasynyń ákimi Baqytjan Saǵyntaev kásip­kerlerdiń dástúrli V konferensııasy barysynda qala qorjynyna túsetin salyqtyń 60 paıyzdan astamy shaǵyn jáne orta bızneske tıesili eken­digin jetkizip, óńirlik bız­nesti damytýǵa arnalǵan «Almaty Business-2025» bir­yń­ǵaı baǵdarlamasynyń ázir­len­genin jetkizdi.

Ekonomıkalyq belsendi aı­maq sanalatyn Almatyny damy­tý aıasynda qala basshylyǵy tarapynan qazirgi kezeńde osy baǵdarlama boıynsha bes ba­ǵyt­ta jumystar atqaryla bas­ta­dy. Iаǵnı, kedergilerdi joıý, bıznesti qarjylandyrýdy art­­tyrý, ınfraqurylymdy da­mytý jáne ınvestısııalyq jo­balardy qoldaýǵa baılanys­ty keshendi sharalar júzege asýda. Al «Qoldau» kásipkerlik ortalyǵynyń qalanyń alty aýdanynda bólimsheleri ashylyp, onda bir tereze qaǵıdaty boıynsha kásipkerlik keńester berilýde. Ońtústik astanada tirkelgen 180 myńnan astam kásiporyn ókilderi osy konferensııada ózderin tolǵandyrǵan úlkendi-kishili máselelerge oraı «Atameken» UKP men qala basshylyǵyna usynystaryn jetkizdi.

Kásipkerlikke qoldaý kór­se­tý men damytý — ákimdik ju­­mys­ynyń strategııalyq basym baǵyttarynyń biri eken­digine toqtalǵan qala ákimi «Almaty Business-2025» biryń­ǵaı baǵdarlamasy Almatyny Ortalyq Azııanyń bıznes-habyna aınaldyrýǵa ári kásip­ker­likti tike­leı qoldaý men da­­mytýǵa ne­giz­delgenin jet­kiz­di. B.Saǵyn­taev so­nymen qa­tar ál­eý­mettik salaǵa da erek­she na­zar aýdarylatynyn atap ótip, medısına, bilim, IT teh­nologııa jáne týrızm sala­la­­ryndaǵy bızneske qoldaý sarap­tamaly-baǵdarly klaster qu­rýǵa múmkindik beretinine toq­taldy. Aldaǵy ýaqytta qala basshylyǵy «Atameken» UKP-men birlesip «shıkizat-óndiris-ótkizý» tártibi negizinde jobalardy júzege asyra bastaıdy. Bul qalanyń bıznes-ahýalyn túbegeıli ózgertýge múmkindik beredi.

«Atameken» Ulttyq kásip­ker­ler palatasynyń tóralqa tóraǵasy Tımýr Qulybaev kásip­­ker­lerdi qoldaý máse­le­sinde «Atameken» ákim­dik­pen birlese jumys istep, prob­le­ma­lyq kredıtter qorynda jat­qan jer telimderin áleýmettik-kásipkerlik korporasııa balansyna berý jóninde Úkimetke ótinim jasaýǵa daıyn ekendigin jet­kiz­di. Al bos jerlerdi qan­daı qajettilikterge alýǵa bolatynyn anyqtaý úshin bas jospardyń derekterin negizge ala otyryp, sondaı-aq qalanyń áleýmettik damýyna qajetti jer telimderin belgilep, qal­ǵa­nyn bıznes qajettilik úshin aýksıonǵa shyǵarý máselesin, bankterde kepildikte jatqan jerlerdi qoldanýdyń quqyq­tyq mehanızmderin jasaý qajet­tiligine toqtaldy. Búginde qala­da jer telimderi boıynsha aqpa­ratty sıfrlandyrý tolyq aıaqtalǵan.

Almatydaǵy iskerlik ahýal­dy jaqsartý men ashyq­ty­ǵyn qamtamasyz etýde bos jer te­­limderi, ınjenerlik jeliler­diń qýaty jáne olarǵa qo­s­ylý múmkindigi týraly elek­­trondy aqparattar kásip­ker­­ge onlaın rejimde qol­je­­­timdi bolýy qajet degen T.Qulybaev turaqty emes saý­da nysandarynyń máse­le­­sin de qozǵap ótti. Al ony she­shý­­diń tetikterin Nur-Sul­tan qalasynda júzege asqan «1000 saýda orny» jobasynyń táji­rı­besi negizinde qaras­ty­rý­dy usyn­dy.

Konferensııada qala áki­miniń orynbasary Sapar­bek Tuıaqbaev «Al­ma­ty Business-2025» aımaq­tyq baǵ­­darlamasyn ta­nys­tyr­­­­dy. Sondaı-aq qala ma­ńyn­­da ornalasqan barlyq ká­­­sip­­­kerlik nysandardy qo­l­­daýǵa baǵyttalǵan ke­shen­­­di baǵdarlama aıasynda «Qoldau» ortalyǵy jáne jas ká­sip­ker­lerge arnalǵan «Bas­tau» jobasynyń qolǵa alyn­ǵan­dy­ǵyn jetkizdi. Sony­men qatar S.Tuıaqbaev «bir tereze» negizinde jumys isteıtin «Qoldau» ortalyǵynda bızneske qatysty barlyq uıymdardyń jáne de jer ýchaskelerin tir­keý mekemeleriniń de ornalasa­tynyna toqtaldy. «Al jas ká­­sipkerlerge arnalǵan «Bas­tau» baǵdarlamasy «Ata­me­ken» kásipkerler palatasy arqy­ly júzege asady. Elý shaq­ty keńsede tájirıbeli kásip­kerler bızneske kelgen jas­tar­ǵa dáris oqıtyn bolady. Baǵdarlama aıasynda qysqa mer­zimdi oqytýǵa búginde 4 myń­nan asa adam jiberilgen. Al «Almaty Business-2025» aımaq­tyq baǵdarlamasy aıasynda aǵym­daǵy jyly 9 myńnan astam ma­man oqytylsa, 2020 jylǵa qa­raı 30 myńnan joǵary jumys ornyn ashý kózdelip otyr.

 

ALMATY

 

Banner
Sońǵy jańalyqtar

Atyraýlyq sarbazdar áskerge attandy

Aımaqtar • Búgin, 17:27

Almatyda taǵy da jylý qubyry jaryldy

Qoǵam • Búgin, 16:20

Jambylda aǵash kóshetteri otyrǵyzyldy

Aımaqtar • Búgin, 16:02

Taldyqorǵanda tekstıl shyǵarylady

Aımaqtar • Búgin, 15:42

Eń qysqa áńgime. Qanat Ábilqaıyr

Eń qysqa áńgime • Búgin, 11:33

Eń qysqa áńgime. Arman Álmenbet

Eń qysqa áńgime • Búgin, 11:26

Kúlki kerýeni № 2

Rýhanııat • Búgin, 10:27

Qylqalamnyń ushynda – Qaraǵandy

Rýhanııat • Búgin, 09:48

«Qoıanqasqa» tulpar top jardy

Rýhanııat • Búgin, 09:11

Qazan meshitiniń úlgisin tańdapty

Rýhanııat • Búgin, 09:09

Qazaq dastarqanynan dám tatty

Aımaqtar • Búgin, 09:03

Baqyt Bókebaev: Bekzat óner belesteri

Rýhanııat • Búgin, 08:59

Aqyn qalamyndaǵy akademık beınesi

Rýhanııat • Búgin, 08:56

Baıanǵalı týraly baıan

Rýhanııat • Búgin, 08:52

Joldyń jaıy qalaı: Mamandar jetispeıdi

Aımaqtar • Búgin, 08:50

Semizdik túrli syrqatqa sebepshi

Qoǵam • Búgin, 08:39

«Nurly kósh» kúnin belgilesek...

Qoǵam • Búgin, 08:35

Jańa aıaldamaǵa jany qas

Aımaqtar • Búgin, 08:31

Jańaózende jańa joba bastaldy

Aımaqtar • Búgin, 08:24

Taǵzym men taǵylym toǵysqan toı

Rýhanııat • Búgin, 08:19

Bizdiń belsendiligimiz de mańyzdy

Qoǵam • Búgin, 08:16

Ekonomıkada turaqty ósim bar

Ekonomıka • Búgin, 08:06

Kraýdfandıng qazaqqa da jat emes

Qazaqstan • Búgin, 08:00

Elbasy Qyrǵyzstan basshysymen kezdesti

Saıasat • Búgin, 07:56

Uqsas jańalyqtar