Rýhanııat • 12 Qyrkúıek, 2019

Qylyshbaı áýlıe beıiti

137 ret kórsetildi

Terisaqqan aýylynan 18 shaqyrym jerde Terisaqqan ózeniniń oń jaq jaǵalaýynda zamanynda áýlıe atanǵan, at tuıaǵy jeter jerdegi jalpaq jurt jaqsylyǵyn kóp kórgendikten ári tabıǵat syılaǵan aıryqsha qabiletine oraı kózi tirisinde áýlıe atap ketken Qylyshbaı áýlıe Nuqy balasynyń beıiti bar. Qazirgi kezde jergilikti jurt bul jerdi áýlıe beıiti dep ataıdy.

Birden birge kóshken kóne kómbeniń qaqpasyn ashsańyz, Qylyshbaı áýlıe zamanynda aýyryp-syrqaǵanǵa, jetim balalar men egde tartqan adam­darǵa qamqor qolyn sozǵan keńpeıildi, meıirban adam bolǵan degen derekke kezdeser edińiz. Asa din­dar bolǵan áýlıe mynaý jaryq dú­nıedegi alma-kezek astasyp jatatyn jaqsylyq pen jamandyqtyń, ádildik pen ádi­let­sizdiktiń arajigin tap basyp ajyratyp, jazyqsyz japa shekkenderdi qorǵaǵan. Taǵdyrdyń tálkegine tú­sip, tirshilikten baz keshkenderdiń jan dúnıesin jyly sózimen emdep, qaıratyn janyǵan, ómirge degen qushtarlyǵyn arttyrǵan. 

Kónekóz qarııalardyń aıtýyna qaraǵanda, bir zamanda bir ǵana Terisaqqan aýylynda otyz molda bolsa kerek. Osy dindarlardyń ishinde bilimi de kóp, biligi de mol, kisiligi kenen, adamgershiligi ajarly Qylyshbaı áýlıe bolǵanǵa uqsaıdy. Tirshiligindegi el qamyn jegen ıgilikti sharýasy óz aldyna, ómirden ótkennen keıin de qadiri men qasıetin uqtyryp jatty deıdi. Máselen, keshegi keńes zamanynda jos­par qýalaýdyń saldarynan toqymdaı jerdi bos qaldyrmaǵan tyń ıgerýshiler Qylyshbaı áýlıe beıitiniń mańyna jolaı almapty. Janap óte bergende jańa ǵana dup-durys istep turǵan tehnıkalary synyp qala beretin bolǵan. Sebebin taba almaı dal bolyp jergilikti turǵyndardan bul jerdiń qandaı qasıeti bar dep surastyrmaı ma? Áýlıe jaıyn biletin jergilikti jurt mán-jaıdy túsindirip aıtady. Sodan qaıtyp bul jerde tehnıkanyń tabany tımese kerek. Týǵan jerin qorǵap jatqan qandaı ǵajap qasıet deseńizshi?!

Qazirgi kezde áýlıe beıiti qasıetti jer sanalady. Kóptegen adamdar kelip áýlıege quran baǵyshtap, minájat etedi.

 

Aqmola oblysy,

Jaqsy aýdany

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar